Fotografía

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Articlo d'os 1000

A fotografía ye a tecnica de gravar imachens fixas sobre una superficie de material sensible a la luz basando-se en o prencipio d'a cambra escura. En a cambra escura se consigue prochectar una imachen captata por un lente u un conchuntos de lentes sobre una superficie, de forma que a imachen queda redueita de grandaria y puet veyerse correctament. Ta almadacenar ista imachen as maquinas fotograficas emplegaban dica fa bels anyos as peliculas sensibles, mientres que en l'actualidat s'emplega tamién sensors dichitals.

Una camara fotografica.

A fotografía puede estar clasificata baixo amás ampla denominación de tractamiento de imáchens, y por isto, ha embelecato a cientificos y artistas dende os suyos empecipiallos. Os cientificos, sobretot, han aprofeitato a suya capacidat ta plasmar con precisión toda mena de cercunstancias y estudios, como los estudios sobre locomoción humana y animal d'Eadweard Muybridge (1887). Os artistas tamién han estato sedueitos por istos aspectos pero han tractau siempre d'ir por mas variatos camíns que a simpla representación foto-mecanica d'a realidat.

Etimolochíaeditar

A palabra fotografía procede d'o griego y significa "debuixar con a luz" (de photos = luz, y graphis = debuixo).

Tecnolochía y tecnica en a fotografíaeditar

  • A maquina fotografica u camara fotografica.
  • Fotografía quimica.
  • Fotografía dichital.
  • Composición fotográfica.
  • Iluminación en fotografía.
  • Fotografía en blanco y negro.
  • Fotografía en color.
  • Revelato d'a fotografía en blanco y negro.
  • Revelato d'a fotografía en color.
  • Acutancia.

Aplicacions cientificas d'a fotografíaeditar

Una astrofotografía de Saturno.

A fotografía ha establito dende os suyos empecipiallos un medio de gran utilidat en a investigación cientifica. Gracias a lo suyo emplego a ran cientifico se tien a posibilidat de rechistrar fenomenos que no pueden ser alufratos dreitament, como por eixemplo aquels que se desembolican en tiempos muit breus (fotografía ultrarrapeda) u mui pandos (fotografía de baixa velocidat), aquels que escayecen a escala microscopica, aquels que afectan a rechions muit grans d'a Tierra u d'o espacio (fotografía aeria, orbital, astronomica), aquels atrabatas a radiacions no visibles a lo uello humán, ecetra.

Entre as mas importants aplicacions d'a fotografía en o campo cientifico destacan a fotografía ultrarrapeda y estroboscopica, a fotografía estereoscopica, a fotografía infrarroya y ultravioleta, a fotografía aeria y orbital u a fotografía astronomica.

Fotografía como arteeditar

Cuan os conoiximientos en optica estieron pro enantaus, os pintors escubrioron a maniera de prochectar una imachen sobre una binza de papel con aceite. Lo que lis premitiba prener notas a escape con a ventalla d'una inversión d'a imachen y una reducción de grandaria.

Isto consona con a fuga d'o realismo en a pintura.

Mas tardi s'escubrioron tecnicas emplegando clara de uego que feban fesable lograr que a imachen por si mesma se quedara gravada en o papel. Ista tecnica se fue perfeccionando gracias a la replega d'o fenomeno quimico embrecato y a una contina prebatina con materials alternativos. Luego estió fesable tener una caixa con un papel fotosensible zaboyato d'a luz, un canyon con o que enfocar-la, y un tancador ta fer pasar a luz o tiempo pro ta que percutiese a la binza.

A fotografía como arte, ciencia y experencia humana fuoron evolucionando en paralelo mientres iste tiempo. En cuanto estió fesable fer d'a cambra un dispositivo móvil fácil de manullar apareixió a posibilidat d'influir en o espectador por meyo d'a posición d'a cambra y a suya enfiladura, lo que premitíba tresladar a subchectividat d'o fotografo a la fotografía, antimás d'ir construindo un luengache artistico.

O luengache artistico fotografico empecipió con l'herencio d'a pintura, sindembargo enampló a escape o suyo lexico gracias a la facilidat de fer enfiladuras estrimeras (picatos, contrapicatos,...) a captura d'o movimiento con largos tiempos de tancador, y a decisión de l'inte. A presión sobre o fotografo ta sinyalar a suya subchectividat en a fotografía forchó un luengache plen de sotilezas pero que s'entiende perfectament, mui dreito ta cualsiquier observador.

Hue en día la fotografía ye practicata por millons de personas en tot o mundo armatos con buenas maquinas fotograficas. Preferindo-se actualment as maquinas con una buena optica y muitas opcions que adhiban flexibilidat, fren a las maquinas enfiladas a lo gastador, a on a optica y o tancador ye manullada por a electronica restando a lo feito de fer una foto gran parti d'a suya imprebisibilidat. L'aparición d'as maquinas dichitals, maquinas mistas con vidio, y a fotografía en comarcas de realidat virtual complican, enriqueixendo, o esdevenidero d'iste arte.

Historia d'a Fotografíaeditar

O primer resultato d'una fotografía de Joseph Nicéphore Niépce en 1826.

En as pachinas adedicatas a la historia d'a Fotografía se realiza una estudio detallato que albarca dende os suyos empecipiallos dica o mesmo sieglo XXI y que incluye o estudio d'os diferents eventos, personaches y cheneros fotograficos que han influito en o desembolique d'istos dos sieglos d'a historia d'a fotografía.

Dreitos d'Autoreditar

O Dreito de Autor considera a las imáchens fotograficas a los fins de tutelar as imáchens de personas u d'aspectos, fundamentos u feitos d'a vida natural u social obtenitas por meyo de l'emplego d'un procedimiento fotografico u enanto analogo.

Corresponde a lo fotografo, excepto en bellas cuestions relativas a los retratos fotograficos, o dreito exclusivo de reproducción, espardidura y venda. Sindembargo, si a obra ha estato obtenita en a bastida d'achuste de logamento de servicios u de treballo, tal dreito exclusivo corresponde a lo responsable d'o mandalexo actual. A duración d'os dreitos sobre a fotografía viene determinato por a normativa legal d'aplicación.

O Dreito tamién proteche a privacidat d'o subchecto fotografico. De feito, ye premitida a espardidura de fotografías sin o premiso d'o subchecto nomás en os casos de personaches publicos. En a resta d'os suposatos, o fotografo tetular d'a obra debe obtener o premiso d'o subchecto a la publicación y exposición publica.

Cheneros fotograficoseditar

Una cambra fotografica antiga.
  • Fotografía artistica.
  • Periodismo fotografico.
  • Fotografía d'envista.
  • Fotografía industrial.
  • Fotografía de viaches.
  • Fotografía d'aficionaus.
  • Fotografía archeolochica.
  • O retracto fotografico.
  • Fotografía de defuntos.
  • L'espullato fotografico.
  • O pictorialismo.
  • Os realismos fotograficos.
  • As vanguardias y a fotografía.
  • Fotografía academicista.
  • Fotografía de guerra.
  • Fotografía documental.
  • A Fotografía y l'Arte Contemporanio.
  • L'abstracción fotografica.
  • Zaguers tendencias fotograficas.
  • Atros emplegos d'a fotografía.

A Fotografía por paíseseditar

  • Fotografía espanyola.
  • Fotografía hispanoamericana.
  • Fotografía asiatica.
  • Fotografía en a Europa de l'Este.
  • Fotografía africana.
  • Fotografía en Oceanía.

Veyer tamiéneditar

  • Fotografía maldata.
  • Lomografía.
  • Fotografía ambulant.
  • Festivals de fotografía.

Vinclos externoseditar

🔥 Top keywords: PortaladaEstaus UniusAngkor WatCarles PuigdemontLista de municipios d'a provincia de MalagaEspecial:Zaguers cambeosCleopatra VIIBaike: AduyaLista de provincias d'Espanya por superficieIndonesiaBaike: Sobre2008Baike: Alvertencias cheneralsEspecial:MirarLista de municipios d'a provincia de ToledoLista de municipios d'a provincia de BadajozLista de municipios d'a provincia de SevillaRepublica Checa1960Sexo oral2007CaixicoBaike: TabiernaIlesia de Sant Istevan Protomártir de Sos d'o Rei CatolicoAlemanyaBaike: Actualidat1941Lista de municipios d'a provincia de CastellónFundación WikiSegunda Guerra MundialConferencia Episcopal EspanyolaRelación sexual20091981MasturbaciónBaike: Comunidat19211907Philippe NoiretContact (cinta)ZaragozaAcademia Aragonesa d'a LuengaSexo analBaike: Ortografía consensuadaFranciscoBaike: Tabierna/Aduya1927MediaWikiLista de municipios d'a provincia de Granada20 de chinero11 de chineroLista de municipios d'a provincia de CáceresAnuraBiquipediaDinamarcaLista de municipios d'a provincia de Cordoba24 de chineroArchentina10 de chineroDakarJustin BieberLista de municipios d'a provincia de Salamanca4 de chineroLista de municipios d'a provincia de CuencaLatínLista de municipios d'a provincia de Valencia30 de chineroLista de municipios de Cantabria8 de chineroZapo2010Aduya:Cómo rechistrar-seFebrero4 de chunioArchidiocesi de TarragonaLista de municipios de VenezuelaLista de municipios d'a provincia de ZamoraLista de Biquipedias17 de chineroBloodshot (cinta)Imachen:Logo Real Madrid.svgClupea harengus16 de febrero11 d'abrilCeresaLista de municipios d'a provincia de Palencia29 de chineroLista de municipios d'a provincia d'AlmeríaSollanaLista de municipios d'a provincia de BurgosBogotáBiquizionarioLoís IX de FranciaCastiella y LeyónWikiRio de JaneiroRobin Williams18 de setiembreImachen:Bloodshot 2020 Póster.jpeg