ویکی

ویکی (انگریزی: wiki) اپنی نوعیت کی منفرد اور علمی ویب گاہ ہوتی ہے جس کے صارفین یا زائرین ویب براؤزر یا مخصوص اطلاقیہ کی مدد سے اس کے مندرجات میں مفید اضافے اور تبدیلی کرتے ہیں۔ اس قسم کی ویب گاہ پر لکھنے والوں کو ویکی نویس کہا جاتا ہے جو مخصوص زبان میں اس کے مضامین و مندرجات کو مرتب کر کے پیش کرتے ہیں۔ یہ مارک اپ زبان کہلاتی ہے اور بے حد سادہ اور سہل ہوتی ہے۔ تاہم اگر کوئی صارف اسے استعمال نہ کرنا چاہے تو رچ ٹیکسٹ ایڈیٹر بھی دستیاب ہوتا ہے۔[1]لفظ ویکی اس سافٹ ویئر کے جانب بھی اشارہ کرتا ہے جسے اس قسم کی ویب گاہ میں استعمال کیا جاتا ہے۔ ہوائی زبان میں ویکی کے معنی تیز رفتار کے ہوتے ہیں۔[2] چونکہ اس قسم کی ویب گاہ میں کثرت اور تیز رفتاری کے ساتھ مواد میں ترمیم واضافہ ہوتا رہتا ہے اس لیے اس لفظ کو اختیار کیا گیا۔ ویکی سافٹ ویئر کو استعمال کرنے والی سب سے مشہور اور مقبول ویب گاہ آزاد دائرۃ المعارف ویکیپیڈیا ہے جو دنیا بھر میں پانچویں بڑی ویب گاہ خیال کی جاتی ہے۔ ویکیپیڈیا محض ایک ویکی سائٹ نہیں، یہ ویکی سائٹوں کا ایک مجموعہ ہے جس میں مختلف زبانوں اور منصوبوں کے لیے علاحدہ علاحدہ ویکی سائٹ بنائی گئی ہے۔

وارڈ کننگھم ویکی پروگرام کا اولین ترقی دہندہ

تاریخترمیم

اولین ویب سائٹ جس پر لفظ ویکی کا اطلاق ہوا 25 مارچ 1995 میں سامنے آئی، یہ پورٹ لینڈ پیٹرن ریپازیٹری (Portland Pattern Repository) کا ویب گاہ تھا جسے وارڈ کننگھم نے بنایا تھا۔ یہ پہلا شخص ہے جس نے اس طرح کی ویب گاہوں کے لیے لفظ ویکی کو اختیار کیا۔

گذشتہ صدی میں 90 کی دہائی کی آخر سے ڈیٹابیس بنانے کے لیے پروگرام ویکی کے استعمال کا عمومی رواج بن گیا اور انتہائی کثرت سے اس مقصد کے لیے ویکی مواقع تخلیق کی گئی۔ اور آج دائرۃ المعارف ویکیپیڈیا کا انگریزی نسخہ انٹرنیٹ پر سب سے بڑا ویکی ویب گاہ سمجھا جاتا ہے۔ ویکی اپنے صارفین کو براؤزر کے ذریعہ مواد کی ترمیم، اضافہ وحذف شدگی کی سہولت فراہم کرتا ہے۔

خصوصیاتترمیم

ویکی پروگرام موقع کے زائرین کو اجتماعی شکل میں موقع کے موضوعات کی تدوین کی سہولت فراہم کرتے ہیں۔ یہ تدوین سادہ سی زبان ترمیز اور متصفح حبالہ کے ذریعہ کی جاتی ہے۔ انتہائی آسانی کے ساتھ نئے موضوعات پر صفحات تخلیق کیے جا سکتے ہیں، پہلے سے موجود صفحات میں بآسانی ترمیم اور مواد کی تجدید کرسکتے ہیں، نیز ضرورت پڑنے پر عناوین میں رد وبدل بھی کیا جا سکتا ہے۔ البتہ متعدد ویکی مواقع اپنے مواد میں ترمیم کرنے کے لیے داخل نوشتگی ضروری قرار دیتی ہے لہذا ایسے مواقع میں کھاتہ بنانا ناگزیر ہوتا ہے۔

درون ویکی روابطترمیم

کسی بھی ویکی صفحہ میں کسی لفظ کو قلابین کے اندر درج کیا جائے تو وہ ایک ربط کی شکل میں نظر آتا ہے، جس پر کلک (click) کرکے اس سے متعلق آگاہی حاصل کی جا سکتی ہے۔ اگر بین القوسین درج شدہ لفظ پر کوئی صفحہ ویکی میں موجود نہ ہو تو وہ سرخ رنگ میں نظر آتا ہے، لیکن جیسے ہی اس نام سے صفحہ وجود میں آتا ہے تو ویکی پروگرام خودکار طور پر تمام ویکی صفحات میں سرخ روابط کو نیلے رنگ میں تبدیل کردیتی ہے، یہ ایک انتہائی اہم خصوصیت ہے۔

ترامیم کی نگرانیترمیم

ویکی ویب گاہیں اس طرح ترتیب دی جاتی ہیں کہ انتہائی سہولت اور آسانی کے ساتھ تمام ترامیم پر نظر رکھی جا سکے اور کسی بھی غلطی کو بروقت درست کیا جا سکے۔ اسی ضمن میں ایک دوسری اہم خصوصیت جو اکثر ویکی مواقع حبالہ میں موجود ہوتی ہے، صفحہ حالیہ تبدیلیاں ہے۔ اس صفحہ میں ویکی میں ہونے والی حالیہ تبدیلیوں کی فہرست موجود ہوتی ہے، اس میں دو اختیار بھی موجود ہوتا ہے؛ ایک آخری ترمیم سے قبل صفحہ کس حال میں تھا اور اس میں آخری ترمیم کیا کی گئی۔ اس طرح بیک جنبش یہ معلوم کیا جا سکتا ہے کہ کیا ترمیم واضافہ ہوا اور اگر درست نہ ہو تو اسے استرجع کیا جا سکتا ہے۔

اسی طرح بعض ویکی پروگرام ایک اور مفید خصوصیت کے حامل ہوتے ہیں؛ کوئی صارف اپنے پسندیدہ موضوعات کو مستقل نگاہ رکھنا چاہے تو ان کو زیر نظر کر سکتا ہے، ایسے تمام صفحات میری زیر نظر فہرست نامی صفحہ میں نظر آتے ہیں۔ نیز ان میں ہونے والی کسی بھی ترمیم کی اطلاع بذریعہ برقی ڈاک بھی وصول کی جا سکتی ہے۔ یہ خصوصیت ویکیپیڈیا کے زیر استعمال میڈیاویکی سافٹ ویئر میں فراہم کی گئی ہے۔

تخریب کاریترمیم

چونکہ ویکی ویب گاہوں میں ترامیم کے دروازے سب کے لیے کھلے ہوتے ہیں، اس لیے تخریب کاری کا قوی امکان بھی موجود ہوتا ہے۔ بعض افراد محض تجربہ کے لیے وارد ہوتے ہیں، جبکہ بعضے اشتہار بازی کے لیے آتے ہیں۔ اور بعض افراد اپنی ذاتی آراء تحریر کردیتے ہیں یا اپنی رائے کے خلاف نظر آنے والے مواد کو حذف کردیتے ہیں۔ جبکہ کچھ ایسے صفحات بھی تخلیق ہوتے ہیں جن کا ویب گاہ سے کوئی تعلق نہیں ہوتا۔

اکثر ویکی پروگرام ویب گاہ کے منتظمین کو یہ اختیار دیتے ہیں کہ جن صفحات میں تخریب کاری کی شرح زیادہ ہو یا اختلافی موضوع ہو تو ان صفحات کو محفوظ کر دیں، تاکہ منتظمین کے علاوہ کوئی بھی فرد اس میں ترمیم نہ کرسکے۔

بعض اوقات تخریب کار صارفین پر پابندی بھی عائد کردی جاتی ہے، تاہم بہتر یہ ہوتا ہے کہ تخریب کار کو اپنے عمل کے لیے آزاد چھوڑ دیا جائے، کچھ ہی عرصہ میں وہ کنارہ کش ہو جائے تو اس کی تمام ترامیم استرجع کر دیں۔

بیرونی روابطترمیم

  • Wikis at HowStuffWorks.
  • WikiWikiWeb, the first wiki
  • Wikipatterns.comآرکائیو شدہ (Date missing) بذریعہ wikipatterns.com (Error: unknown archive URL) A toolbox of patterns and anti-patterns, and a guide to major stages of wiki adoption that explores patterns to apply at each stage.
  1. "wiki"، دائرۃ المعارف بریٹانیکا، 1، London: Encyclopædia Britannica, Inc.، 2007، April 24, 2008 میں اصل سے آرکائیو شدہ، اخذ شدہ بتاریخ April 10, 2008 
  2. Lorrin Andrews (1865)، A dictionary of the Hawaiian language to which is appended an English-Hawaiian vocabulary and a chronological table of remarkable events، Henry M. Whitney، صفحہ: 514، August 15, 2014 میں اصل سے آرکائیو شدہ، اخذ شدہ بتاریخ June 1, 2014 
🔥 Top keywords: غزوہ بدرصفحۂ اولخاص:تلاشواشنگٹن، ڈی سیعائشہ بنت ابی بکرانا لله و انا الیه راجعونبدرہسپانوی خانہ جنگیاسماء اصحاب و شہداء بدرقاہرہفتح مکہمحمد بن عبد اللہاعتکافپہلی جنگ عظیم میں سلطنت عثمانیہ کی شمولیتنیو ڈیلعلی ابن ابی طالباسلامقرآنحجحسن ابن علیروزہ (اسلام)موسی ابن عمرانزکاتالجزائرعمرو ابن عاصکوالا لمپورعمر بن خطابجدہترکیب نحوی اور اصولممبئی انڈینزپاکستانمشتریابوبکر صدیقدوسری جنگ عظیم کے اتحادیریاستہائے متحدہ کی ایجادات کی ٹائم لائن (1890–1945)ہیکل سلیمانیقرآنی سورتوں کی فہرستسید احمد خانشب قدراردوروس-یوکرین جنگسورہ مریماردو حروف تہجیمحمد اقبالامہات المؤمنینسجدہ تلاوتبینظیر انکم سپورٹ پروگرامسلیمان (اسلام)سوویت اتحاد کی تحلیلحروف کی اقسام17 رمضانابراہیم (اسلام)کیتھرین اعظمحرفایشیا میں کرنسیوں کی فہرستسعودی عرب کا اتحادغزوہ خندقواقعہ افکرمضانمرزا غالبجملہ کی اقسامصلح حدیبیہاسماء اللہ الحسنیٰیوسف (اسلام)سرخ بچھیاسورہ الحجکاؤنٹیوں کی فہرست بلحاظ امریکی ریاستعیسی ابن مریممسجد اقصٰیرموز اوقافاردو زبان کی ابتدا کے متعلق نظریاتفلسطینآدم (اسلام)واقعہ کربلافاطمہ زہراصلاح الدین ایوبیقتل علی ابن ابی طالباحساس پروگرامخالد بن ولیدابو حنیفہغزلغزوہ خیبرجمع (قواعد)رویت ہلال کمیٹی، پاکستانشاعریتشبیہخاص:حالیہ تبدیلیاںقرارداد پاکستانناولرفع الیدینغزوہ احدقرآن میں انبیاءایوان بالا پاکستانمتضاد الفاظانسانی حقوقختم نبوتجنگ جملخدیجہ بنت خویلدنوح (اسلام)