Eucariote

Eucariotes
Classifiaedje filodjenetike
Dominne : Eukaryota
Tacsons di rang dzotrin
  • Actinopoda
  • Alveolates
    • Ciliata
    • Dinophyta
    • Apicomplexa
  • Chlorarachniophyta
  • Cryptophyta
  • Euglenozoa
  • Foraminifera
  • Brune lignêye
    • Stramenopila
    • Haptophyta
  • Vete lignêye
    • Glaucophyta
    • Metabionta
  • Metamonadines
  • Mycetozoa
  • Opisthocontes
    • Mycota
    • Choanozoa
      • Choanoflagellatea
      • Metazoa
  • Parabasalia
  • Percolozoa
  • Rhizopoda
Classifiaejde classike
Animalia
Fungi
Plantae
«Protista»

Les eucariotes, c' est des vicantès sacwès ki sont pus avanceyes ki les bactereyes, arkeyobactereyes ey eubactereyes, k' on lome eto procariotes.

Les mwaissès diferinces, c' est les sacwès ki shuvèt, ki les eucariotes ont, et ki les procariotes n' ont nén :

  • des ôrganites ki pårtixhèt l' espåce del celule e sacwantès plaeces, avou tchaeke on spepieus ovraedje, come li nawea (ki contént l' ADN), les mitocondreyes, li reticulom indoplasmike, l' aparey da Golgi, les lissozomes, les perocsizomes, les cloroplasses et vacuyoles po les plantes;
  • on citoskelete, bråmint compôzé d' actene et di miyozene;
  • l' ådjeu di fé l' indocitoze.
  • èn ADN, ki s' dispårti ezès cromozomes sol tins do pårtixhaedje del celule.
  • li pårtixhaedje del celule lomêye mitoze ki mete en alaedje les cintriyoles et l' faxhene mitotike.
  • ene prôpe secsuwalité, la k' tchaeke tipe secsuel apoite li mitan do materiå djenetike.

Classicmint les eucariotes estént dispårtis e 4 ringnes: Animalia, Fungi, Plantae et Protista.Po les troes prumîs, on pout aveur on spepieus definixha. Pol cwatrinme, li ringne des protisses, dj' ô bén, çou ki n' est ni biesse, ni plante ni tchampion, gn a co del divize.

So les dierinnès anêyes, gn a yeu des clapantès avanceyes e sistematike et on-z a polou atåvler on meyeu coxhlaedje filodjenetike des eucariotes.

Ene des dierinnès sintezes, e francès, k' a stî fwaite, c' est l' cene propozêye pa Guillaume Lecointre et Hervé Le Guyader dins Classification phylogénétique du vivant (classifiaedje filodjenetike do vicant) k' a vudî ås eplaidreyes Belin.