Вікіпедыя:Рэкамендацыі па вядзенні праектаў

Кароткая спасылка-перанакіраваннеВП:ПРАЕКТЫ

Вікіпраекты — праекты ўнутры Вікіпедыі. У іх ёсць свае мэты і задачы, свае ўдзельнікі, нават свае спецыфічныя правілы. Кожны ўдзельнік Вікіпедыі можа ўдзельнічаць у любым праекце ці не ўдзельнічаць у іх увогуле. Вікіпраекты не прызначаны для змяшчэння там артыкулаў, а маюць мэтай аб’яднанне высілкаў удзельнікаў па тых ці іншых тэмах і Вікіпедыі ўвогуле.

Тыпы праектаўправіць

У беларускай вікіпедыі праекты могуць быць аднаго з наступных тыпаў:

  • Вікімарафоны (у тым ліку Вікітыдні) — праекты, у межах якіх прапануецца ствараць/паляпшаць артыкулы пэўнай тэматыкі ў межах фіксаванага перыяду.
  • Вікісустрэчы — праекты па арганізацыі афлайн сустрэч і дзейнасці вікіпедыстаў.
  • Тэматычныя праекты — дзейнічаюць трывала (або доўгі час), маюць у якасці мэты развіццё пэўнай тэмы ў Вікіпедыі.

Вікімарафоныправіць

Для таго, каб распачаць вікімарафон, трэба стварыць асобную старонку, дзе апісаць, якую тэму і ў які час прапануецца развіваць, іншыя ўмовы (узнагароды, патрабаванні да артыкулаў). Звычайна на такой старонцы размяшчаецца спіс створаных і палепшаных старонак (агульны, па датах або па ўдзельніках); можа быць таксама спіс удзельнікаў, крыніцы па тэме, прапанаваныя для стварэння і паляпшэння старонкі.

Для вікімарафонаў могуць стварацца адмысловыя шаблоны, якія размяшчаюцца на старонках размоў створаных і палепшаных артыкулаў, дадаюць катэгорыі і дапамагаюць сачыць за колькасцю артыкулаў.

У выпадку, калі няма ўпэўненасці ў тым, што тэма будзе мець дастатковую цікавасць у супольнасці, можна яе спачатку вынесці на абмеркаванне на старонцы Вікіпедыя:Праект:Вікітыдзень/Кандыдаты.

Вікісустрэчыправіць

Абмеркаванне планаваных і вынікі завершаных вікісустрэч адбываецца на старонцы Вікіпедыя:Вікісустрэчы. Могуць таксама стварацца адмысловыя старонкі для болей маштабных мерапрыемстваў (віківандровак, вікілетнікаў).

Тэматычныя праектыправіць

Асноўная мэта стварэння доўгатэрміновых тэматычных праектаў — каардынацыя ўдзельнікаў, распрацоўка агульных падыходаў да структуры і афармлення артыкулаў.

Надзвычай важна разумець і ўвесь час памятаць, што стварэнне праекта — не мэта, а сродак развіцця абранай тэмы, прычым не пачатак працэсу, а толькі першы крок да яго. Вельмі лёгка стварыць праект, але вельмі складана падтрымліваць і развіваць яго, нават пры наяўнасці значнай колькасці зацікаўленых удзельнікаў. Калі вы вырашыце ў адзіночку стварыць праект, то некалькі разоў падумайце, ці не будзе лепш проста пісаць артыкулы па абранай тэме і ў працэсе напісання спярша знайсці аднадумцаў, і толькі потым заняцца стварэннем праекта для каардынацыі работ з імі.

Вызначыцеся са структурай праектаправіць

У залежнасці ад абранай тэмы структура працы над ёй можа быць рознай:

  • Калі тэма досыць вузкая і з ёй звязаны ўсяго некалькі артыкулаў, то для арганізацыі сумеснай працы можа хапіць адной старонкі каардынацыі работ, у ролі якой можа выступаць, напрыклад, старонка абмеркавання асноўнага артыкула па абранай тэме. Пры гэтым можа апынуцца карысным арганізацыя архівавання абмеркаванняў.
  • Калі тэма досыць шырокая для заснавання асобнага праекта, то лагічна будзе пачаць стварэнне праекта з усёй яго інфраструктурай старонак, шаблонаў, катэгорый і іншых дапаможных рэчаў.
  • Часам бывае, што абраная тэматыка вельмі шырокая па аб’ёме і дазваляе стварыць істотную колькасць артыкулаў, але цікавасць да гэтай тэмы вельмі абмежаваная. У такім выпадку варта падумаць аб стварэнні асобнага вікірэсурса па-за Вікіпедыяй, прысвечанага гэтай тэме. У гэтым выпадку варта пачаць з праверкі, ці не існуе ўжо такі рэсурс.

Спасылкі на праектыправіць

Праекты — тэхнічныя старонкі, накіраваныя да ўдзельнікаў, а не чытачоў. Пры стварэнні праекта рэкамендуецца зрабіць абвестку аб гэтым на Форуме, таксама можна гэта зрабіць у абмеркаваннях, для якіх праект можа мець адносіны. Новы праект дадаецца ў спіс Вікіпедыя:Праекты або Вікіпедыя:Праект:Вікітыдзень. Стварэнне адмысловых шаблонаў, якія будуць спасылацца на праект з артыкулаў або навігацыйных шаблонаў, недапушчальна.

Неактыўныя праектыправіць

Праекты могуць стаць неактыўнымі, калі ўдзельнікі згубяць цікавасць да тэмы, або калі праект дасягне сваёй мэты. Старонкі неактыўных праектаў не могуць выдаляцца па прычыне неактыўнасці, аднак могуць пераносіцца (напрыклад, можна пераўтварыць неактыўны праект у падпраект іншага праекта). Таксама могуць выдаляцца старонкі, створаныя як старонкі праектаў, але якія не былі належным чынам распрацаваны і фактычна праектамі так і не сталі. Падстаронкі праектаў з інфармацыяй, якая страціла актуальнасць і болей непатрэбна, можа быць выдалена з захаваннем спасылкі на галоўнай старонца праекта.

🔥 Top keywords: Галоўная старонкаЮпітэр (планета)Адмысловае:RecentChangesАнгкор-ВатКарлес ПучдэмонВялікабрытаніяАдмысловае:SearchСтакгольмСвяшчэнная Рымская імперыяСёмы сынКукурузаАндрусь ТакіндангУладзімір КараткевічГай Юлій ЦэзарВікіпедыя:ФорумСавецкі партызанскі рух у Беларусі (1941—1944)Дэзоксірыбануклеінавая кіслатаСмарт-кантрактНацыяналізмУННВВасіль БыкаўКанадаМодуль:Namespace detect/dataУдзельнік:Мацей Міканораў/AP$ENTБеларусьГеркуланумКаралеўскія батанічныя сады К’юЕгіпетХрышчэнне РусіВольха чорнаяФэнтэзіВікіпедыя:СупольнасцьКатэгорыя:Жывёлы паводле алфавітаGoogle MapsВалерый Станіслававіч МянжынскіВікіпедыя:ДаведкаБеларуская моваЯдзерная рэакцыяSpecial:SearchВікіпедыя:Да выдаленняАгнэта ФэльтскугАляксандр Валер’евіч ХаджаеўІнданезіяВікіпедыя:Што такое свабодная энцыклапедыяKufar.byПартал:Актуальныя падзеіЧэмпіянат свету па футболе 2022Янка КупалаPornhubМалавіOnliner.byГамеланТэракт у «Крокус Сіці Холе»Якуб КоласВікіпедыя:Адмова ад адказнасціБрамбіБразіліяКаірМінскАсташынКлаўдзій Сцяпанавіч Дуж-ДушэўскіКарым БенземаВікіпедыя:Праект:WikiGap 2024 BelarusШаблон:Арыфметычныя аперацыіІерыхон (тэлесерыял)Напалеон I БанапартВялікдзеньВялікае Княства ЛітоўскаеЧэхіяМастурбацыяРымска-Каталіцкая ЦаркваБелсатКузьма ЧорныФранцыск СкарынаЗнак бядыКастусь КаліноўскіuknytМука120-я зенітна-ракетная брыгадаСпіс беларускіх імёнДжон Рональд Руэл ТолкінТадэвуш КасцюшкаБясхвостыя земнаводныяПартал:Беларусь/Праўладны ліст спартсменаўТобі АлдэрвейрэлдКарл XIV ЮханВікісховішчаЧырвоным па БелымІнструкцыя па транслітарацыіMuroveiУльтраправыяАбдэль Хамід Махамед ДбэйбеВікіпедыя:Паведамленні пра памылкіБаварыяMelodifestivalenАлегзандрыяПрыслоўеУдзельнік:DBaturaЖуліу Баптыста