Motor

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Un motor ye a parte sistematica d'una maquina capable de fer funcionar un sistema, transformando bell tipo d'enerchía (electrica, de combustibles fosils, etc.), en enerchía mecanica capable de realizar un treballo. En os automobils iste efecto ye una fuerza que produz o movimiento.

Motor d'un avión de 1915, con disposición radial y refricherau con augua.

Tipos de motors

N'i hai diferents tipos, estando d'os mas comuns os siguients:

Motors termicos, quan o treballo s'obtiene a partir d'enerchía calorica.
- Motors de combustión interna, son motors termicos en os quals se produz una combustión d'o fluido d'o motor, transformando a suya enerchía quimica en enerchía termica, a partir d'a quala s'obtiene enerchía mecanica. O fluido motor antes d'encetar a combustión ye una mezcla d'un comburent (como l'aire) y un combustible, como os derivados d'o petrolio y benzina, os d'o gas natural u os biocombustibles.
- Motors de combustión externa, son motors termicos en os que se produz una combustión en un fluido diferent a o fluido motor. O fluido motor alcanza un estau termico de por meyo d'a transmisión d'enerchía a traviés d'una paret.
Motors electricos, quan o treballo s'obtién a partir d'una corrient electrica.

Atros motors

En os aerocheneradors, as centrals hidroelectricas u os reactors nucleyars tamién se transforma bell tipo d'enerchía en unatro. Manimenos, a palabra motor se gosa reservar ta os casos en os que o resultau immediato ye enerchía mecanica.

Os motors electricos fan servir a inducción electromagnetica que produz a electricidat ta producir movimiento, seguntes sía a constitución d'o motor: nuclio con cable enrollau, sin cable enrollau, monofasico, trifasico, con imans permanents u sin ells; a potencia pende en o calibre de l'arambre, as vueltas de l'arambre y a tensión electrica aplicada.