Bandeira de Belarús

A bandeira de Belarús (en belaruso: Сцяг Беларусі, Sciah Bielarusi; en ruso: Флаг Беларуси, Flag Belarusi) foi adoptada oficialmente o 7 de xuño de 1995, tras os resultados do plebiscito realizado o mes anterior. O deseño desta bandeira corresponde a unha modificación á bandeira que empregou a República Socialista Soviética de Belarús entre 1951 e 1991, ano no que se proclamou a independencia de Belarús e estableceuse unha bandeira. A bandeira independentista foi abolida en 1995, mais segue sendo usada por grupos opositores ao goberno belaruso de Aliaksandr Lukašenka, que ademais consideran o devandito plebiscito como ilegal.

Bandeira de Belarús
Bandeira de Belarús
Características
Uso
Proporción1:2
Adopción7 de xuño de 1995
Cores     Vermello     Verde     Branco

Deseñoeditar

Deseño da bandeira de Belarús

O sitio web oficial da Presidencia de Belarús define o deseño da bandeira do seguinte xeito:

A bandeira nacional da República de Belarús, que é un símbolo da soberanía do Estado, está composta por un pano rectangular formado por dúas franxas longitudinais: unha superior de cor vermella e unha inferior de cor verde, correspondentes a dous terzos e un terzo do ancho da bandeira, respectivamente. Unha franxa vertical branca en vermello con deseños decorativos belarusos ocupa un noveno da lonxitude da bandeira e sitúase xunto á hasta. A proporción entre a anchura e a lonxitude da bandeira corresponde a 1:2. A bandeira fíxase xunto a unha hasta pintada de cor dourada (ocre).

A cor vermella da bandeira representa o pasado histórico do país, por ser a cor usada polas milicias belarusas durante a batalla de Grünwald e do Exército Vermello que combateu na segunda guerra mundial. O verde representa o futuro esperanzador de Belarús e aos bosques do país.

Detalle do deseño vertical da bandeira de Belarús.

Xunto á hasta atópase un deseño decorativo creado en 1917 por Matrena Markevich e que é usado para adornar flores e plantas. Este motivo é tamén tecido para unhas toallas decorativas tradicionais coñecidas como rushniks. Este símbolo representa a cultura e a unidade do pobo belaruso.

Historiaeditar

Primeira bandeiraeditar

1918; 1991-1995

En marzo de 1918, a República Nacional Belarusa adoptou oficialmente como bandeira unha composta por un pano branco e unha franxa lonxitudinal central de cor vermella. Este emblema, coñecido en belaruso como Бел-чырвона-белы сьцяг, inspirábase no escudo de armas do país (un cabaleiro branco sobre fondo vermello) que aludía ao nome do país: Rusia Branca ou Rutenia Branca.

Hai dúas teorías para explicar a orixe histórica desta bandeira: a primeira, é que o vermello empregado polos rusvos brancos para diferenciar as súas forzas dos principados de Kíiv e o de Moscovia, e a outra é que, tras a batalla de Grünwald, na que tropas aliadas belarusas, polacas e lituanas derrotaron á Orde Teutónica, un cabaleiro belaruso ferido ondeou unha venda sangrada como símbolo da vitoria.

Tras a anexión pola Unión Soviética en 1919, a bandeira foi usada polo goberno no exilio até 1925, pero con franxas negras enriba e debaixo da franxa vermella.

Bandeiras soviéticaseditar

Bandeira da RSS de Belarús (1951-1991)
Artigo principal: Bandeira da RSS de Belarús.

En 1919 constituíuse a República Socialista Soviética de Lituania-Belarús, que adoptou o 27 de febreiro dese ano como bandeira un pano vermello na proporción de 1:2. Esta bandeira foi usada até o 27 de agosto dese mesmo ano, cando as tropas de Alemaña, a Tripla Entente, Polonia e Lituania controlaron a totalidade do territorio como resultado da primeira guerra mundial e a Guerra ruso-polaca.

Ese mesmo ano foi creada a RSS de Belarús que utilizou a mesma bandeira da RSS anterior, pero agregando as siglas ССРБ (RSSB no alfabeto cirílico) en cor dourada sobre o cantón. En 1937 engadiuse ao cantón sobre as letras o símbolo da fouce, mentres que as letras (agora como БССР) mudaron a súa tipografía. Este cambio mantívose até os anos 1940 no que foron eliminadas a fouce e mailo martelo, en tanto que as letras regresaron á súa tipografía previa, e o cantón foi marcado cun delgado bordo dourado.

O 25 de decembro de 1951 adoptouse unha bandeira semellante á actual. As únicas diferenzas eran a inclusión do emblema da bandeira da Unión Soviética (a estrela vermella xunto á fouce e o martelo) e que o bordo decorado estaba co vermello e branco investido a como é utilizado na actualidade. Xeralmente, o emblema no cantón non era mostrado no reverso da bandeira.

Independenciaeditar

Proposta de bandeira de 1995

Tras a independencia de Belarús, en 1991, foi retomada como bandeira nacional o deseño albivermello de 1918. O goberno de Aliaksandr Lukašenka tratou de modificar a bandeira en 1993 pero non tivo apoio parlamentario. Con todo, en 1995 logrou convocar un plebiscito o 14 de maio, no que se debateu sobre o uso dunha nova bandeira e escudo de armas, a readopción do ruso como idioma oficial e a integración económica coa Federación Rusa.

Lukašenka fixo unha proposta orixinal dunha bandeira de cor vermella con franxas verdes delgadas como terminacións nos extremos superiores e inferiores do pano. Con todo, finalmente foi presentada unha proposta baseada na bandeira do período soviético. Un 64,7% dos belarusos participaron na votación, dos cales o 75,1% dos votos aprobou a proposta, do mesmo xeito cás outras consultas do referendo.

No entanto, grupos opositores aínda erguen serias dúbidas con respecto á legalidade da votación. Segundo o sitio web (desactivado na actualidade) Savva-la-belle: "o referendo foi inconstitucional e as súas propostas foron presentadas tendenciosamente." Doutra banda, o número de votos co que foi aprobado (equivalente ao 48,6% do electorado) tamén provocou críticas. Segundo os detractores do goberno, o proxecto viola a Constitución, pois non sería aprobada pola maioría da poboación.

A oposición, que considera a bandeira actual como bandeira de facto por mor das irregularidades rexistradas durante o proceso electivo,emprega como símbolo a bandeira de 1918 durante as súas protestas, o que provocou a súa prohibición polo goberno de Lukašenka. Segundo un informe das Nacións Unidas en 2003, Lukašenka consideraría esta bandeira como símbolo do fascismo debido á súa utilización por membros da BKA, un exército de voluntarios que apoiaron ás SS alemás durante a segunda guerra mundial.[1]

Outras bandeiraseditar

Notaseditar

Véxase taméneditar

Outros artigoseditar

Ligazóns externaseditar

🔥 Top keywords: Segunda guerra mundialPortadaÁcido desoxirribonucleicoVirusRepública Popular da ChinaMetabolismoRosa LuxemburgEspecial:Cambios recentesEspecial:ProcurarDallas MavericksMódulo:ArgumentosAngkor WatCarles PuigdemontFernão de MagalhãesBaltimoreBaike: Entradas de Gallegos. Quién es quien en la Galicia del siglo XXIComunismoIslamRakel WinchesterCapitalismoAntigo ExiptoComunistaAmérica do NorteBaike: A Taberna (políticas)LiberalLiberalismoDistritos de PortugalNoelia ReyDemocraciaMacedonia do NorteFísicaManuel MongeThe ArtistPolíticaBaike: Lista de artigos que toda Wikipedia debería terFilipe II de EspañaBermudasDitaduraCaso Asunta BasterraNacionalismoProxyMarianneEstados Unidos de AméricaMesopotamiaImperio españolAnálise numéricaAirbus A350Baike: Lista de mulleres con artigo na Wikipedia en galegoHerculanoBélxicaRichard SerraCarlos X de FranciaTeobrominaUsuario:Wikiportas/Manuel Buceta del VillarReloxoBilbaoTom HanksAno (astronomía)Lingua romancheArenqueDavid BroncanoMitocondria22ª edición dos Premios Mestre MateoBaike: AxudaPosicións sexuaisEdiciones AgoeiroXúpiterIlyushin Il-76Ángel Alvariño SaavedraGaliciaAWStatsFátima PegoMarxistaMarxismoRaquel AtanesCanle (comunicación)Baike: Acerca deBaike: Portal da comunidadeBaike: Artigos de calidadeMáximo común divisorMaría JamardoGran DepresiónImperialismoPedro RieloCategoría:Mestres de GaliciaMalariaTesalónicaAxuda:Cambios relacionadosCulturaKarl MarxBaike: Libro de estiloBaike: Lista de mulleres de Cataluña segundo WikidataJorge C. AlonsoAeroporto de Newark LibertyBaike: Lista de persoas nadas na provincia da Coruña segundo WikidataFroufe, O IrixoGran Premio do Canadá de 2014Sacro Imperio Romano XermánicoBaike: Actualidade