Gato montesino

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Gato montesino ye una denominación común aragonesa que s'emplega popularment pa nombrar por igual diferents especies de felins silvestres de caracteristicas pareixidas a aquello que a cultura popular denomina «gato» como tamién pa os eixemplars propiament asilvestraus de gato domestico.

Como con atros casos pasa, d'animals a os qui se les pincha l'apelliu «montesino», a denominación popular no conta con criterios taxonomicos fiables y por ixo no tiene garra valideza en Zoolochía.

En l'Alto Aragón o concepto de gato montesino encara ye denostau, y evoca pensamientos d'animal pernicioso y furtador. En iste sentiu, l'adchectivo montesino puet fer-se servir mesmo con eixemplars de gato que o parlador sabe que son domesticos, solo que con a intención d'ataque verbal; por eixemplo, cuan s'encorre un gato alleno.