Zürcher Kantonalbank

Dialäkt: Züritüütsch

D Zürcher Kantonalbank (abgchürzt ZKB) isch di kantonal Volchsbank im Kanton Züri. Si isch en Universalbank, isch aso i allne Bankgschäft aktiv und schaffed mit allne Chundegruppe zäme.

Zürcher Kantonalbank (ZKB)
Logo
UnternähmensformÖffentlich-rächtlichi Aastalt
Gründig15. Februar 1870
SitzZüri, Schwiiz
Leitig

Urs Baumann (CEO)
Jörg Müller-Ganz (Bankpräsident)

Mitarbeiter5180 (31.12.2020)
Bilanzsumme188,4 Mrd. sFr. (31.12.2020)
BrancheBanke
Produkt

Finanzdienstleistige

Uffdritt im Netzwww.zkb.ch
Dialäkt: Züritüütsch

Volchsbankändere

D ZKB hät am 15. Februar 1870 iren eerscht Schalter uufgmacht. De Grund hät d Kantonsverfassig vo 1869 gläit, wo e Bank hät wele, wo s Kreditwäse im Kanton Züri förderet; im Artikel 24 ghäissts deet: «Er [das isch de Staat] errichtet zur Hebung des allgemeinen Kreditwesens beförderlich eine Kantonalbank.» So ghöört d ZKB sit 1870 zu 100 Prozänt em Staat, understaat aber nöd em Regierigsraat, sondern tiräkt am Kantonsraat. Dää wäält de Bankraat als Uufsichtsorgan. D Bank gnüüsst en unbigränzti Staatsgaranty.

Bidüütig und Kännzaaleändere

D ZKB isch di viertgrööscht Bank in de Schwyz und isch 2013 vo de Schwyzerische Nationalbank as «sischteemrelevant» ygstuuft woorde.

D Kännzaale per Ändi 2020 sind die:

  • Bruttogwünn vom Konzärn: 801 Mio. Franke
  • Jaaresgwünn vom Konzärn: 865 Mio. Franke
  • Gwünnuusschüttig an Kanton und a d Gmäinde: 456 Mio. Franke
  • Bilanzsume: 188 364 Mio. Franke
  • Äigni Mittel: 12 650 Mio. Franke
  • Chundevermöge: 361 658 Mio. Franke
  • Mitarbäiter: 5 180

D ZKB hät per Ändi 2020 58 Filiaale und ein Räie wyteri Ort mit Bancomat. Na vor nöd eso lang sinds 103 Gschäftsstele gsy (daadevo 83 Filiale, 16 Agenture und 4 Automatebanke).

Engagementändere

As Zürcher Volchsbank understützt d ZKB ganz vil kulturelli, soziali und wirtschaftlichi Undernämige.

Si isch d Hauptsponsorin vom Züri-Zoo, vom Wildnispark Züri, vom Theater Kanton Züri, vom Casinotheater Winterthur, vom Zürcher Theaterspektakel, vo de Literaturveraastaltige im Chaufflüüte, vom Zürcher Chammerorcheschter, vom Fäschtival jazznojazz, vom Jazzclub Moods, vo der Umwältarena Spräitebach und vom Veräin Zürcher Wanderwääg. Si richt de ZKB Schillerprys uus und hät d Stiftige Botanische Gaarte Grüenige und SanArena-Rettigsschuel ggründet. Si zalt au an Züri-Marathon, a d Töss-Stafette und an Zürcher Turnverband ane. Dezue ane understützt si s Nachtnetz vom Zürcher Vercheersverbund.

De Wirtschaft hilft si mit verschidene Prys, öppen em ZKB KMU-Prys und (zäme mit em Technopark) em ZKB Pionierprys. A de ZHAW förderet si es Gründerzäntrum und a der Universität Züri understützt si zum Byspil s «Center for Corporate Responsibility and Sustainability» und as Mitgründeri vo de Stiftig «Excellence Foundation Zurich» d Forschig i verschidene Biräich. Dezue ane förderet si Jungundernäme.

2018 hät si für all die Sache zämezellt 140 Milioone Franken uusggëë.[1]

Kritik am Rächtsgwandändere

S Rächtsgwand vo de Zürcher Kantonalbank isch alewyl na esoo glismet, as wäär si e lokali Bank für de chly Chund. Das isch aber lengscht nüme de Realitäät: D ZKB isch äini von grööschte Schwyzer Banke und isch europawyt presänt. Dezue ane chunt, dass si na zu dene Kantonalbanke ghöört, wo e volli Staatsgaranty händ, das ghäisst: Wänn si is Gwaggle chunt oder ganz zämebricht, mues de Kanton Züri jedem äinzelne, wo uf de ZKB Gält (gha) hät, ales bi uf de letscht Rappe us Stüürgälder wider zruggzale. Liberali Politiker wetted d Rächtsgrundlaag drum modernisiere, aber di lingge und di rächte Parteie sind degäge, wil si nach em hüttige Sischteem im Kantonsraat chönd über d ZKB mitbestime, und die Macht wänd s nöd uufgää.[2]

Literaturändere

Weblinkändere

Fuessnooteändere

  1. Reto Flury: Die Zürcher Kantonalbank lässt 150 Millionen Franken regnen und bereitet dem Kanton damit Kopfzerbrechen. In: Neue Zürcher Zeitung. 21. Februar 2019. Abgrüeft am 26. Juni 2022.
  2. Jürg Müller: ZKB: Die zu nahe Bank. In: Neue Zürcher Zeitung. 22. Meerze 2019. Abgrüeft am 26. Juni 2022.
🔥 Top keywords: Baike: HouptsyteBaike: ImpressumAngkor WatCarles PuigdemontPanamakanalBaike: Gemeinschafts-PortalWiki BaikeKleopatra VII.PornhubTransistorBaike: HilfeBaike: Iber WikipediaBenutzer Diskussion:BussakendleSpezial:SuechBaike: Aktuelle MeldungenBaike: KontaktBaike: BlettliBrückeArmenienUkraineSchweizerdeutschBenutzer Diskussion:B.A.EnzWort:HouptsyteGründonnerstagUSASpezial:Letschti ÄnderigeFußball-Weltmeisterschaft 2022Kategorie:!HauptkategorieIndienIrische SpracheStimmhafter dentaler FrikativBaike: StammtischAlemannischOktoberBuech:HouptsyteUngarische SpracheJapanische SpracheAvatar – Aufbruch nach PandoraWiki Baike Diskussion:Gemeinschafts-PortalBaike: HandbuchHilfe:VersionenHilfe:Logbücher17. JahrhundertMarlene DietrichWort:Schweizer VokabelnText:HouptsyteIndonesienSchweizBaike: ArtikelverzeichnisPuplingeTendabahnGeschlechtsverkehrBaike: WillkommenFellatioNew York City0erZweiter WeltkriegSpruch:HouptsyteSexualpraktikWikimedia FoundationVölkermord an den europäischen JudenRomHilfe:Neue Seite anlegenJudenText:BadnerliedRusslandBaike: TutorialGriechische ZahlenGemeinden des Kantons GraubündenBenutzer Diskussion:SEMSpezial:Myyni DiskussionssyteTyphusRennesFußball-Weltmeisterschaft 2006FerraraHilfe:KategorienJiddische SpracheHilfe:NamensraumFußball-Weltmeisterschaft 1962MasturbationGehirnKarfreitagEnzyklopädieBaike: HilfCunnilingusWeltwirtschaftsforumDeutschlandMissionarsstellungMittelalterPornografieCookieCaroline FarnerDiskussion:OktoberElsässischWikingerMittlerer Osten12. AugustBaike: Houptsyte (Schwäbisch)Berndeutsche Vornamen