Baktéri

Bacterium
Escherichia coli
Klasifikasi ilmiah
Domain:	Bacteria
Subgrup
Actinobacteria Aquificae Bacteroidetes/Chlorobi Chlamydiae/Verrucomicrobia Chloroflexi Chrysiogenetes Cyanobacteria Deferribacteres Deinococcus-Thermus Dictyoglomi Fibrobacteres/Acidobacteria Firmicutes Fusobacteria Gemmatimonadetes Nitrospirae Planctomycetes Proteobacteria Spirochaetes Thermodesulfobacteria Thermomicrobia Thermotogae

Baktéri nyaéta golongan panglobana di antara organisme. Istilah baktéri (bacteria) geus macem-macem dipaké keur sakabéh prokariot atawa lolobana golongannana, atawa disebut ogé eubacteria, gumantung kana pamikiran ngeunaan hubungannana. Di dieu, bacteria digunakeun hususna pikeun nunjuk kana eubacteria. Golongan gedé baktéri séjénna nyaéta Archaea. Studi ngeunaan baktéri disebut baktériologi, bagian tina mikrobiologi.

Baktéri nyaéta mahluk anu kacida lobana di antara sakabéh organisme. Baktéri aya di mana-mana, dina taneuh, cai, jeung mangrupa pasangan simbiosis pikeun mahluk hirup séjénna. Loba patogén anu mangrupa baktéri. lolobanana mibanda ukuran pangpanjangna ukur 0.5-5.0 μm, sanajan baktéri gedé saperti Thiomargarita namibiensis jeung Epulopiscium fishelsoni bisa nambahan ukuran nepi ka 0.5 mm oge. Baktéri umumna miboga dinding sél, saperti tutuwuhan jeung sél fungi, tapi dinding sél baktéri normalna dijieun tina peptidoglycan tur lain sélulose (saperti dina tutuwuhan) atawa sitin (saperti dina fungi), jeung henteu homolog jeung dinding sél eukariotik. Lolobana gerak ngagunakeun flagella, anu béda strukturna dibandingkeun jeung flagella golongan séjén.