Nordamerika

Nordamerika isch dr drittgröschd Kontinänt. Zsämme mit Grönland, Middelamerika und de Karibische Insle het er ä Flechi vo 24.930.000 km².

Nordamerika

North America satellite orthographic.jpg
Flechi24,709,000 km² )
Iiwohner523,736,000 (Schätzig Juli 2007)
Bevölkerigsdichdi21.2/km²
Demonym:Amerikaner
Regierige22 Länder
SchbroocheÄnglisch, Französisch, Schbanisch, Kreolschbrooche, Indianerschbrooche, Schbrooch vo de Inuit, und vili anderi
D Lag vo Nordamerika uf dr Wält

Nordamerika isch dr nördlig Deil vom amerikanische Dobbelkontinänt, d Landbrugg in Middelamerika ghört drzue bis Panama. Im Norde isch dr Arktisch Ozean im Weschde dr Pazifischer Ozean, im Süde d Karibik und im Oschde dr Atlantik.

Etymologii

Dr Begriff „Nordamerika“ beschdoht us „Nord“, emä germanische Schdammword, und „Amerika“ (Lueg do).

Bevölkerig

Bis zu de Entdeckigsreise vo de Wikinger und de Schbanier isch Nordamerika nume vo Indianervölker und Eskimo besiidlet gsi. D Siidligsversuech vo de Wikinger uf dr Insle Grönland und in Vinland uf em Feschdland si nit erfolgriich gsi. D Schbanier hingege, und schbööter d Holländer, d Ängländer und d Franzose hai Fuess gfasst und Chrankete iigschlebbt, wo die Iigeborene zu Millione umbrocht hai. Au d Versklavig in Middelamerika und Chrieg hai die indianische Bevölkerige lo zsämmeschmelze uf ä Bruuchdeil vo dr Zahl wo si gsi sii, bevor d Europäer aacho si. Hützudag wurd mä in sonerä Situation vo Völkermord rede. Wil Arbetschreft gfehlt hai, hai d Europäer Millione vo Afrikaner in Weschdafrika versklavt und noch Amerika verschlebbt. Vor allem vom 19. Johrhundert a isch d Zahl vo europäische Iiwanderer schdark gwachse, wo vo dr Oschküschde us sich nach Weschde verbreitet hai. An dr Weschdküschde hai sich Asiate, vor allem Chinese und Japaner niiderglo, aber d Europäer mache ä Mehrheit vo dr nordamerikanische Bevölkerig us.

Schbrooche

Die iigeborene Schbrooche in Amerika und Kanada si faschd usgschdorbe, in Middelamerika hai si besser überläbt. Die wiitischd verbreiteti Schbrooch (USA, Kanada) isch Änglisch in siiner amerikanische Variante, in dr Karibik redet mä vilerorts Kreolschbrooche wo uf em Änglische basiere. Z Kanada schwätzt mä Französisch in dr Brovinz Quebec, und im US amerikanische Schdaat Louisiana het s no Überräschd vo sonige, won ä französische Dialäkt schwätze. Schbanisch isch die meischd verbreiteti Schbrooch in Mexiko und de andere Middelamerikanische Länder, wo vo de Schbanier kolonisiert worde si.

Länder

Staat odr
Territorium mit Fahne
Flechi
in km²[1]
Bevölkerig
(Juli 2007 Schätzig)[1]
Bevölkerigsdichdi
(pro km²)
Hauptschdadt
  Amerikanischi Jumpfereinsle (USA)346[2]108448313.4Charlotte Amalie
Flagge von Anguilla  Anguilla (UK)10213677134.1The Valley
Flagge von Antigua and Barbuda  Antigua und Barbuda44369481157.0St. John's
Flagge von Aruba  Aruba (Holland)[3]193100018518.2Oranjestad
  Bahamas1394030565521.9Nassau
Flagge von Barbados  Barbados431280946651.8Bridgetown
Flagge von Belize  Belize2296629438512.8Belmopan
Flagge von Bermuda  Bermuda (UK)53661631241.3Hamilton
  Britischi Jumpfereinsle (UK)15323552153.9Road Town
Flagge von France  Clipperton Island (Frankriich)900.0
Flagge von Costa Rica  Costa Rica51100413388480.9San José
  Curaçao (Niiderland)960223652233.0Willemstad
Flagge von Dominica  Dominica7547238696.0Roseau
  Dominikanischi Republik487309365818192.2Santo Domingo
Flagge von El Salvador  El Salvador210406948073330.2San Salvador
Flagge von Greenland  Grönland (Dänemark)2166086563440.026Nuuk
Flagge von Grenada  Grenada34489971261.5St. George's
Flagge von France  Guadeloupe (Frankriich)1780[4]452776[4]254.4Basse-Terre
Flagge von Guatemala  Guatemala10889012728111116.9Guatemala City
Flagge von Haiti  Haiti277508706497313.7Port-au-Prince
Flagge von Honduras  Honduras112090748376366.8Tegucigalpa
Flagge von Jamaica  Jamaika109912780132252.9Kingston
Flagge von Canada  Kanada9984670333901413.3Ottawa
  Kayman Insle (UK)26246600177.9George Town
Flagge von Cuba  Kuba11086011394043102.8Havanna
Flagge von France  Martinique (Frankriich)1100[4]436131[4]396.5Fort-de-France
Flagge von Mexico  Mexiko197255010870089155.1Mexico City
Flagge von Montserrat  Montserrat (UK)102953893.5Plymouth; Brades
  Navassa Insle (USA)500.0
Flagge von Nicaragua  Nicaragua129494567535643.8Managua
Flagge von Panama  Panama[5]78200324217341.5Panama-Stadt
Flagge von Puerto Rico  Puerto Rico (USA)8870[2]3944259444.7San Juan
Flagge von France  Saint Barthélemy (Frankriich)216852[6]326.3Gustavia
Flagge von Saint Kitts and Nevis  St. Kitts und Nevis26139349150.8Basseterre
Flagge von Saint Lucia  St. Lucia616170649277.0Castries
Flagge von France  Saint Martin (Frankriich)5433102[7]608.5Marigot
  Saint Pierre and Miquelon (Frankriich)242703629.1Saint-Pierre
Flagge von Saint Vincent and the Grenadines  St. Vincent und d Grenadine389118149303.7Kingstown
Flagge von Trinidad and Tobago  Trinidad und Tobago[3]51281056608206.0Port of Spain
  Turks und Caicos Insle (UK)4302174650.6Cockburn Town
  USA[8]982663030113994730.6Washington, D.C.
Total2470903652373630221.2

Fuessnote

  1. 1,0 1,1 Landflechi und Bevölkerig si vom The 2008 World Factbook, wo zur Ziit Date vom Juli 2007 het, wenn s nid andersch markiert isch.
  2. 2,0 2,1 Meergebiet möche ä groosse Deil vo dr ganze Flechi vo däm Land us. Do si d Meergebiet nit iigschlosse.
  3. 3,0 3,1 Je noch Definition hai Aruba, die niiderländische Antille, Panama, und Trinidad und Tobago Gebiet in Nord- und Südamerika.
  4. 4,0 4,1 4,2 4,3 Sit Guadeloupe und Martinique vo Übersee Departement zu Regione vo Frankriich gmachd worde si wärde si im The World Factbook nüm separat ufgfüehrt. D Zahle si dorum vom Juli 2006.
  5. Panama zelt im allgemeine ganz zu Nordamerika. Es git Expärte wo d Gebiet südlig vom Panama Kanal zu Südamerika zele; alli Zahle si für s ganze Land
  6. Noch dr Volkszelig vom Merz 1999.
  7. Noch dr Volkszelig vom Oktober 2004.
  8. Hawaii wird au drzue zelt, au wenn mä s im allgemeine zu Ozeanie duet.



Nordamerika

Nordamerika isch dr drittgröschd Kontinänt. Zsämme mit Grönland, Middelamerika und de Karibische Insle het er ä Flechi vo 24.930.000 km².