Cleopatra VII
reina d'Echipto
 | Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
- Iste articlo ye sobre Cleopatra VII a zaguera reina d'Echipto d'a dinastía d'os Ptolomeus; t'atros usos, se veiga Cleopatra (desambigación).
| Cleopatra VII | |
|---|---|
| Faraón d'a Dinastía ptolemaica | |
 Cleopatra VII | |
| 51 aC - 30 aC | |
| Predecesor | Ptolomeu XII |
| Succesor | Republica Romana |
| Naixencia | Chinero 69 aC Aleixandría |
| Muerte | 12 d'agosto de 30 aC Aleixandría |
| Descendencia | Cesarión, Alejandro Helios, Cleopatra Selene II y Ptolomeo Filadelfo |
| Dinastía | Dinastía ptolemaica |
| Pai | Ptolomeu XII |
| Mai | Cleopatra VI |
Cleopatra VII estió reina d'Echipto dende l'anyo 51 aC dica l'anyo 30 aC. Estió a zaguera reina d'a dinastía d'os Ptolomeus y d'o periodo helenistico, dimpués d'a suya muerte Echipto esdevenió en provincia de l'Imperio romano, lo que marcó lo final d'o periodo helenistico que s'heba encetau con o reinau d'Aleixandre lo Gran (336-323 a. de C.).
A suya luenga materna yera a koiné griega, encara que estió a primera soberana ptolemaica en aprender l'idioma echipcio,
En fan mención en o "Liber Regum":
L otro Tholomeo regno X annos. Estonz fo Siria en poder de los romanos e uino Pompei en Iherusalem e leuo los iudios por patria a Roma. Et estonz fo Chatón el sage. Et adonc naxieron Virgili & Oraci. E regnaua Leopatras en Egipto. Et estonz fo Iulius Cesar emperador de Roma de so cabal, que dantes los cónsules eran señores.
Ye nombrada tamién en as traduccions aragonesas de "Breviarium ab Urbe condita" y de "Vidas Semblants":
et fue conoscido por la loriga de oro. (et) [que] portaua et cesar conquerido lexandria diolo a cleopatra / sor de tholomeu ab la qual cesar auia acostumbrado de yaz[er] carnalment et la qual despues acompanyament Real entro en la Ciudat
Et Cleopatra fizo Crotas / & moujment(o)s / & fizo fermoso hedifiçio en(e)l templo d(e)la dea uenus / & plego todas las cosas real(e)s / & de gra(n)t p(re)çio q(ue)l hauja / es a saber oro argent p(er)las esmaragdos obras de uori / & de ebano / & de çinamonio / Et ensemble co(n) estas cosas puso mucha teda / & stopa
Cleopatra en a cultura popular
Cleopatra ha estau un personache que no ha deixau indiferent a las diferents culturas que pasoron per Echipto. Os romanos contemporaneos teneban una imachen negativa d'ella que yera a que a propaganda de l'Imperio Romano difundiba, encara que Virchilio instituyió a ideya de Cleopatra como una figura d'o romance y d'o melodrama epico. En a suya epoca estió representada en monedas, pinturas, vasillas, bustos y estactuas de l'arte grecorromano.
Posteriorment en a Edat meya y a Edat moderna se convirtió en un icono d'a cultura popular inspirando obras literarias, teatrals y sobre tot cintas de cine, que contribuyioron de forma significativa a modelar a imachen que tenemos en l'actualidat d'ella.
En o cine
Quasi dende a invención d'o cine se facioron cintas sobre ella, ya que yera una tematica muito de moda en ixa espoca tanto que mesmo inspiraba productos d'o fogar. A primera cinta documentada ye Cléopâtre, de Georges Méliès de l'anyo 1899 una cinta de cine mudo de terror, dimpués tamién cal destacar Cleopatra de 1917, de J. Gordon Edwards, con Theda Bara, Fritz Leiber, Sr., Thurston Hall y Alan Roscoe y a cinta Cleopatra de Cecil B. DeMille y interpretada por Claudette Colbert pero sobre tot cal destacar a polemica superproducción de l'anyo 1963 Cleopatra interpretada por Elizabeth Taylor y Richard Burton que quasi leva a la fallita a La Fox.
| Predecesor: Ptolomeu XII | Faraón d'Echipto 51-30 aC | Succesor: garra (Republica Romana) |
🔥 Top keywords: