Foussball

Ballspill

Foussball, Futtball oder Fussball, an Nordamerika Soccer genannt, ass eng vun de populäerste Sportaarten op der ganzer Welt. Absënns an Europa, Südamerika an Afrika, mä och an Deeler vun Asien dominéiert de Foussball d'Sportsberichter.

Foussball
Olympesch Sportaartzënter 1908
Federatioun
InternationalFédération Internationale de Football Association
LëtzebuergFédération luxembourgeoise de football
Ursprong
UrsprongslandVereenegt Kinnekräich
Erfonnt1848
Aner Informatiounen
Spiller (Minimum)7
Spiller (Maximum)22
Gebraucht gëttFoussballsekipement, Foussball (Ball), Foussballsterrain, Gol, Foussballsschong
Aktuelle Weltmeeschter ♂ Argentinien (2022)
Aktuelle Weltmeeschter ♀ Spuenien (2023)


Ee Spiller (rout) huet zwéi Verdeedeger vun där anerer Ekipp (wäiss) hanner sech gelooss an ass elo drop an drun, fir de Ball a Richtung Gol ze schéissen

Klassesch Foussballreegelenänneren

Foussball, ass e Ballspill bei deem zwou Ekippe vu jeeweils eelef Spiller openeentreffen, an all Ekipp versicht ze gewannen andeems se méi Goler schéisst wéi déi aner. E Gol fält, wann de Ball iwwer d'Gollinn tëscht de Golpottoen an ënner d'Gollat geet.

Foussball spillt een normalerweis mat de Féiss (dohier och den Numm), mä e Spiller kann u sech egal wat fir e Kierperdeel ausser den Hänn an den Äerm benotzen, fir de Ball ze haen. De Golkipp ass deen eenzege vun der Ekipp, deen de Ball am 16-Meterraum vu senger Hallschent an de Grapp däerf huelen.

E Foussballmatch dauert bei den Erwuessenen 90 Minutten, woubäi awer no 45 Minutten eng Paus ass, an duerno d'Säite gewiesselt ginn. Bei all offiziellem Match gëtt et een Arbitter, deen drop oppasst, datt d'Spiller d'Reegelen anhalen. Hie gëtt ënnerstëtzt vun zwéi Linneriichteren.

Den Terrain besteet aus engem rechteckege fräie Feld, deem seng Moossen net genormt sinn. Just fir Lännermatcher muss den Terrain an der Längt tëscht 100 an 110 Meter an an der Breet tëscht 64 a 75 Meter sinn. Déi offiziell Moosse vum Gol si 7,32 Meter an der Breet an 2,44 Meter an der Héicht.

Foussballvariantenänneren

Nieft dem populäre Foussball, gëtt et nach verschidden aner Variante vu Foussball. Déi hunn allerdéngs net sou vill Succès.

Halefoussballänneren

Halefoussball gëtt, wéi den Numm et scho seet, an der Hal gespillt. Allerdéngs ass d'Feld hei méi kleng wéi beim Feld-Foussball an et gëtt eng Bandebegrenzung. Sou ass d'Spill och méi séier an et ginn och méi Goler geschoss. Halefoussball gëtt zanter den 1970er Jore gespillt, virun allem am Jugend- an Amateurberäich.

Futsalänneren

Futsal gëtt d'selwecht wéi am Halefoussball an der Hal gespillt. Allerdéngs huet ee beim Futsal keng Banden, d. h. datt de Ball och am "Aus", also baussent dem Spillfeld, geschoss ka ginn (wéi beim Feld-Foussball). Den Urspronk vum Futsal läit a Südamerika, wou déi Foussballvariant zanter den 1950er Jore gespillt gëtt. Am Joer 1989 gouf Futsal vun der FIFA als zousätzlech Sportaart opgeholl. Am November 2004 gouf déi fënneft Weltmeeschterschaft an Taiwan ausgedroen. Futsal ass virun allem a Südamerika, Südeuropa an Osteuropa verbreet. Sou gëtt et a Spuenien eng eege Profiliga mat 16 Ekippen.

Foussballtennisänneren

Foussballtennis ass eng manner bekannt Variant vum Foussball, och wann et en offizielle Verband an eng eege Weltmeeschterschaft gëtt. Et gëtt iwwer en Netz gespillt, d'Feld ass ongeféier sou grouss wéi eent am Tennis an nëmmen zwéi, véier oder sechs Spiller spille géinteneen.

Motoballänneren

Motoball ass Foussball op Motorrieder, wou ee vun deene véier Matspiller de Ball, dee méi grouss wéi en normale Foussball ass, an de géigneresche Gol schéisse muss. Dëst ka mam Fouss oder mam viischte Rad vum Moto geschéien.

Shrovetideänneren

De Shrovetide-Foussball, offiziell och Royal Shrovetide Football genannt, gëtt zanter dem 12. Joerhonnert all Joer an der Fuesent zu Ashbourne, am Derbyshire a Groussbritannien gespillt. D'Spillfeld ass mat dräi Meile wuel de längste Foussballsterrain vun der Welt.

Héichballänneren

Héichball ass eng weider Foussballvariant déi meeschtens vu Jugendleche gespillt gëtt. Zil vum Spill ass et, de Ball direkt (Volleyschoss oder Kappball), also ouni optuppe vum Ball op de Buedem, an de Gol ze schéissen.

Roboterfoussballänneren

00Dëst Kapitel ass nach eidel oder onvollstänneg. Hëlleft wgl. mat, fir et ze komplettéieren.

Englesche Foussballänneren

00Dëst Kapitel ass nach eidel oder onvollstänneg. Hëlleft wgl. mat, fir et ze komplettéieren.

Beach Socceränneren

Beach Soccer gëtt, wéi d'Wuert et seet, op der Plage bezéiungsweis op Plagesand gespillt.

Dräisäitege Foussballänneren

00Dëst Kapitel ass nach eidel oder onvollstänneg. Hëlleft wgl. mat, fir et ze komplettéieren.

Foussball Internationalänneren

Op internationalem Niveau gëtt de Foussball vum Weltverband FIFA (Fédération internationale de football Association) organiséiert. Donieft gëtt et 6 Kontinentalverbänn (Konfederatiounen) AFC (Asien), CAF (Afrika), CONCACAF (Nord- a Mëttelamerika), CSF (Südamerika), OFC (Ozeanien) an UEFA (Europa).

Déi national Verbänn sinn an der Reegel Member vu souwuel der FIFA wéi och vun der respektiver Konfederatioun.

Lëtzebuergänneren

Zu Lëtzebuerg gëtt den organiséierte Foussball vun der Fédération luxembourgeoise de football (FLF) gereegelt.

Englandänneren

Den englesche Foussballverband The Football Association (the FA) ass deen eelsten op der Welt an ass 1863 gegrënnt ginn. An England gëtt och déi eelst Kompetitioun ofgehalen, nämlech den FA Cup, deen zanter 1871/72 all Joer (mat Ausnam vun de Weltkricher) ausgedroe gëtt.

De Foussball an England ass, wéi an deene meeschten anere Länner och, no engem Liga System organiséiert.

Kuckt ochänneren

Um Spaweckänneren

Commons: Foussball – Biller, Videoen oder Audiodateien
🔥 Top keywords: HaaptsäitAngkor WatCharles X. vu FrankräichModul:ArgumentsSpezial:Rezent ÄnnerungenBaike: FAQ ParticipantenBaike: Iwwer d'WikipediaSpezial:SichenIndonesienModul:Namespace detect/dataRené DescartesBaike: HëllefRond-point SerraBaike: KontaktAlexandra SchoosBaike: CommunautéitssäitSir (Baach)KlibberenBaike: FAQ (Biller)Stater TramLëtzebuerg (Land)WaarkItalieenesch LiraBaike: FAQ (Technesch)Richard Serraj3omjBaike: FAQ LieserLëscht vun de lëtzebuergesche SpréchwierderMediaWikiEd LauterRussesch GrammaireBaike: WëllkommAlfred LameschBernard HerrmannApple Inc.WikiWiki Baike9. OktoberBaike: FAQ (Diskussiounssäiten)Blue (Film 1968)Loïc TansonHenri NeumanStater KolléischBaike: FAQ AdministratiounBaike: AktualitéitLëscht vu lëtzebuergesche SchrëftstellerBaike: De Staminee1896Ben E. KingLandmaarkExchange (Skulptur)Pol LeursDüsseldorfPhysik1821Baike: KategorienJoseph KillLea Lander2023Joseph NeumanCoppa BernocchiLëscht vun de lëtzebuergesche RiedensaartenTom Hiddleston1852Baike: General disclaimerJoseph Charles NamurWiki Baike Diskussioun:FAQHollännesche GuldenRobin WilliamsDiddelengMcCoy TynerSchlass MeesebuergLionel Messi7Baike: Signatur1970Serge TonnarPaul LeschLëtzebuergeschEgyptenEuroMarian GalloBaike: ReegelenLëscht vu CheemikerPalau (Ozeanien)Coppa Bernocchi 2023Baike: Copyright24. Abrëll20. September1899Napoleon BonaparteJéineschLëscht vun den DänzKategorie:Gebuer 1757EemaischenFrancis of DeliriumGeometrieSchabloun:Infobox ZeitungHollännesch Gulden