Si charras aragonés y te faría goyo de tener una Enciclopedia libre en a tuya luenga, alavez tu puez aduyar a fer-la.
Pa trobar mas información, ves ta la pachina d'Aduya u deixa un mensache en a Tabierna.

Tamién puez veyer a portalada y colaborar con Biquipedia escribindo en a tuya variedat dialectal:

O vin ye una bebida alcoholica obtenita d'a fermentación alcoholica, por l'acción d'os recientos, d'o suco u mosto d'os fruitos d'a planta Vitis vinifera (vinyers) que transforma os zucres d'o fruito en alcohol etilico y gas anhidrido carbonico. Manimenos o vin ye una suma d'un conchunto de factors ambientals: clima, latitut, altaria, horas de liz, ecetra. Alto u baixo un 66% d'a cullita mundial d'uga s'adedica a la producción vinicola, la resta ye ta o suyo consumo como fruita. Con tot y con ixo lo cautivo d'os vinyers cubre nomás un 0,5% d'o suelo cautivable en o mundo. O cautivo de vinyers s'ha asociato a puestos con un clima mediterranio, en Europa, Sudamerica (Chile u Archentina), en Sudafrica u en Australia.

Se diz «vin» nomás a lo liquido resultant d'a fermentación alcoholica, total u parcial, d'o suco d'a uga, sin l'adición de denguna substancia. En muitas lechislacions se considera nomás como vin a la bebita fermentata obtenita de vitis vinifera, encara que s'obtienen bebitas pareixitas d'atras variedaz como a vitis labrusca, vitis rupestris, ecetra. O conoiximiento d'a ciencia particular de l'elaboración d'o vin se diz enolochía (sin de considerar os procesos de cautivo d'os vinyers). A ciencia que tracta nomás d'a biolochía d'os vinyers, asinas como d'o suyo cautivo se diz ampelolochía.

A ciencia que estudea o proceso de vignificación ye a Enolochía (d'o griego œnos, vin, y logos, ciencia).

Leyer más...

• a Guerra Anglo-Zanzibariana que estió una guerra entre o Reino Unito y Zanzíbar o 27 d'agosto de 1896 ye con una duración de 45 menutos a guerra más curta rechistrata en a historia?
• Una pardina (también dita mas localment en a Ribagorza) ye una casa rural anisolada, luent d'altras poblacions, que puede haber arrepostato altras edificacions agricolas u remateras á lo suyo rolde?
• o Comenche ye un territorio de l'Alta Gascunya, en o sudueste d'a Republica francesa, estando un d'os territorios que mugan con l'Alto Aragón y que ye troixiato politicament y almenistrativa entre os departamentos de Gers, l'Alta Garona y Arièja?