Viento

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Articlo d'os 1000

O viento ye o movimiento de l'aire que ye present en l'atmosfera, mas que mas en a troposfera, y que ye producito por causas naturals, por ixo gosa decir-se mas a sobén simplament aire. Se tracta d'un fenomeno meteorolochico.

Anemoscopio, instrumento ta mesurar o viento.
Pieter Kluyver (1816–1900)

A causa d'os vientos se troba en os movimientos de rotación y de translación terrestres que dan orichen, a la vegata, a diferencias considerables en a radiación solar u (insolación), mas que mas de onda luenga (infrarroya u termica), que ye absorbita de traza indirecta por l'atmosfera, d'alcuerdo con a propiedat diatermica de l'aire, seguntes a cual la radiación solar nomás calienta indirectament l'atmosfera ya que os rayos solars pueden travesar l'atmosfera sin de fer-la calentar. Son os rayos de calor (infrarroyos) reflectatos por a superficie terrestre y acuatica d'a Tierra los que sí logran fer calentar l'aire. A insolación ye cuasi a sola fuent de calor que puet dar orichen a lo movimiento de l'aire, ye decir, a los vientos. A la vegata, o desigual escalfamiento de l'aire da orichen a las diferencias de presión y ixas diferencias de presión dan orichen a los vientos.

Acción cheolochica d'o vientoeditar

O viento ye embrecau en o clima, en o ciclo hidrolochico trasportando as nubles y en fenomenos meteorolochicos con consecuencias erosivas u sedimentarias. Tamién ye a fuent d'a enerchía d'as ondas y corrients marinas.

Cuan se parla d'o viento como achent cheolochico ye como achent d'erosión, transporte y sedimentación de particlas.

Erosión y transporte eolicoseditar

O viento actua como achent erosivo en materials sueltos de mida arena, limo u archila cuan no son cubiertos de vechetación ni humidos, porque la vechetación proteche y a humidat los cohesiona y une. L'acción eolica se produce en arias deserticas, semideserticas, en costas y en zonas periglacials. Tamién puet actuar en atras zonas cuan por desforestación, sobrexplotación d'o suelo, por sequera u por as tres cosas o suelo ye ixuto y desprotechiu, como se desvinió en a decada de 1930 en Estaus Unius[1]

O viento ye un achent muito selectivo, y dependendo d'a enerchía que tienga podrá mover unas particlas u atras de diferents trazas: saltación u suspensión. A saltación afecta sobre tot a l'arena fina. A suspensión afecta sobre tot a lo limo, que se mantién en suspensión por as turbulencias de l'aire.

Dimpués de levar-se o viento as particlas finas (deflación eolica), quedan as particlas de mida gran, quedando una superficie pedregosa dita "desierto de piedras" u reg.

L'aire queda cargau con particlas y ye capaz d'esgarrapar os obstaclos que se troba por a on circula (abrasión eolica). Os tormos y penyas prenen forma de fongo porque l'aire ye mes cargau amán d'a superficie y s'erosionan mes por abaixo. Tamién se pueden formar puents naturals. Os catens, ruellos y cantals son esgarrapaus en o sentiu de l'aire y desembolican superficies planas y ariestas fendo-se ventifractos.

Sedimentación eolicaeditar

A sedimentación eolica ye tamién independient d'o clima, y se produce cuan l'aire ya no tien prou enerchía pa poder seguir transportando a suya carga sedimentaria. Os sedimentos eolicos pueden presentar-se como planas de limo, (lo loess), planas arenosas u diferents tipos de dunas. Os sedimentos eolicos pueden presentar superficies onduladas en diferents escalas, dende chicoz ripples dica dunas chigants.

As dunas presentan una mida y un movimiento bien observable a escala humana que fan que siga a forma d'acumulación eolica mes caracteristica y conoixita, pero no a sola forma sedimentaria y a mes important. A migración d'as dunas en a dirección d'o viento produce una laminación cruzata caracteristica bien observable. Pa que se formen dunas cal que no bi haiga vechetación. L'asociación de dunas fa que se formen os campos de dunas u ergs a escala macrocheografica.

Viento seguntes a suya procedenciaeditar

Ta más detalles, veyer l'articlo Anglos d'o vientoveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Denominacions tradicionals y historicas d'os vientoseditar

En o "Libro del Trasoro" parlan d'os diferents vientos y en bels parrafos en dan nombres y en fan descripcions en o capítol 106 "Del ayre et de la pluuja e del viento et de las cosas que son en el ayre":

E sabet que el ayre que desus nos es alto, y es mas frio todos tienpos que aquel que es mas baixo. Razon como: tanto como la cosa yes mas grosa e de mas espesa materia, e de tanto si toma el fuego mas fuerte. E por esto que el ayre que es mas baixo es mas grosso e mas espesso que aquel que es alto, la calor del sol se prende menos alto que baixo. E de otra part los vientos mueuen e fieren souen en baixo ayre mas que en el alto, e todas cosas que estan quedas son mas frias que [fol. 39rb] aquellas que son en moujmjento.
et sabet que en el ayre son environ la tierra quatro vientos principales, de las quatro partes del mundo; et quada vn viento ha su natura e su oficio, de qui ellos obran, segunt los marineros los seruan et que se sprueuan de nuyet e de dia. Mas los nonbres e de la diuersidat de los vientos non dire agora mas, por que las gentes del mundo canbian e departen los nonbres segunt su discrecion e segunt la diuersidat de los lenguajes.
E de la otra part troba omne todos dias que vn mjsmo viento faze en vn logar pluuja e en otro no, segunt que los vientos vienen enues la fonda mar mas cercha de aquella tierra. E no por quanto omne dize continuadament que aquel viene deues leuant, e aquel que le viene al encuentro de dreyto ponjent, non son pas de gran periglo, por que lur venjda fiere mas enta tierra que a la mar. Mas aquel que viene de part de transmontana e aquel que viene de part de meydia si dan muy e aspro periglo, por que el curso del vno e del otro siruen a la mar muy durament.
E aquestos son los .iiij. vientos principales del mundo; e cada vno dellos ha dos en torno de si, que son asi commo abordes. Porque viento de leuant, que es temprado, segun lo quel conto dize aqui deuant, a deues trasmontana vn viento que seca todas cosas, quj es clamado Bulternum; mas los marineros le claman Greco, porque viene de Grecia. E de la otra part deueys meydia a vn otro que engendra nuues, e ha nonbre Eore; mas los marineros le dizen Saloch. Esto yo non se razon por que ellos lo claman asi.
El otro principal viento de meydia es calient e humjdo, e a souen faze relanpagos e tempestas, e ha todas partes enderredor de si vientos caljentes, qui todos fazen souen e a menudo tempestas e piedra en la tierra
El otro principal que viene de ponjent trahe e gita friores e yujerno, e da flores e fullas e primauera. E enues meydia ha vn viento de los otros o de su natura de meydia, e ha nonbre Africano; e por este nonbre le claman los marineros algunas vezes, e aun por dos nonbres otros. Por que quando el es dolç, e suaue, ellos le claman Guarbin, por que aquel paresçe que en la Scriptura dize Africano, el omne le dize en uulgar faular Eleagar. Mas quando el viene de grant fuerça o fortuna, los nauegantes ne dicen Libes. Mas deues transmontana nj ha vn otro mas de buen ayre que ha nonbre Corus; aquest claman los marineros Maestro, por las .vij.e strellas que son en aquel mjsmo logar.
El otro principal que viene de transmontana da nuues e friores e aquel que les dreça enta ponyent da piedra e nueze, e ha nonbre Cierço; mas el otro que es enta leuant restrinye pluujas e nuues. Aquesti puede omne conosçer breument: que todos vientos que vienen de orient deues meydia entro a ocident dan tenpestas e pluujias e tales cosas semblantes, segun logar et tiempo. E los otros que son de orient deues transmontana entro a enues ocidente, fan de los otros el contrario, ya sia que la natura de cadavno puet cembiar segunt diuersos passos. Mas como qujer que sya yo digo que viento no es otra cosa sino scanpamjento de ayre. Mas aun endi ha dos otros, que no son nonbrados aqui deuant, que son exidos de moujmjentos de ayre; de la vno es clamado en tierra Oria, e el otro ha nonbre Aleaz.

Tamién en a versión navarro-aragonesa d'as glosas del mestre Aleix de Barcelona del DE REGIMINE PRINCIPIUM de Chil de Roma dan nombres de vientos, pero a sobén omitindo a denomación en vernacla aragonés,[2] no conoixita por o traductor.

Dice vulterno a lo "vulturno" y auster a un viento d'o sud, coincidindo con a denominación d'o viento d'o sud actualment en rumano (Austru). Diz en nuestra lengua mediodía, pero de seguro traducindo dende o catalán mitjorn.

Referenciaseditar

  1. Francisco Anguita Virella, Fernando Moreno Serrano. Procesos geológicos externos y geología ambiental. Editorial Rueda, 1993.
  2. Jukka Kiviharju Las glosas del mestre Aleix de Barcelona del DE REGIMINE PRINCIPIUM de Egidio Romano y su versión navarroaragonesa. Suomalainen Tiedeakatemia. Helsinki 1995. [1]

Vinclos externoseditar

🔥 Top keywords: PortaladaEstaus UniusAngkor WatCarles PuigdemontLista de municipios d'a provincia de MalagaEspecial:Zaguers cambeosCleopatra VIIBaike: AduyaLista de provincias d'Espanya por superficieIndonesiaBaike: Sobre2008Baike: Alvertencias cheneralsEspecial:MirarLista de municipios d'a provincia de ToledoLista de municipios d'a provincia de BadajozLista de municipios d'a provincia de SevillaRepublica Checa1960Sexo oral2007CaixicoBaike: TabiernaIlesia de Sant Istevan Protomártir de Sos d'o Rei CatolicoAlemanyaBaike: Actualidat1941Lista de municipios d'a provincia de CastellónFundación WikiSegunda Guerra MundialConferencia Episcopal EspanyolaRelación sexual20091981MasturbaciónBaike: Comunidat19211907Philippe NoiretContact (cinta)ZaragozaAcademia Aragonesa d'a LuengaSexo analBaike: Ortografía consensuadaFranciscoBaike: Tabierna/Aduya1927MediaWikiLista de municipios d'a provincia de Granada20 de chinero11 de chineroLista de municipios d'a provincia de CáceresAnuraBiquipediaDinamarcaLista de municipios d'a provincia de Cordoba24 de chineroArchentina10 de chineroDakarJustin BieberLista de municipios d'a provincia de Salamanca4 de chineroLista de municipios d'a provincia de CuencaLatínLista de municipios d'a provincia de Valencia30 de chineroLista de municipios de Cantabria8 de chineroZapo2010Aduya:Cómo rechistrar-seFebrero4 de chunioArchidiocesi de TarragonaLista de municipios de VenezuelaLista de municipios d'a provincia de ZamoraLista de Biquipedias17 de chineroBloodshot (cinta)Imachen:Logo Real Madrid.svgClupea harengus16 de febrero11 d'abrilCeresaLista de municipios d'a provincia de Palencia29 de chineroLista de municipios d'a provincia d'AlmeríaSollanaLista de municipios d'a provincia de BurgosBogotáBiquizionarioLoís IX de FranciaCastiella y LeyónWikiRio de JaneiroRobin Williams18 de setiembreImachen:Bloodshot 2020 Póster.jpeg