Беларускі дзяржаўны ўніверсітэт інфарматыкі і радыёэлектронікі

Белару́скі дзяржа́ўны ўніверсітэ́т інфарма́тыкі і радыёэлектро́нікі (да 1993 г. — Мінскі радыётэхнічны інстытут, МРТІ) — вядучая навучальная ўстанова Рэспублікі Беларусь па падрыхтоўцы інжынерных і навуковых кадраў у галіне інфарматыкі і радыёэлектронікі.

Беларускі дзяржаўны ўніверсітэт інфарматыкі і радыёэлектронікі
(БДУІР)
Міжнародная назваBelarusian State University of Informatics and Radioelectronics (BSUIR)
ДэвізБДУІР — веды і стыль жыцця
Заснаваны1964
ТыпДзяржаўны
РэктарВадзім Анатольевіч Богуш
Студэнты15300
Размяшчэнне Беларусь, Мінск
Юрыдычны адрас220013, Рэспубліка Беларусь, Мінск, вул. Петруся Броўкі, 6
Узнагароды
ордэн Чырвонага Сцяга
Сайтbsuir.by
Лагатып Вікісховішча Медыяфайлы на Вікісховішчы

Комплекс будынкаў універсітэта складаецца з трох карпусоў па вул. Петруся Броўкі і двух на перасячэнні вуліц Гікалы і Платонава.

Гісторыяправіць

Заснаваны 15 сакавіка 1964 года пад назвай Мінскі радыётэхнічны інстытут (МРТІ). МРТІ пачынаўся з двух факультэтаў дзённага навучання — радыётэхнічнага і факультэта аўтаматыкі і вылічальнай тэхнікі, а таксама агульнатэхнічнага факультэта ў складзе двух аддзяленняў — вячэрняга і завочнага. Першым рэктарам МРТІ стаў член-карэспандэнт Акадэміі навук БССР, доктар тэхнічных навук Іван Сідаравіч Кавалёў. Ён знаходзіўся на пасадзе рэктара з 1964 па 1973 год.

З 8 лютага 1973 года па 30 чэрвеня 2000 года рэктарам Мінскага радыётэхнічнага інстытута быў Віктар Макаравіч Ільін — кандыдат тэхнічных навук, прафесар, заслужаны работнік вышэйшай школы БССР, акадэмік Міжнароднай акадэміі навук вышэйшай школы. У 1975 годзе МРТІ быў прызнаны найлепшым ВНУ ва Усесаюзным аглядзе ўкаранення дасягненняў навукі і тэхнікі ў народнай гаспадарцы, у 1976 годзе стаў пераможцам Усесаюзнага грамадскага агляду выкарыстання вынаходак з уручэннем дыплома УЦСПС, у 1978 годзе прысуджана 1-е месца і пераходзячы Чырвоны Сцяг Міністэрства вышэйшай і сярэдняй спецыяльнай адукацыі СССР і ЦК прафсаюза работнікаў асветы, вышэйшай школы і навуковых устаноў за поспехі ў працы.

У пачатку 1990-х гадоў Мінскі радыётэхнічны інстытут стаў найбуйнейшай ВНУ краіны, на долю якога прыпадала да 95 % студэнтаў радыётэхнічнага профілю.

Загадам Міністэрства адукацыі Рэспублікі Беларусь № 365 ад 16 жніўня 1998 г. універсітэт вызначаны базавай ВНУ рэспублікі ў галіне інфарматыкі, радыётэхнікі і электронікі.

У 1993 годзе пастановай Савету Міністраў Рэспублікі Беларусь пераўтвораны ў Беларускі дзяржаўны ўніверсітэт інфарматыкі і радыёэлектронікі.

З 2 кастрычніка 2000 года рэктарам універсітэта прызначаны Міхаіл Паўлавіч Батура — доктар тэхнічных навук, прафесар, акадэмік Міжнароднай акадэміі навук вышэйшай школы, заслужаны работнік адукацыі Рэспублікі Беларусь.

У 2001 годзе была адкрыта магістратура — другая ступень вышэйшай адукацыі, распачата падрыхтоўка магістрантаў па 8 спецыяльнасцях. Упершыню ў Рэспубліцы Беларусь БДУІР пачаў скарочанае навучанне выпускнікоў каледжаў для атрымання вышэйшай адукацыі. У 2002 годзе створаны Цэнтр дыстанцыйнага навучання і ўпершыню ў Рэспубліцы Беларусь пачата дыстанцыйнае навучанне. У 2003 годзе ўпершыню ў Рэспубліцы Беларусь на базе універсітэта праводзіцца рэпетыцыйнае кампутарнае тэставанне. Па замове Міністэрства адукацыі выкладчыкамі ўніверсітэта распрацаваны тэсты па фізіцы, матэматыцы, рускай і беларускай мове.

З 24 мая 2018 года рэктарам БДУІР стаў Вадзім Анатольевіч Богуш[1].

Падзеі 2020 годаправіць

Пасля масавых фальсіфікацый на прэзідэнцкіх выбарах 2020 года, жорсткага разгону акцый пратэстаў, збіцця і катаванняў затрыманых пратэстоўцаў, шматлікія студэнты ўніверсітэта падтрымалі пратэсты. 26 кастрычніка па закліку Святланы Ціханоўскай яны далучыліся да агульнанацыянальнай забастоўкі. 27 кастрычніка Аляксандр Лукашэнка запатрабаваў адлічваць усіх студэнтаў і звальняць выкладчыкаў, якія прымаюць удзел у несанкцыянаваных акцыях[2].

27 кастрычніка выкладчыкі і супрацоўнікі ўніверсітэта апублікавалі відэазварот, дзе запатрабавалі правядзення новых, сумленных і свабодных, выбараў, вызвалення ўсіх палітвязняў, а таксама асудзілі гвалт, пераслед студэнтаў і супрацоўнікаў ВНУ[3]. У той жа дзень 37 супрацоўнікаў універсітэта, з якіх 25 з факультэта камп’ютарных сістэм і факультэта камп’ютарнага праектавання, далучыліся да бестэрміновага страйку[4]. Станам на 29 кастрычніка больш за 140 супрацоўнікаў БДУІР далучыліся да патрабаванняў, агучаных у відэазвароце[5].

Дэкан Факультэта камп’ютарных сістэм і сетак Марына Лукашэвіч адмовілася падпісваць загад аб адлічэнні студэнтаў свайго факультэта і напісала заяву на звальненне па ўласным жаданні[6]. Таксама, па ўласным жаданні сышоў прарэктар па вучэбнай працы ўніверсітэта Валерый Прыткоў.

Дзейнасцьправіць

Універсітэт рыхтуе інжынерныя кадры па двух напрамках адукацыі, 30 спецыяльнасцях і 25 спецыялізацыях у галіне вылічальнай тэхнікі, праграмнага забеспячэння інфармацыйных тэхналогій, інфарматыкі, інфармацыйнага забеспячэння аўтаматызаваных сістэм, штучнага інтэлекту, аўтаматычнага кіравання, радыётэхнікі, радыёэлектронных сістэм, мікраэлектронікі, тэлекамунікацый, праектавання радыёэлектронных і электронна-вылічальных сродкаў, электроннага апаратабудавання, медыцынскай электронікі, тэхнічных сродкаў бяспекі, метралогіі, стандартызацыі і сертыфікацыі, эканомікі. На 10 факультэтах і 35 кафедрах па дзённай, вячэрняй, завочнай і дыстанцыйнай формах навучання займаецца больш за 15 тысяч студэнтаў, у тым ліку каля 350 — з краін далёкага і блізкага замежжа. У 2001 г. адчынена магістратура, вядзецца падрыхтоўка магістраў па 27 спецыяльнасцях. Падрыхтоўка навуковых кадраў вышэйшай кваліфікацыі для рэспублікі і іншых краін праводзіцца ў аспірантуры і дактарантуры. Працуюць шэсць доктарскіх саветаў па абароне дысертацый, якія ахопліваюць 13 тэхнічных і 2 фізіка-матэматычныя спецыяльнасці.

Факультэты і іншыя падраздзяленніправіць

  • Факультэт камп’ютарнага праектавання (ФКП)
  • Факультэт інфармацыйных тэхналогій і кіравання (ФІТК)
  • Факультэт радыётэхнікі і электронікі (ФРЭ)
  • Факультэт камп’ютарных сістэм і сетак (ФКСіС)
  • Факультэт інфакамунікацый (ФІК)
  • Інжынерна-эканамічны факультэт (ІЭФ)
  • Факультэт даўніверсітэцкай падрыхтоўкі і прафесійнай арыентацыі (ФДПіПА)
  • Ваенны факультэт (ВФ)
  • Інстытут павышэння кваліфікацыі і перападрыхтоўкі кадраў «Інстытут інфармацыйных тэхналогій» (ІІТ БДУІР)
  • ДУА «Ліцэй № 1 г. Мінска» пры БДУІР
  • Філіял «Мінскі радыётэхнічны каледж»

Рэктары БДУІРправіць

  • Іван Сідаравіч Кавалёў — рэктар Мінскага радыётэхнічнага інстытута з 15 сакавіка 1964 года па 2 лютага 1973 года. Член-карэспандэнт Акадэміі навук БССР, доктар тэхнічных навук, прафесар
  • Віктар Макаравіч Ільін — рэктар Мінскага радыётэхнічнага інстытута — Беларускага дзяржаўнага ўніверсітэта інфарматыкі і радыёэлектронікі з 8 лютага 1973 года па 30 чэрвеня 2000 года. Заслужаны работнік вышэйшай школы БССР, кандыдат тэхнічных навук, прафесар, акадэмік Міжнароднай акадэміі навук вышэйшай школы. Ганаровы рэктар БДУІР з 4 ​​ліпеня 2000 года
  • Міхаіл Паўлавіч Батура — рэктар Беларускага дзяржаўнага ўніверсітэта інфарматыкі і радыёэлектронікі з 2 кастрычніка 2000 года па 23 мая 2018. Доктар тэхнічных навук, прафесар, акадэмік Міжнароднай акадэміі навук вышэйшай школы, заслужаны работнік адукацыі Рэспублікі Беларусь
  • Вадзім Анатольевіч Богуш — рэктар Беларускага дзяржаўнага ўніверсітэта інфарматыкі і радыёэлектронікі з 24 мая 2018 года. Доктар фізіка-матэматычных навук, прафесар.[7]

Выбітныя выкладчыкі і выпускнікіправіць

Зноскі

Спасылкіправіць

🔥 Top keywords: Галоўная старонкаЮпітэр (планета)Адмысловае:RecentChangesАнгкор-ВатКарлес ПучдэмонВялікабрытаніяАдмысловае:SearchСтакгольмСвяшчэнная Рымская імперыяСёмы сынКукурузаАндрусь ТакіндангУладзімір КараткевічГай Юлій ЦэзарВікіпедыя:ФорумСавецкі партызанскі рух у Беларусі (1941—1944)Дэзоксірыбануклеінавая кіслатаСмарт-кантрактНацыяналізмУННВВасіль БыкаўКанадаМодуль:Namespace detect/dataУдзельнік:Мацей Міканораў/AP$ENTБеларусьГеркуланумКаралеўскія батанічныя сады К’юЕгіпетХрышчэнне РусіВольха чорнаяФэнтэзіВікіпедыя:СупольнасцьКатэгорыя:Жывёлы паводле алфавітаGoogle MapsВалерый Станіслававіч МянжынскіВікіпедыя:ДаведкаБеларуская моваЯдзерная рэакцыяSpecial:SearchВікіпедыя:Да выдаленняАгнэта ФэльтскугАляксандр Валер’евіч ХаджаеўІнданезіяВікіпедыя:Што такое свабодная энцыклапедыяKufar.byПартал:Актуальныя падзеіЧэмпіянат свету па футболе 2022Янка КупалаPornhubМалавіOnliner.byГамеланТэракт у «Крокус Сіці Холе»Якуб КоласВікіпедыя:Адмова ад адказнасціБрамбіБразіліяКаірМінскАсташынКлаўдзій Сцяпанавіч Дуж-ДушэўскіКарым БенземаВікіпедыя:Праект:WikiGap 2024 BelarusШаблон:Арыфметычныя аперацыіІерыхон (тэлесерыял)Напалеон I БанапартВялікдзеньВялікае Княства ЛітоўскаеЧэхіяМастурбацыяРымска-Каталіцкая ЦаркваБелсатКузьма ЧорныФранцыск СкарынаЗнак бядыКастусь КаліноўскіuknytМука120-я зенітна-ракетная брыгадаСпіс беларускіх імёнДжон Рональд Руэл ТолкінТадэвуш КасцюшкаБясхвостыя земнаводныяПартал:Беларусь/Праўладны ліст спартсменаўТобі АлдэрвейрэлдКарл XIV ЮханВікісховішчаЧырвоным па БелымІнструкцыя па транслітарацыіMuroveiУльтраправыяАбдэль Хамід Махамед ДбэйбеВікіпедыя:Паведамленні пра памылкіБаварыяMelodifestivalenАлегзандрыяПрыслоўеУдзельнік:DBaturaЖуліу Баптыста