Рэспубліканскі цэнтр алімпійскай падрыхтоўкі па тэнісе

Рэспубліканскі цэнтр алімпійскай падрыхтоўкі па тэнісе — спартыўны комплекс у Мінску. Размешчаны па адрасе праспект Пераможцаў, 63. Палац з’яўляўся адным з буйнейшых спартыўных збудаванняў рэспублікі. У ім арганічна спалучаліся новыя дасягненні тэхнікі, функцыянальнасць архітэктурна-планіровачнага вырашэння і мастацкая выразнасць форм[1].

Рэспубліканскі цэнтр алімпійскай падрыхтоўкі па тэнісе
Тыпрэспубліканскі цэнтр алімпійскай падрыхтоўкі[d]
Сайтtennisbel.by
Лагатып Вікісховішча Медыяфайлы на Вікісховішчы
Рэспубліканскі цэнтр алімпійскай падрыхтоўкі па тэнісе


Гісторыяправіць

Арыгінальны выгляд Палаца тэніса

Палац тэніса быў пабудаваны ў 1978 годзе па праекце архітэктараў С. Баткоўскага і Л. Гельфанда[2]. У 1996 годзе на базе Палаца тэніса і Рэспубліканскай спецыялізаванай дзіцяча-юнацкай школы алімпійскага рэзерву быў створаны Рэспубліканскі цэнтр алімпійскай падрыхтоўкі па тэнісе і настольным тэнісе.

У 2000-х гадах выканана першая чарга рэканструкцыі тэніснага цэнтра (архітэктар М. Гаўхфельд пры ўдзеле архіт. М. Бабіч, Д. Герашчанкі, А. Прасяной і інш.). Пабудаваны дзесяць адкрытых кортаў (пяць з грунтавым і пяць з сінтэтычным пакрыццём) з трыбунамі на 5500 гледачоў‚ у тым ліку на цэнтральным корце — да 2000 гледачоў. Карпусы дапаможных і тэхнічных памяшканняў, як і корты з трыбунамі, урэзаны ў штучны рэльеф, што дазволіла, не загрувашчваючы тэрыторыю, захаваць на гэтым участку паркавы характар забудовы праспекта Машэрава. Другая чарга ўключала будаўніцтва двух будынкаў з крытымі кортамі на месцы старых адкрытых і стварэнне мабільных каткоў на адкрытых кортах, размешчаных уздоўж праспекта[3].

З 2007 года — установа «Рэспубліканскі цэнтр алімпійскай падрыхтоўкі па тэнісе».

У сакавіку 2015 года ўведзены ў эксплуатацыю другі корпус. На кортах рэгулярна праводзяцца міжнародныя і рэспубліканскія спаборніцтвы, турніры Міжнароднай тэніснай федэрацыі серый Challenger і Futures, матчы розыгрышу Кубка Дэвіса[4].

У час II Еўрапейскіх гульняў Цэнтр тэніса стане месцам правядзення спаборніцтваў па настольным тэнісе[4].

Апісаннеправіць

Рэспубліканскі цэнтр алімпійскай падрыхтоўкі па тэнісе займае плошчу 5,8 га, на якой размешчаны 3 карпусы агульнай плошчай 27 559,1 м²[5].

Палац тэнісу, пабудаваны па праекце архітэктараў С. Баткоўскага, Л. Гельфанда[5] і інжынера В. Скабелкіна. Крытае прамавугольнае ў плане збудаванне (аб’ём 62,5 тыс. м³). Складаецца са спартыўнага і адміністрацыйнага карпусоў, хола-звязкі[1].

На прылеглай тэрыторыі маюцца 16 адкрытых тэнісных кортаў, у тым ліку пяць адкрытых грунтавых кортаў, шэсць кортаў са штучнай травой, два блокі па два тэнісныя корты, з дэманстрацыйным кортам з сінтэтычным пакрыццём тыпу «хард» і трыбунамі для гледачоў на 1235[4]-2000[5] месцаў.

Спорткомплекс мае сістэму асвятлення для правядзення заняткаў у вячэрні час, два стацыянарныя інфармацыйныя табло на дэманстрацыйным корце, пяць мабільных табло, а таксама сістэму агучвання і відэаназірання[4].

Спартыўны корпусправіць

Спартыўны корпус перакрыты на 2 узроўнях (сярэдняя частка павышана) жалезабетоннымі абалонкамі дваякай крывізны пралётам 40 м. Скляпенні апіраюцца на рытмічна пастаўленыя нахіленыя апоры, якія падтрымліваюць У-падобную абвязачную бэльку. Тарцы скляпенняў зашклёныя. Уключае 4 тэнісныя корты (20x40 м кожны)[1] са штучным пакрыццём «хард»[4], стацыянарныя трыбуны на 480 месцаў (пры трансфармацыі максімальна 1280 месцаў), балкон з трыбунамі для гасцей і кабінамі суддзяў. У аздобе інтэр’ера выкарыстаны гафрыраваны анадзіраваны алюміній, варсаніт[1].

Адміністрацыйны корпусправіць

Адміністрацыйны корпус аднапавярховы, з развітым цокальным паверхам. Сцены па перыметры раскрапаваны значна выступаючымі пілонамі. Злева ад галоўнага ўвахода, да якога вядзе шырокая лесвіца, размешчана васьміграннае акно. У апрацоўцы фасадаў выкарыстаны каляровая тынкоўка з вертыкальнымі швамі. На 1-м паверсе — службовыя кабінеты, хол, гардэроб, лесвіцы, якія вядуць у залы і на трыбуны, у цокальным паверсе — трэніровачная зала, буфет, санітарны блок і інш[1].

Зноскі

  1. а б в г д 233і. Палац тэнісу // Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1988. — Мінск. — 333 с.: іл. — ISBN 5-85700-006-8.
  2. Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)
  3. Спортивные сооружения. Михаил Гаухфельд. 12.07.2004
  4. а б в г д РЦОП по теннису
  5. а б в Об учреждении «Республиканский центр олимпийской подготовки по теннису» Архівавана 13 мая 2019.

Літаратураправіць

Спасылкіправіць

🔥 Top keywords: Галоўная старонкаЮпітэр (планета)Адмысловае:RecentChangesАнгкор-ВатКарлес ПучдэмонВялікабрытаніяАдмысловае:SearchСтакгольмСвяшчэнная Рымская імперыяСёмы сынКукурузаАндрусь ТакіндангУладзімір КараткевічГай Юлій ЦэзарВікіпедыя:ФорумСавецкі партызанскі рух у Беларусі (1941—1944)Дэзоксірыбануклеінавая кіслатаСмарт-кантрактНацыяналізмУННВВасіль БыкаўКанадаМодуль:Namespace detect/dataУдзельнік:Мацей Міканораў/AP$ENTБеларусьГеркуланумКаралеўскія батанічныя сады К’юЕгіпетХрышчэнне РусіВольха чорнаяФэнтэзіВікіпедыя:СупольнасцьКатэгорыя:Жывёлы паводле алфавітаGoogle MapsВалерый Станіслававіч МянжынскіВікіпедыя:ДаведкаБеларуская моваЯдзерная рэакцыяSpecial:SearchВікіпедыя:Да выдаленняАгнэта ФэльтскугАляксандр Валер’евіч ХаджаеўІнданезіяВікіпедыя:Што такое свабодная энцыклапедыяKufar.byПартал:Актуальныя падзеіЧэмпіянат свету па футболе 2022Янка КупалаPornhubМалавіOnliner.byГамеланТэракт у «Крокус Сіці Холе»Якуб КоласВікіпедыя:Адмова ад адказнасціБрамбіБразіліяКаірМінскАсташынКлаўдзій Сцяпанавіч Дуж-ДушэўскіКарым БенземаВікіпедыя:Праект:WikiGap 2024 BelarusШаблон:Арыфметычныя аперацыіІерыхон (тэлесерыял)Напалеон I БанапартВялікдзеньВялікае Княства ЛітоўскаеЧэхіяМастурбацыяРымска-Каталіцкая ЦаркваБелсатКузьма ЧорныФранцыск СкарынаЗнак бядыКастусь КаліноўскіuknytМука120-я зенітна-ракетная брыгадаСпіс беларускіх імёнДжон Рональд Руэл ТолкінТадэвуш КасцюшкаБясхвостыя земнаводныяПартал:Беларусь/Праўладны ліст спартсменаўТобі АлдэрвейрэлдКарл XIV ЮханВікісховішчаЧырвоным па БелымІнструкцыя па транслітарацыіMuroveiУльтраправыяАбдэль Хамід Махамед ДбэйбеВікіпедыя:Паведамленні пра памылкіБаварыяMelodifestivalenАлегзандрыяПрыслоўеУдзельнік:DBaturaЖуліу Баптыста