लालझाडी गाउँपालिका
नेपालको सुदूरपश्चिम प्रदेश अन्तर्गत कञ्चनपुर जिल्लामा पर्ने लालझाडी गाउँपालिका नेपाल सरकारको मिति २०७३ फाल्गुन २२ गतेको निर्णय अनुसार देशभरी गठन भएका ७५३ स्थानीय तह मध्येको एउटा स्थानीय तह हो । जिल्लाको पूर्वी भेगमा अवस्थित यो गाउँपालिका साविक शंकरपुरका पूरै (१–९) वडाहरू, साविक बाइसी बिचवाका (१–४) वडाहरू र साविक देखतभुलीका (१–३, ५–७ र ८) वडाहरू समायोजन भइ गठन भएको एक गाउँपालिका हो । यस गाउँपालिकामा जम्मा ६ वटा वडाहरू रहेका छन । जिल्लाको सदरमुकाम भीमदत्तनगर देखि ४६ किलोमिटर टाढा पूर्व तर्फ रहेको यस गाउँपालिकाको आफ्नै खालको धार्मिक, राजनैतिक, सामाजिक महत्त्व र विशेषता रहेको छ । यस गाउँपालिकामा आदिवासी थारु समुदाय र पहाडबाट बसाइँसराई गरी आएका विविध जातजाती, धर्म र बर्णका मानिसहरूको मिश्रित बसोवास रहेको छ । यो गाउँपालिका र कृष्णपुर नगरपालिकाको बीचमा रहेको लालझाडी जंगलको नामबाट यस गाउंपालिकाको नाम रहन गएको हो ।[१]
लालझाडी | |
---|---|
देश | नेपाल |
प्रदेश | सुदूरपश्चिम प्रदेश |
जिल्ला | कञ्चनपुर जिल्ला |
स्थापना | २०७३ फाल्गुन २२ |
सरकार | |
• अध्यक्ष | मदन सेन बडायक |
• उपाध्यक्ष | सत्य देवी महरा |
क्षेत्रफल | |
• जम्मा | १५४.६५ किमी२ (५९.७१ वर्ग माइल) |
जनसङ्ख्या | |
• जम्मा | २२,५६९ |
• घनत्व | १५०/किमी२ (३८०/वर्ग माइल) |
समय क्षेत्र | युटिसी+५:४५ (नेपालको प्रमाणिक समय) |
क्षेत्रीय सङ्केत | +९७७-९९ |
वेबसाइट | laljhadimun |
कञ्चनपुर जिल्लाको पूर्वी भेगमा अवस्थित १५४.६५ वर्ग किलोमिटर क्षेत्रफलमा फैलिएको लालझाडी गाउँपालिकाको भु–आकृति स्वरुप करिव सवैजसो समतल रहेको छ । यस गाउँपालिकाको पूर्वमा कृष्णपुर र पुनर्वास नगरपालिका, पश्चिममा शुक्लाफाँटा र बेलौरी नगरपालिका, उत्तरमा शुक्लाफाँटा र कृष्णपुर नगरपालिका र दक्षिणमा बेलौरी र पुनर्वास नगरपालिका रहेको छ ।[२]
सन्दर्भ सामग्रीहरूसम्पादन गर्नुहोस्
- ↑ "दुर्गमको गाउँपालिका भएकाले समस्या नै समस्याले जेलिएको छ : लालझाडी गाउँपालिका अध्यक्ष बडायक", थाहा संवाददाता, २२ जेठ २०७५, अन्तिम पहुँच ३ वैशाख २०७७।
- ↑ "नेपालको राष्ट्रिय जनगणना २०६८ (स्थानीय तह)", राष्ट्रिय योजना आयोग, नेपाल सरकार, मार्च २०२०, अन्तिम पहुँच मार्च २०२०। वेब्याक मेसिन अभिलेखिकरण २०१९-०२-१४ मिति