Río Tacho

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Tacho
Tajo - Tejo

Río Tacho en Lisbona.
Administración
Estaus{{{estaus}}}
Territorios Aragón
Castiella-La Mancha
Comunidat de Madrit
Extremadura
Portugal
Cheografía
Longaria1.006 - 1.008 km
Altaria d'o naixedero1.593 m
NaixederoFuent de García, Sierra d'Albarracín
DesembocaduraOceano Atlantico
Hidrolochía
Superficie d'a cuenca80.000 km²
Cabal meyano500 m³/s
Mapa

O Tacho (Tajo en castellano; Tejo en portugués) ye o río mas largo d'a peninsula Iberica. Ye situato en o centro-ueste d'a peninsula Iberica, trescruzando as comunitaz autonomas d'Aragón (naixedero) Castiella-La Mancha (curso meyo), Extremadura (curso meyo-baixo) y Portugal (curso baixo).

Naixe en os Monts Universals (comarca Sierra d'Albarracín, provincia de Teruel), a 1.600 metros d'altaria y desemboca en l'Oceano Atlantico cerca de Lisbona formando lo estuario de mar d'a Palla (en portugués Mar da Palha). A longaria total d'o río ye de 1.008 km, 816 en territorio espanyol, en una longaria de 47 km se fa servir de muga entre Espanya y Portugal, y recorre a resta de 145 km en Portugal.

Os prencipals afluents son o Jarama (con o suyo afluent o Manzanares), o Guadarrama, l'Alberche y l'Alagón por a dreita, o Guadiela, o Ibor y o Salor por a chucha. As prencipals poblacions por a on pasan son Aranjuez, Toledo, Talavera de la Reina, Cáceres, Alcántara, Santarém, Sacavém y Lisbona.

O puent mas largo sobre o río Tacho ye o puent Vasco da Gama[1] (en Lisbona, Portugal) con un total de 17,2 km, lo que fa que sía tamién o puent mas largo d'Europa.

Toponimiaeditar

En tiempos d'os romanos se deciba TAGUS y en a Edat Meya en algarabía u arabe hispanico se deciba نهر تاجوس Wadi Tacho (transliterando a letra chim con o digrafo ch). A G present en o hidronimo latín GALLICUM d'o río Galligo se convertió en Al-Challiq en as cronicas d'o periodo musulmán andaluz.

Seguntes David Lopes y Ramón Menéndez Pidal n'este caso a G latina ha pasado ta chim arabe como en atros casos:

Cosa que no ye estrania porque lo contrario ha esdeveniu: en arabe echipciano a chim arabe se pronuncia como una G.

En o desapareixito aragonés d'as comunidaz aragonesas s'escribiba Tajo d'alcuerdo con a representación d'o fonema africato xordo con grafía etimolochica. Por eixemplo en un texto de 1278 provinient d'a sinyoría d'Albarracín cuan Chuan Núnyez de Lara concede unas tierras a Domingo Pascual de Fridas:

vassallo de Santa Maria e sinyor de Albarracin, do e otorgo a vos Domingo Pascual de Fridas desde la Puerta de Molina entre amos los adarves fasta a fondón del adarve e par las casas do vos a Nava Seca por heredamiento, asín como vierten las aguas, asín como da la carrera hyxe de la vega de Tajo en angosto de..[2]

Fan mención d'a Vega de Tacho en aragonés en textos de zaguers d'o sieglo XIV relacionaus con o litichio territorial entre los concellos de Cuenca y Albarracín por la suya posesión[3].

Referenciaseditar

  1. (es) Prensa Diaria Aragonesa: Los ríos de Aragón. Ríos Mijares, Turia y Tajo. El Periódico de Aragón, Diputación General de Aragón, 2005, pp 40-42
  2. (es) Jacinto Bosch Vilá: Historia de Albarracín y su sierra, Volumen 4. Instituto de Estudios Turolenses. Editor Martín Almagro Basch, 1964, p 98.
  3. (es) Francisco Antonio Chacón Gómez-Monedero Relaciones de vecindad entre Albarracín y Cuenca: una aportación a la diplomática municipal aragonesa. Anales de la Universidad de Alicante. Historia Medieval. Nº 10 (1994-1995). ISSN 0212-2480, pp. 261-310.

Bibliografíaeditar


Afluents d'o río Tacho
Marguin izquierdaGuadiela | Algodor | Ibor | Almonte | Salor | Sever | Sorraia
Marguin dreitaLa Hoz Seca | Cabrillas | Gallo | Ablanquejo | Cifuentes | Jarama | Guadarrama | Alberche | Tiétar | Alagón | Erjas | Pônsul | Ribeira de Nisa | Zézere | Alviela | Ocreza | Maior
🔥 Top keywords: PortaladaEstaus UniusAngkor WatCarles PuigdemontLista de municipios d'a provincia de MalagaEspecial:Zaguers cambeosCleopatra VIIBaike: AduyaLista de provincias d'Espanya por superficieIndonesiaBaike: Sobre2008Baike: Alvertencias cheneralsEspecial:MirarLista de municipios d'a provincia de ToledoLista de municipios d'a provincia de BadajozLista de municipios d'a provincia de SevillaRepublica Checa1960Sexo oral2007CaixicoBaike: TabiernaIlesia de Sant Istevan Protomártir de Sos d'o Rei CatolicoAlemanyaBaike: Actualidat1941Lista de municipios d'a provincia de CastellónFundación WikiSegunda Guerra MundialConferencia Episcopal EspanyolaRelación sexual20091981MasturbaciónBaike: Comunidat19211907Philippe NoiretContact (cinta)ZaragozaAcademia Aragonesa d'a LuengaSexo analBaike: Ortografía consensuadaFranciscoBaike: Tabierna/Aduya1927MediaWikiLista de municipios d'a provincia de Granada20 de chinero11 de chineroLista de municipios d'a provincia de CáceresAnuraBiquipediaDinamarcaLista de municipios d'a provincia de Cordoba24 de chineroArchentina10 de chineroDakarJustin BieberLista de municipios d'a provincia de Salamanca4 de chineroLista de municipios d'a provincia de CuencaLatínLista de municipios d'a provincia de Valencia30 de chineroLista de municipios de Cantabria8 de chineroZapo2010Aduya:Cómo rechistrar-seFebrero4 de chunioArchidiocesi de TarragonaLista de municipios de VenezuelaLista de municipios d'a provincia de ZamoraLista de Biquipedias17 de chineroBloodshot (cinta)Imachen:Logo Real Madrid.svgClupea harengus16 de febrero11 d'abrilCeresaLista de municipios d'a provincia de Palencia29 de chineroLista de municipios d'a provincia d'AlmeríaSollanaLista de municipios d'a provincia de BurgosBogotáBiquizionarioLoís IX de FranciaCastiella y LeyónWikiRio de JaneiroRobin Williams18 de setiembreImachen:Bloodshot 2020 Póster.jpeg