Tim Berners-Lee

Sir Timothy John "Tim" Berners-Lee, KBE (TimBL utawi TBL) (miyos ing London, Inggris, 8 Juni 1955) punika panemu World Wide Web lan ketua World Wide Web Consortium, ingkang ngatur pawiyaranipun.

Sir Tim Berners-Lee
OM, KBE, FRS, FREng, FRSA
Berners-Lee ing taun 2010
LairTimothy John Berners-Lee
(1955-06-08) 8 Juni 1955 (umur 68)[1]
London, Inggris[1]
PadununganMassachusetts, A.S.[1]
BangsaBritania
Alma materQueen's College, Oxford
PakaryanIlmuwan komputer
Pawéh pakaryan
  • World Wide Web Consortium
  • University of Southampton
Kondhang ing
  • Menemukan World Wide Web
  • Penjabat 3Com Founders Chair ing MIT Computer Science and Artificial Intelligence Laboratory
Profesor
Wong tuwa
  • Conway Berners-Lee
  • Mary Lee Woods
Sana jaringanwww.w3.org/People/Berners-Lee/

Taun 1980, nalika taksih dados kontraktor bébas ing CERN, Berners-Lee ngajengaken satunggaling proyék ingkang basisipun konsép hiperteks (hypertext) kanggé masilitasi pambagéyan lan pangénggalan informasi ing antawisipun para panliti. Kanthi pambiyantu saking Robert Cailliau, panjenenganipun nyiptaaken sistem prototipe namanipun Enquire.

Sasampunipun ninggalaken CERN kanggé makarya ing John Poole's Image Computer Systems Ltd, panjenenganipun kundur malih taun 1984 dados satunggaling rencang panliti. Panjenengaipun migunaaken gagasan ingkang mèmper kaliyan ingkang sampun panjenenangipun pigunaaken ing Enquire kanggé nyiptaaken World Wide Web, panjenengaipun ndhesain lan yasa browser sepisanan (namanipun WorldWideWeb lan dipunwiyaraken ing NeXTSTEP) lan server web sepisanan ingkang namanipun httpd.

Situs web sepisanan ingkang dipundamel Berners-Lee (lan awit saking punika ugi wujud situs web sepisanan) alamatipun ing http://info.cern.ch/ (sampun dipunarsipaken) lan dipunlebetaken online sepisananipun tanggal 6 Agustus 1991.

Taun 1994, Berners-Lee ngedegaken World Wide Web Consortium (W3C) ing Massachusetts Institute of Technology.

Dugi sapunika, Berners-Lee taksih tetep andhap asor lan boten gadhah pepénginan kanggé pikantuk status populér. Kathah ingkang taksih boten mangertosi kekiyatan karyanipun priantun puniki, World Wide Web.

Salah satunggiling kontribusi paling agengipun salebeting majengaken World Wide Web inggih punika kanthi boten matènaken saéngga taksih saged dipungiunaaken kanthi bébas.

Tanggal 16 Juli 2004 panjenenganipun dipunparingi gelar kinurmatan KBE déning Ratu Elizabeth II kanggé pakurmatan dhumateng jasa-jasanipun.

Pakaryanbesut

  • Spinning the Semantic Web: Bringing the World Wide Web to Its Full Potential Tim Berners-Lee (Foreword), Dieter Fensel (Editor), James Hendler (Editor), Henry Lieberman (Editor), Wolfgang Wahlster (Editor) (The MIT Press, 2005) ISBN 0-262-56212-X
  • Weaving the Web: Origins and Future of the World Wide Web, Tim Berners-Lee (Texere Publishing, 1999) ISBN 0-7528-2090-7

Pranala njawibesut

Cathetan sikilbesut

  1. a b c "Berners-Lee Longer Biography". World Wide Web Consortium. Dibukak ing 18 January 2011.