Drāg

Söl'ring


En Drāg es en Aart fan Flochtgiraat, wat fan di Fliiger of Drāger, diar üp Öört bleft me jen of tau Liin(en) fasthölen of stjüürt uur. Wan dit tau Liinen heer, da ken em di Drāg uk stjüüri en Figuuren diarme flö.

Sa sjocht en ainmaaket Drāg üt. Önern di Stört, dat di Drāg höm ek trinjom di Liin drait.

Wan em en Drāg flö of āpstiig let, da jit dit, dat em drāget.

Jertirs waar Drāgen fan holten Liisten, Popiir en Paksnöör maaket. Dat di höm ön di Lucht ek drai kür, fing sa'n Drāg en Stört wat dit Giraat önern swaarer maaket.

Drāgen sen man ek bluat fuar Formaak. Uk fuar Füsiik en dit Ütfinjen fan Weđer en sok Kraam uur Drāgen ön di Lucht leten.

Delta-DrāgenBewerke

En Deltadrāg heer sin Noom fan di Forem[1] Des Aart uur forskelig trimt fuar swar of stark Winj, en dit es en Weetenskep fuar hömsalev.

En Deltadrāg me tau Liinen.

Me Deltadrāgen ken em mal gur Figuuren flö, man em ken jam ek gur iinfach fastbinj en fuar't Oog ön di Lucht stuun let. Dit kumt aurdat ja mal waker tö di jen of üđer Sir flö, wan höm en bet wat foranert. Diarom gung ja uk mal waker dial üp Nöös, wan em diar ek me omgung ken[2].

Parafoils / "Kites"Bewerke

Me gurter "Drāgen" wat muar eeđer Faalskiremern kum (Uk Parafoils nēmt) uur uk Sportwainer üp Strön bidrewen. Em ken uk iinfach "to Fut" diarme drāgi. Sok Kites ken em uk me en Surfbuurt nüti, en da es dit en Sportaart, wat ek sa iinfach tö liir es. Sok Drāgen haa altert tau Liinen, dat em diarme uk om di Huk köör of surfi ken, sa lung üs di Winj dit tölet.

En Kite-Buggy lapt me Winjkraft aur di Strön fan St. Peter-Ording.

En Foil es ek muar üs en Foolie me Liinen, en diarom sen diar niin Liisten benen.Kite es ek muar üs dit engelsk Uurt fuar Drāg, em snaket niidütsk uk fan Kiting of Kite-Sport.

Figuuren let jam me Parafoils ek sa guur omseet üs me Delta-Drāgen.

Drāgi-KultuurBewerke

Fuaral ön Deenemark jeft et üp Ailönen sa üs Rem, Fanø of Ærø Drāgi-Festivals, hur Mensken fan aural henkum en weegi jaar Drāgen ön en broket Hemel.

Sok Festivals jeft et man uk aural üp Wārel.

Luki uk jirBewerke

 Commons: Drāg – Saamling fan Skelter en Videos

FutnootenBewerke

  1. "Delta" staant fuar triihuked. Sa jit di Musculus deltoideus (fan ualgreks δελτοειδής deltoeidḗs, nordfriisk triihuket kuurt uk Deltoideus of Deltamuskel.
    Wan en Stroom höm hentö di Müring üs en Triihuk fortwiiget, da jit dit en Stroomdelta.
  2. En rocht gur Video-Forklaaring fan en Drāg-Firma, wat em me en Stjüüri-Drāg jens fuar haa ken.