Atena

(Reendrezau dende Palas Atena)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Atena
Ἀθηνᾶ
Atena.
Atena.
'
Mitolochía:Mitolochía griega y dodecateísmo.
País:Antiga Grecia
Diosa de:diosa d'a guerra, a civilización, a sabieza, a estratechia, as artes, a chusticia y l'habilidat.
Información personal
Puesto de naixencia:Monte Olimpo
Residencia:Monte Olimpo
Pai:Zeus
Mai:Metis
Fillos:Erictonio
Relacionau con:Minerva
Caracteristicas
Animal:Bubo, serpente, araina y o caballo.
Simbolo:Casco, lanza, armadura, carro, egida, Gorgoneion y a filosa.

Atena, (griego atico: Ἀθηνᾶ Athēnā o Ἀθηναία Athēnaia) tamién conoixida como Palas Atena (Παλλάς Αθηνά) ye, en a mitolochía griega, a diosa d'a guerra, a civilización, a sabieza, a estratechia, as artes, a chusticia y l'habilidat.

Ye una d'as prencipals deidaz d'o panteón griego y un d'os doce dioses d'o Olimpo, Atena recibe culto en toda l'antiga Grecia y en toda a suya zona d'influencia, dende as colonias griegas d'Asia Menor y la peninsula Iberica dica o norte d'Africa. O suyo equivalent aproximau en a mitolochía romana yera Minerva.

A versión mas actual d'o suyo mito la mete como filla de Zeus y Metis, naixida completament armada d'a cabeza a os piez. Nunca no se casó, s'ha encargau de mantener una virchinidat perpetua. Estió una guerrera invencible en a guerra, mesmo contra Ares o dios d'a guerra. Se convirtió en patrona de cuantas ciudaz, estando mas conoixida como a protectora d'Atenas y Atica. Tamién yera a protectora de cuantos herois griegos y atros personaches miticos, que amaneixe en muitos d'os episodios d'a mitolochía. Estió una d'as diosas mas representadas en l'arte griego y o suyo simbolismo tenió una profunda influencia en o pensamiento griego, sobre tot en os conceptos de chusticia, a sabieza y a función civilizadora d'a cultura y as artes, que a suya influencia se veye encara hue en tot Occidente. A representación d'a suya imachen ha sufierto cuantas transformacions en o transcurso d'os sieglos, con a incorporación de nuevas caracteristicas, nuevos contextos y que influyen en a interacción con atras figuras simbolicas, mesmo ha penetrau en a cultura popular y a suya identidat de chenero ha estau un atractivo especial t'os escritors relacionaus con o feminismo y a psicolochía, por zaguer, cualques corrients relichiosas contemporanias han empecipiau a dar-le de nuevo una verdadera adoración, como por eixemplo en o dodecateísmo u neopaganismo helenico.

Mencions en fuents aragonesaseditar

O nombre d'a diosa d'a intelichencia griega ye Atena en as traduccions medievals aragonesas, como veyemos en Vidas Semblants:

la troya ala dea Athena / & dimosteni(n) respuso / o dimadi aq(ue)lla Athena q(ue) tu dizes
& qua(n)do se p(ar)tie de Athenas se boluio deuers el (cielo) templo d(e)la dea Athena / & alc[']adas las manos deuers el cielo dixo / o senyora como sufres tu estos tr(e)s malos animal(e)s la cotuagia el drago(n) / & el su pueblo / & a qua(n)tos jouen(e)s yua(n) ael por aprender sciencia d(e)l los empachaua de no entremeter se enlos f(e)c(h)os comun(e)s

Vinclos externoseditar

Wikiquote tien una replega de frases celebres de u sobre Atena.
🔥 Top keywords: PortaladaEstaus UniusAngkor WatCarles PuigdemontLista de municipios d'a provincia de MalagaEspecial:Zaguers cambeosCleopatra VIIBaike: AduyaLista de provincias d'Espanya por superficieIndonesiaBaike: Sobre2008Baike: Alvertencias cheneralsEspecial:MirarLista de municipios d'a provincia de ToledoLista de municipios d'a provincia de BadajozLista de municipios d'a provincia de SevillaRepublica Checa1960Sexo oral2007CaixicoBaike: TabiernaIlesia de Sant Istevan Protomártir de Sos d'o Rei CatolicoAlemanyaBaike: Actualidat1941Lista de municipios d'a provincia de CastellónFundación WikiSegunda Guerra MundialConferencia Episcopal EspanyolaRelación sexual20091981MasturbaciónBaike: Comunidat19211907Philippe NoiretContact (cinta)ZaragozaAcademia Aragonesa d'a LuengaSexo analBaike: Ortografía consensuadaFranciscoBaike: Tabierna/Aduya1927MediaWikiLista de municipios d'a provincia de Granada20 de chinero11 de chineroLista de municipios d'a provincia de CáceresAnuraBiquipediaDinamarcaLista de municipios d'a provincia de Cordoba24 de chineroArchentina10 de chineroDakarJustin BieberLista de municipios d'a provincia de Salamanca4 de chineroLista de municipios d'a provincia de CuencaLatínLista de municipios d'a provincia de Valencia30 de chineroLista de municipios de Cantabria8 de chineroZapo2010Aduya:Cómo rechistrar-seFebrero4 de chunioArchidiocesi de TarragonaLista de municipios de VenezuelaLista de municipios d'a provincia de ZamoraLista de Biquipedias17 de chineroBloodshot (cinta)Imachen:Logo Real Madrid.svgClupea harengus16 de febrero11 d'abrilCeresaLista de municipios d'a provincia de Palencia29 de chineroLista de municipios d'a provincia d'AlmeríaSollanaLista de municipios d'a provincia de BurgosBogotáBiquizionarioLoís IX de FranciaCastiella y LeyónWikiRio de JaneiroRobin Williams18 de setiembreImachen:Bloodshot 2020 Póster.jpeg