Horst Eckel

Horst Eckel (* 8. Februar 1932 in Vogelbach, jetzt Bruchmühlbach-Miesau; † 3. Dezember 2021) weer en düütsch Footballspeler. He weer Liddmaat vun de Mannschap de 1954 Football-Weltmeester wurr.

Horst Eckel (Juli 2005)
Horst Eckel (Juli 2005)

Familieännern

Siet 1957 is Eckel mit sien Fru Hannelore verheiraadt, mit he twee Döchter hett.

Footballännern

Eckel speel in de Jöögd för den SC Vogelbach. All mit 15 Johren speel he to'n eersten Mal för de eerste Mannschap vun Vogelbach.[1] De längste Tiet (1949–1960) weer he för den 1. FC Kaiserslautern aktiv un dornah van 1960 bit 1966 för den SV Röchling Völklingen. Mit Kaiserslautern wurr he 1951 un 1953 Düütsch Footballmeester. För de düütsch Natschonalmannschap hett he in de Johren van 1952 bit 1958 as rechter Butenlöper 38 Lännerspelen maakt.

Eckel is siet 1997 Repräsentant vun de Sepp-Herberger-Stiftung. He ünnerstütt as Botschopper de Initiative Respekt! Kein Platz für Rassismus.[2]

Eckel un Hans Schäfer sünd de beid letzten noch leven Speler vun de düütsch Weltmeesterschap, de 1954 in't Endspeel up den Platz stunn.

Beropännern

Horst Eckel (2004)

Eckel hett tonächst den Berop vun den Warktüüchmaker bi de Kaiserslauterer Neihmaschinenfabrik Pfaff lehrt, bevör he sück to'n Pädagogen umschoolen hett laaten. He studeer Kunst un Sport för dat Realschoollehramt un weer bit to sien Pensionieren as Lehrer an de Realschool in Kusel un in Morbach tätig. Dor hett he Sport un Warken ünnerricht. In sien Ruhestand arbeit he mit Justizvullttogsanstalten tosommen, um straffällig wurrn Jugendlichen mit Hülp vun dat Footballspeel Perspektiven to wiesen.

Utteknungenännern

  • 1954: Sülvern Lorbeerblatt
  • 1955: Instuufen as Weltklasse in de Rangliste des deutschen Fußballs
  • 2004: Bundsverdeenstkrüüz
  • 2005: Regionaldrievtoog 643 006 van de DB kriggt sien Naam
  • 2017: Ehrenspeelführer van den 1. FC Kaiserslautern[3]

Film un Bookännern

Horst Eckel weer de facklich Berader vun Sönke Wortmann bi de sien Film Das Wunder von Bern, de de Ereignisse rund um den WM-Sieg 1954 dorstellt. In den Film wurrd Horst Eckel vun Holger Dexne dorstellt.

2004 hett Horst Eckel to dat 50. Jubiläum vun dat Endspeel in Bern tosommen mit Volker Neumann in‘ Agon Sportverlag dat Buch Die 84. Minute herutbrocht.

Literaturännern

  • Horst Eckel, Volker Neumann: Die 84. Minute. AGON Sportverlag. Kassel 2004. ISBN 3-89784-253-X.
  • Lorenz Knieriem, Hardy Grüne: Enzyklopädie des deutschen Ligafußballs, Bd. 8: Spielerlexikon 1890–1963. AGON Sportverlag. Kassel 2006. ISBN 3-89784-148-7.
  • Jürgen Bitter: Deutschlands Fußball-Nationalspieler. Das Lexikon. Sportverlag Berlin. Berlin 1997. ISBN 3-328-00749-0.
  • Dominic Bold: 1. FC Kaiserslautern. Die Chronik. Verlag Die Werkstatt. Chöttingen 2013. ISBN 978-3-7307-0046-4.
  • Michael Garthe, Hans-Peter Schössler (Hrsg.): Der Mythos von Bern. Und seine Pfälzer Fußballweltmeister. Rheinpfalz Verlag. 2004. ISBN 3-937752-00-5.
  • Christian Jessen, Volker Stahl, Erik Eggers, Johann-Günther Schlüper: Fußballweltmeisterschaft 1954 Schweiz (AGON WM-Geschichte Band 5). Agon Sportverlag. Kassel 2003. ISBN 3-89784-218-1.
  • Jürgen Leinemann: Sepp Herberger. Ein Leben, eine Legende. Rowohlt-Verlag, Berlin 1997, ISBN 3-87134-285-8.
  • Dietrich Schulze-Marmeling (Hrsg.): Die Geschichte der Fußball-Nationalmannschaft. Verlag Die Werkstatt, Chöttingen 2008, ISBN 978-3-89533-578-5.
  • Werner Skrentny: Fußballweltmeisterschaft 1958 Schweden Agon-Sportverlag, Kassel 2002, ISBN 3-89784-192-4.

Weblenkenännern

Horst Eckel. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesenännern

  1. Portrait bi fck.de
  2. http://www.respekt.tv/die-interviews/horst-eckel.html
  3. kicker online, Nürnberg, Germany, Eckel wird an seinem 85. Geburtstag Ehrenspielführer, kicker online, Online: [1] afropen an‘ 9. Februar 2017