Hans Hoeg

Di Bidrach "Hans Hoeg" staant eksklusiif ön di Nuurđfriisk Wikipedia!
Söl'ring


Hans Hoeg (16. Januwaari 1917 bit 03. Detsember 2011) wiar en Pleeger fan di Sölring Spraak.

Hans Hoeg, am 2011

BruarweningBewerke

Aur lungi Jaaren her Hoeg en Tankstair ön Kairems Weesten, en diarbi wiar uk en Werkstair, fuaral fuar franzk Wainer.

Aur SölringBewerke

Wan höm sin Aarber en bet Tir diarfuar let, nem hi höm fuul Tir fuar Sölring, wat sin Mooderspraak wiar.

Hans Hoeg heer di forskeligst Boker ütdönen, sa üs tau Boker me Dechtingen fan Wilhelm Siemens (1981 en 82) of en Bok aur dit, wat Nann Mungard aur sin Leewent āpskrewen her ("Der Schiffer Jan", Autobiografii, 1989).

Masi Mait en Aarber heer Hans Hoeg höm me di Dechtingen fan Jens Mungard maaket.
Hat uur üs en gurt Wert fuar delings Aarber me di Spraak önsen, dat des Aarbern üs en Bok prentet uur kür.
"Ströntistel en Dünemruusen" uur üs en Iaring tö Mungards 100. Gibursdai (Februwaari 1985) ütdönen.

Fan di Bigening fan di Soowentiger Jaaren dēr Hoeg aural Biskiir, di Sölring Spraak ek sterewi tö let.
Hat jit, dat hi diarbi somtirs uk en rocht Twerthaur wiis kür.

Hoeg wiar Meföliger fan di "Natsjonāli Friisen".

Ön 2005 snaketi hi uk iin ön di Film "Inselklang", en Dokumentatsjoon, wat üp Söl maaket waar.

Wat ön't Bleer stön (20.12.2011)Bewerke

Tö Duar
fan Hans Hoeg
fan Renate Schneider

Nü es hi fan üüs gingen, jen fan di leest ual gurt Keempers fuar Sölring Spraak, Kutuur en Wiis. Béren waar hi di 16.01.1917 en hi lükt di Oogen di 03.12.2011, ek lung fuar sin 95. Bérensdai. Ik keen Hans Hoeg al üt min Jungenstir, üs hi jit me min Mooter, Brunhilde Hagge en muar ön en Aarberskris seet en Leetjiboker en Uurterboker skreew.

Eeder di Krich, hur hi lung Tir ön Russlön wiar, en diar uk di Spraak liirt heer, becht hi ön Kairem hur nü di Botiken sen, en Autowerkstair me en Tankstair áp. Ik ken jit teenk, dat hi diar Fakman fuar Citroen wiar en dit jit, üs di „Spatz von Paris“ üp Mark kám. Diarme köört sin Wüf me Mooter tö Weesterlön ön Injem, man ja kür di Leechtsjalter ek finj. Wat haa wü diar jit aaft aur lachet. Ön di Tir seet hi höm al langsen fuar sin Mooterspraak iin. Hi wiar jen fan en litj Ker Sölring, wat tö di Natsjonaalfriisken jert. Tau Boker fan Wilhelm Siemens heer hi ütbracht en aur dit Leewent fan Nann Mungard heer hi uk en Bok ütdön. En hi her jit safuul Ideen, man dit ütföören leet dit Ialer ek muar tö.

Sa heer hi uk 2003 me en paar Lir töhop, höm Taachten maaket, huraur niin Sölring muar ön di Bleer tö leesen wiar. En sa kám dit, dat ik me des Baantji bitruut waar. Dit wiar fuar mi nü gans wat niis. Üüs Jungen her ik al fuar di C. P. Hansen Pris skrewen, man nü skul ark Week wat tö Bleer kum. Man wü fing dit törocht. Hans heer mi gur üp Wai holpen me Reer en uk üs hi mork, dat ik jit me en Skriivmaskiin seet tö tipin. Hi stelt mi en Computer hen en braacht mi bi, diarme tö aarberin. Da ging dit al fuul lechter. Tja, deling es di Kraam al fuul muar ütripet. Sa wust ik langsen, wan ik ek förter wust, kür ik Hans Hoeg fraagi. Hi wiar en gurt en hart Kritiker, man wü waar üüs langsen iinig. Nü haa wü höm üp Hof ön Kairem bi sin Wüf Irmgard tö sin leest Ruu béret.

IaringenBewerke

Hans Hoeg fing di C. P. Hansen-Pris ön't Jaar 1986.
Sent 2002 es hi Iaren-Meföliger fan di Foriining fuar't Nuurđfriisk Instituut wesen.

Luki uk jirBewerke