Laco de Gostanza

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Laco de Gostanza
Bodensee

O laco de Gostanza.
Administración
País Alemanya, Suiza, Austria
Estau
Provincia
Comarca
Municipio
Cheografía
Tipo
Orichen
Superficie536 km² km²
Superficieha
Altaria395 m
Longaria63 km km
Amplaria14 km km
Fondura90 m
Volumenhm³
Fuent
Desagüe
Desagües


O laco de Gostanza (en alemán Bodensee) ye un laco que se troba en a confluencia d'as buegas d'Alemanya, Austria y Suiza.[1] Con una superficie de 536 km² se tracta d'o tercer laco mas gran d'Europa Central dezaga d'o laco Chinevra y d'o laco Balaton. En a suya redolada viven bellas 2,5 millons de personas estando Gostanza la ciudat mas gran con mas de 83 000 habitants.

O laco se trestalla en tres partis clamadas Obersee, Seerhein y Untersee.

Toponimíaeditar

En epoca romana lo laco yera denominau en latín Lacus Raetiae Brigantinus u Lacus Brigantiae prenendo lo suyo nombre d'a mayor ciudat d'o laco alavez: Brigantium (actualment Bregenz).

O nombre actual en alemán Bodensee proviene d'o lugar Bodman. Per unatra parti en as luengas romances (como l'aragonés, lo francés u l'italián) lo nombre actual procede d'o latín Lacus Constantiensis en referencia a la ciudat de Gostanza (en alemán Konstanz).

Islas d'o lacoeditar

I hai cuantas islas en o laco. As tres mas grans son:

  • a isla de Reichenau: ye la mayor y en ella se troba l'antigo monesterio de Reichenau.
A isla de Lindau.
  • a isla de Lindau ye la segunda mas gran d'o laco y sobre ella se troba la ciudat de Lindau.
  • Mainau ye la tercera isla en grandaria y perteneixe a la familia Bernadotte.

A resta d'as islas tienen chiqueta grandaria:

  • Triboldingerbohl.
  • Mittler (u Langbohl).
  • Dominikanerinsel.
  • Insel Hoy.
  • Wollschweininsel (u Wulesaueninsle).
  • As islas Werd.
  • Liebesinsel.

Climaeditar

O clima d'o laco Gostanza se carauteriza per temperaturas moderadas. Manimenos, as frecuents boiras en hibierno y l'aire clamau Föhn que puede plegar a causar ondas de cuantos metros d'altaria, ofreix periglo a la navegación.

Ondas causadas per l'aire clamau Föhn.

Belún tiempo se conchela completament lo laco en un fenomeno clamau Seegfrörne. Se conoixen os que tenioron puesto en os anyos 1077, 1326, 1435, 1573, 1684, 1695, 1795, 1830 y 1963.

Economíaeditar

Antis mas a pesca formaba una parti important d'a economía d'a redolada. En l'actualidat a suya importancia ye muito menor. Tot y con tot s'atrapan bellas 1.100 toneladas de peix cada anyada.

O cautivo de vinyals tien gran importancia asinas como lo cautivo d'a mazanera. Cuasi una de cada tres mazanas producidas en Alemanya proceden d'a redolada d'o laco Gostanza.

O turismo tien un enorme desembolique con mas de 70 millons de visitants per anyada.

En a cultura populareditar

Lo laco ha serviu d'escenario en diversas cintas y series de televisión.

Cintaseditar

  • Die Fischerin vom Bodensee (1956).
  • Drei Mann in einem Boot (1961).
  • Alter Kahn und junge Liebe (1973).
  • Das Biest im Bodensee (1999).
  • Heirate mir! (1999).
  • Probefahrt ins Paradies (1993).
  • Lebe kreuz und sterbe quer (1985).
  • Ein fliehendes Pferd (2007).
  • James Bond: Ein Cuantum Trost (2008).
  • Eine dunkle Begierde (2010).

Series de televisióneditar

  • Bilderbuch.
  • Tatort.
  • Sternenfänger.
  • Die Toten vom Bodensee.
  • WaPo Bodensee.

Bibliografíaeditar

  • (de) Patrick Brauns: Das Bodensee-ABC. Von Aach bis Zeppelin., Thorbecke, Ostfildern, 2007, ISBN 978-3-7995-0181-1.

Referenciaseditar

  1. (en) Rolf Zimmermann:A Look at Lake Constance, Konstanz, Germany: Stadler Verlagsgesellschaft, 2004, ISBN 3-7977-0507-7
🔥 Top keywords: PortaladaEstaus UniusAngkor WatCarles PuigdemontLista de municipios d'a provincia de MalagaEspecial:Zaguers cambeosCleopatra VIIBaike: AduyaLista de provincias d'Espanya por superficieIndonesiaBaike: Sobre2008Baike: Alvertencias cheneralsEspecial:MirarLista de municipios d'a provincia de ToledoLista de municipios d'a provincia de BadajozLista de municipios d'a provincia de SevillaRepublica Checa1960Sexo oral2007CaixicoBaike: TabiernaIlesia de Sant Istevan Protomártir de Sos d'o Rei CatolicoAlemanyaBaike: Actualidat1941Lista de municipios d'a provincia de CastellónFundación WikiSegunda Guerra MundialConferencia Episcopal EspanyolaRelación sexual20091981MasturbaciónBaike: Comunidat19211907Philippe NoiretContact (cinta)ZaragozaAcademia Aragonesa d'a LuengaSexo analBaike: Ortografía consensuadaFranciscoBaike: Tabierna/Aduya1927MediaWikiLista de municipios d'a provincia de Granada20 de chinero11 de chineroLista de municipios d'a provincia de CáceresAnuraBiquipediaDinamarcaLista de municipios d'a provincia de Cordoba24 de chineroArchentina10 de chineroDakarJustin BieberLista de municipios d'a provincia de Salamanca4 de chineroLista de municipios d'a provincia de CuencaLatínLista de municipios d'a provincia de Valencia30 de chineroLista de municipios de Cantabria8 de chineroZapo2010Aduya:Cómo rechistrar-seFebrero4 de chunioArchidiocesi de TarragonaLista de municipios de VenezuelaLista de municipios d'a provincia de ZamoraLista de Biquipedias17 de chineroBloodshot (cinta)Imachen:Logo Real Madrid.svgClupea harengus16 de febrero11 d'abrilCeresaLista de municipios d'a provincia de Palencia29 de chineroLista de municipios d'a provincia d'AlmeríaSollanaLista de municipios d'a provincia de BurgosBogotáBiquizionarioLoís IX de FranciaCastiella y LeyónWikiRio de JaneiroRobin Williams18 de setiembreImachen:Bloodshot 2020 Póster.jpeg