Schwiizer Wanderwäg

Signalisazion vo de Wanderwäg mit gääle Wägwiiser oder Täfeli (CH und FL)

D Schwiizer Wanderwäg (früener Schwiizer Arbetsgmeinschaft für Wanderwäg, Abchürzig SAW) isch d Dachorganisation vo de kantonale Wanderwägverein vo der Schwiiz und Liechtestei. Unter em Name Wanderland Schweiz sind d Wanderwäg au Teil vom Projäkt SchweizMobil. D Schwiiz het es Netz vo markierte Wanderwäg, wo über 65'000 km (2019) lang isch, devo hei 14'000 km Hartbelag und si 21'000 km Bärgwäg.

Schweizer Wanderwege
Logo Schweizer Wanderwege.png
Logo der Schweizer Wanderwege
SportartWandere
Gründet1934
PräsidentinAdèle Thorens Goumaz
VorstandSimon Stadler, Jürg Balsiger, Michele Passardi, Damian Tomaschett
VerbandssitzBärn
Websitehttps://www.schweizer-wanderwege.ch/

Ufgabe und Fakte

D SAW unterstützt die kantonale Wanderwägverein und koordiniert d Aalage vo Wanderwäg wo über d Kantons- und Landesgränze use gönd. D SAW tuet au Kriterie für d Wägmarkierig festlege. S Schwizer Wanderwägnetz isch 2019 über 65'000 km lang gsi. Sit 2008 wärde d Wanderwäg vo der SAW zäme mit SchweizMobil verwaltet. Mit SchweizMobil wot me meh Touriste azie. Wil d Schwiizer Wanderwäg en wichtiger Teil vo Schwiizer «Touristesportarte» si, si si in SchweizMobil iglideret worde, wil me de d Wanderwäg besser cha iteile und nummeriere.

Zäme mit em Bundesamt för Landestopografii tüend d SAW Wandercharte im Massstab vo 1:50'000 mache, und vier Mol im Jahr tüend si d Zitschrift «Wanderland Schweiz» usegä.

Fakte für 2020: 80 % vo der Schwiizer Bevölkerig händ s Wanderwägnetz brucht, vo dene düend meh als d Hälfti (57 Prozent) regelmässig wandere. Die kantonale Wanderwägorganisatione händ alli zäme 49'391 Mitgliider. Im Jahr hälfe 1'500 Freiwilligi, s Wägnetz mit de öppe 50'000 Wägwiiser z unterhalte; das chostet pro Jahr öppe 800 Franke pro Kilometer Wanderwäg.[1]

2012 si d SAW mit em Freiwilligepriis vo der Schwizerische Gmeinnützige Gsellschaft für s innovative Corporate Volunteering-Projäkt und für d Freiwilligenarbet uszeichnet worde.

Galerii vo Signalisierige

Weblink

  Commons: Schwizer Wanderwägwiiser – Sammlig vo Multimediadateie

Quelle

  1. Zitschrift Gönnerinfo «amirando» 2019, S. 3: Unser Wirken im Fokus, Herausgeber Schweizer Wanderwege

Schwiizer Wanderwäg: Signalisazion vo de Wanderwäg mit gääle Wägwiiser oder Täfeli (CH und FL)

D Schwiizer Wanderwäg (früener Schwiizer Arbetsgmeinschaft für Wanderwäg, Abchürzig SAW) isch d Dachorganisation vo de kantonale Wanderwägverein vo der Schwiiz und Liechtestei. Unter em Name Wanderland Schweiz sind d Wanderwäg au Teil vom Projäkt SchweizMobil. D Schwiiz het es Netz vo markierte Wanderwäg, wo über 65\'000 km (2019) lang isch, devo hei 14\'000 km Hartbelag und si 21\'000 km Bärgwäg.