Düütsch Sportafteken

Dat Düütsch Sportafteken (DSA) is en Afteken, dat vun’n Düütschen Olympischen Sportbund (DOSB) – bit 2006 vun’n Düütschen Sportbund (DSB) – för sünnere sportliche Leistungen verleht warrt. Wat een för dat Afteken to leisten hett, hangt vun de Öllersstoop af. Dat gifft Sportafteken för Jungs un Deerns und ok för Frons- un Mannslüüd. Deelnehmen kann dorbi jeedeen, de dat geern müch. Ok Minschen mit en körperliche oder geistige Behinnern künnt dat Düütsche Sportafteken maken. Hier sünd de Leistungsgruppen na Öller un na’n Grad vun de Behinnern indeelt un de Disziplinen an de Inschränken dör de Behinnern anpasst.

Düütsch Sportafteken in Bronze as Bandschnallenafteken
Prüferafteken

För’t eenmolige Afleggen vun de Leistungen warrt dat Sportafteken in Bronze verleht, för dree mol in Sülver un för fief mol in Gold. Vun’t teihnte mol an gifft dat dat Afteken in Gold mit de Tall in Fieferschreden. Woans dat Sportafteken maakt warrn kann, kann een bi den tostännigen Landssportbund (LSB) nafragen. De Verlehen is verbunnen mit en Oorkunn.

Historieännern

Dat Düütsche Sportafteken is 1912 ünner de Beteken Utteken för veelfältige Leistung op dat Rebeet Öven vun’n Lief in’t Leven ropen worrn. Maken künnen dat eerst blots düütsche Mannslüüd, de in een Sportvereen weern. Disse Vörschrift is naher fallen laten worrn un af 1921 künnen ok Fronslüüd dat Afteken kriegen. Vörbild dorför weer dat Sweedsche Sportafteken (Idrottsmärke), de de Grünner vun’t Düütsche Sportafteken, Carl Diem, 1912 in Stockholm wiel de Olympschen Spelen kennen lehrt harr.

De Bedingen för’t Afteken sünd ok vun’t sweedsche Vörbild övernahmen worrn. Dorbi weern dormols jüst so as vundaag fief Bedingen ut fief Gruppen aftoleggen. Swemmen weer (un is ok vundaag noch) en Vörrutsetten. Eenige vun de Anfoddern (Kugelstöten 8,00 Meter) sünd bit hüüt nich ännert worrn. De Indelen in verschedene Öllersklassen geev dat eerst na’n 2. Weltkrieg. Dorför müss jeedeen de glieken Bedingen torecht kriegen – ahn Ünnerscheed vun’t Öller.

In de Tiet vun’n Natschonalsozialismus harr dat vun 1934 bit 1945 de Beteken Riekssportafteken.

Na dat Tosamenleggen vun’n Düütschen Sportbund mit dat Natschonale Olympische Komitee för Düütschland to’n Düütschen Olympischen Sportbund (DOSB) hett dat siet 2007 en Reeg vun Ännern geven. Dorto höört ok, dat de Afteken en nee Utsehn un Form kregen hebbt. Vundaag wiest dat den schieren Schrifttog DOSB in en bunnen Lorbeerkranz.

Acht dör den Bundspräsidentenännern

Dat Düütsche Sportafteken is mit den Artikel 4 vun de Ordensorder[1] vun’n 4. Juli 1958 dör Bundspräsdent Theodor Heuss staatlich acht worrn un is dör dat Gesett över Titel, Orden un Ehrenteken en schuult Ehrenteken. Dat Düütsche Sportafteken dröff an all Uniformen vun’n apentlichen Deenst in Düütschland dragen warrn.

Utföhrenännern

Bit 2006 hett dat Afteken dat Logo vun’n Düütschen Sportbund (DSB) wiest. Siet denn wiest dat den Schrifttog vun’n Düütschen Olympischen Sportbund (DOSB) un warrt vun Ekenloof (siet 2007 vun’n Lorbeerkranz) ümgeven. Ünnen staht in Fiefer-Quotienten de Tallen vun’t Afleggen, wenn dat mehr as teihn weern. De Afteken gifft dat as Opneihners, as Grootafteken oder Ansteeknadel oder as blau-geel-swart-gröön-rode Bandschnall. För Prüfers gifft dat en Textilafteken in gröön.

Jöögd- un Schölersportaftekenännern

Blangen dat Afteken för de Utwassenen gifft dat ok dat Düütsche Sportafteken Jöögd för junge Lüüd af acht Johren. Söss- un Sövenjohrige mööt de Bedingen vun de Achtjohrigen afleggen.

Vör 2007 hett dat en egen Düütsch Schölersportafteken geven, dat för Kinner ünner dörteihn Johren dacht weer, un en Düütsch Jögdsportafteken för junge Lüüd bit 18 Johren. Hier kriggt man mit dat eerste Afleggen en Afteken in Bronze, mit de tweeten een in Sülver un mit de drüdden een in Gold. Bi’t föffte mol kriggt man een in Gold mit de Stoop 5. Wenn een dat Sportafteken in dat Johr maakt, wenn he 17 Johr oolt warrt, dröff he ok dat Europääsche Jöögdsportafteken drägen. Dat Afteken mit de Stoop 5 gifft dat natürlich ok för Kinenr ünner 13 Johren un en Afteken mit de Stoop 10 för Utwassene.

De Schöler- un Jöögdsportafteken sünd 2007 in dat ne’e Düütsche Sportafteken Jöögd tohopenleggt worrn. De enkelten Bedingen hebbt sik dormit ännert. All vör 1007 afleggten Afteken warrt dorbi tosamenrekent. De ne’e Reeg vun’t Verlehen is also: Bronze, Sülver, Gold, Gold 4 bit 12 (ok jümmer mit Afteken). För den Nawies vun de afleggten Schölersportafteken vör 2007 mit mit de Prüüfkoort en Kopie vun de letzten Oorkunn oder vun de letzten bestätigten Prüüfkoort mitinreicht warrn.

In’t Rebeet vun’t fröhere Jöögdsportafteken (13 bit 17) mutt tomindst bivt eerste Verlehen in disse Öllersklassen en Kopie vun de letzten Schöleroorkunn oder bestätigten Prüüfkoort (Schöler) vörleggt warrn as ok villicht en fröhere Prüfung as jungen Minschen, dat de richtige Verlehtall bestimmt warrn kann.

Disziplinenännern

Dat Düütsche Sportafteken bargt vör allen Disziplinen ut de Lichtathletik, ut’n Turnsport, den Swemmsport un den Radsport. Butendem gifft dat verschedene Tosatzanbotten, de Anfang 2005 mit Disziplinen ut dat Sportscheten utwiet worrn sünd. De Disziplinen sünd in fief Koppels indeelt. Ut jede vun disse Koppels kann sik de Sportler een Disziploin utsöken, de he afleggen will. Wenn dorbi dat Teel in een Koppel wiet över dat, wat foddert warrt, afleggt warrt, kann dormit aver keen Fehlleistung in en annern Koppel utgleken warrn.

KoppelAnfoddernDisziplinenTosatzanbotten
1Allgemene Swemmanlaag50 oder 200 Meter-Swemmenkeen
2SprungkraftHooch-, Wiet-, Standwiet- oder Buck-/Peerd-/Kastensprung as Huuk/Grätschekeen
3Snelligkeit50/75/100/400/1.000 Meter-Loop, 300/500 Meter Radfohren oder 300/500 Meter Inline-SkatingIeslopen
4SnellkraftKugel-/Steenstöten, Slag-/Worp-/Sleuder-/Medizinball, 100 Meter Swemmen oder Redschoppenturnen Reck-Bodden/Bodden-BarrenSportscheten, Gewichtheven/Bankdrücken, Kanufohren oder Rodern
5Utduer800/1.000/2.000/3.000/5.000 Meter-Loop, 5.000/10.000 Meter Inline-Skating, 10 Kilometer Wannern, 7 Kilometer Walking/Nordic Walking, 20 Kilometer Radfohren, 600/1.000 Meter Swemmen oder SkilangloopKanufohren, Rodern, Kegeln/Bowling oder Ieslopen

Kiek okännern

Bornsännern

  1. Artikel 4 vun de Ordensorder

Weblenkenännern