Apartheid

Apartheid, Afrikansa vorto qua signifikas "segregaco" esis politikala sistemo di rasala segregaco institucita en Sudafrika ed en Namibia de 1948 til 1990. Ol garantiis la dominaco politikala, sociala ed ekonomiala di la lando da la minoritato di blanka homi. Segun la rejimo dil apartheid, blanki havis superiora stando, sequita dal Aziani, mestici (koloriziti) e negri (Bantu). La legacajo ekonomiala e sociala de ta epoko duras til nun.

Signo-plako en Angla ed en Afrikansa dicas: "NUR POR UZO DA BLANKI. Ca publika loko e tale lua afablesi rezervesis por exkluziva uzo di blanka homi".

La surnomizita "mikra apartheid" esis la segregaco rasala pri l'uzo di transporto-moyeni, plaji ed altra publika loki, kontre ke la surnomizita "granda apartheid" esis la segregaco pri lojado ed employo.