Montserrat Caballé

D María de Montserrat Bibiana Concepción Caballé i Folch [munsəˈrat kəβəˈʎe] (* 12. April 1933 z Barcelona; † 6. Oktober 2018 au dert) isch e spanischi Operesängeri (Sopran) gsii. Si het as aini vu dr wichtigschte Operesängerne gulte un mit iber 4000 Ufdritt as letschti großi Operediva.

Montserrat Caballé, 1971

Lääbeändere

D Caballé het z Barcelona un z Mailand Gsang studiert un 1956 am Theater Basel as Mimi in La Bohème vum in Puccini debütiert. Derzue het si am Theater z Saarbrücken gsunge. Vu 1959 bis 1962 isch si am Theater der Freien Hansestadt Bremen engaschiert gsii. Anne 1965 isch si fir d Marilyn Horne in ere konzertante Uffierig vu s Donizettis Opere Lucrezia Borgia in dr Carnegie Hall yygsprunge un het s Publikum begaischteret. Im nämlige Johr et si an dr Metropolitan Opera z New York as Margarethe in s Gounods Faust debütiert, doderdur isch si international bekannt wore. Mer het d Caballé vylmol as Gascht bi Feschtspiil chenne here (u. a. z Glyndebourne), syter anne 1971 isch si au regelmäßig an dr Hamburgische Staatsoper ufdrätte. Derzue isch si vylmol as Kunzärtsängeri ufdrätte.

Schwärpinkt vu ihrem umfangryche Repertoires hän vor allem d Opere vum Rossini, em Donizetti un em Bellini bildet, aber au vum Verdi un em Puccini. Merkmol vu ihre lyrische Stimm sin sinnligi Scheeni un e usserordeli Piano.

Anne 1987 het si zäme mit em Rocksänger Freddie Mercury s Lied Barcelona ufgnuu, wu 1992 zue dr Olympische Summerspiil wider vereffetligt woren isch un e große Erfolg woren isch.

Anne 1997 het dr Mike Moran ihre Album Friends For Life produziert, wu Duett mit dr Caballé un verschidene Sänger druf het, u. a. Bruce Dickinson, Johnny Hallyday, Johnny Logan, Gino Vannelli un Helmut Lotti.

Anne 1998 isch d Caballé mit eme Bambi uuszaichnet wore, 2007 het si dr Musikbyys Echo Klassik fir ihre Lääbeswärch iberchuu.

Am 1. April 2007 isch d Montserrat Caballé no 18 Johr zum erschte Mol wider uf dr Bihni vu dr Wiener Staatsopere ufdrätte. An dr Syte vu dr Natalie Dessay, em Juan Diego Flórez un dr Janina Baechle het si d Party vu dr Duchesse de Crakentorp in s Donizettis La fille du régiment (Die Regimentstochter) in ere Koproduktion vu dr Wiener Staatsopere, em Royal Opera House Covent Garden un dr Metropolitan Opera New York gee. Drotz ihrem hoche Alter isch si no im Juni 2018 z Kiew ufdrätte.[1]

Am 6. Oktober 2018 isch d Caballé im Alter vu 85 Johr gstorbe.

dr Lavirgen un d Caballé in Turandot (1980)
s Conservatorium Montserrat Caballé

Repertoireändere

  • Georg Friedrich Händel
  • Antonio Salieri
    • Les Danaïdes (Ipermestra)
  • Wolfgang Amadeus Mozart
    • Le nozze di Figaro (Contessa)
    • Così fan tutte (Fiordiligi)
    • Don Giovanni (Donna Anna und Donna Elvira)
    • Die Zauberflöte (Erste Dame)
  • Luigi Cherubini
    • Medea (Medea)
    • Démophoon (Dirce)
  • Gaspare Spontini
    • Agnese di Hohenstaufen (Agnese)
  • Gioachino Rossini
    • Il turco in Italia (Fiorilla)
    • Elisabetta regina d’Inghilterra (Elisabetta)
    • Il barbiere di Siviglia (Rosina)
    • Ermione (Ermione)
    • La donna del lago (Elena)
    • Semiramide (Semiramide)
    • Il viaggio a Reims (Madama Cortese)
    • Guglielmo Tell (Matilde)
  • Giacomo Meyerbeer
    • L’africana (Selica)
  • Giovanni Pacini
    • Saffo (Saffo)
  • Gaetano Donizetti
    • Le convenienze ed inconvenienze teatrali (Corilla)
    • Anna Bolena (Anna)
    • Sancia di Castiglia (Sancia)
    • Parisina d’Este (Parisina)
    • Lucrezia Borgia (Lucrezia)
    • Gemma di Vergy (Gemma)
    • Maria Stuarda (Maria)
    • Lucia di Lammermoor (Lucia)
    • Roberto Devereux (Elisabetta)
    • Caterina Cornaro (Caterina)
    • La fille du régiment (Duchesse de Crakentorp)
  • Vincenzo Bellini
    • La straniera (Alaide)
    • Il pirata (Imogene)
    • Norma (Norma, Adalgisa)
    • I puritani (Elvira)
  • Richard Wagner
    • Tristan und Isolde (Isolde)
    • Parsifal (Blumenmädchen)
  • Giuseppe Verdi
    • Ernani (Elvira)
    • Giovanna d’Arco (Giovanna)
    • I masnadieri (Amalia)
    • Il corsaro (Gulnara)
    • Luisa Miller (Luisa)
    • La traviata (Violetta)
    • Il trovatore (Leonora)
    • I vespri siciliani (Elena)
    • Aroldo (Lina)
    • Un ballo in maschera (Amelia)
    • La forza del destino (Leonora)
    • Don Carlos (Elisabetta)
    • Aida (Aida)
    • Otello (Desdemona)
    • Messa da Requiem
  • Amilcare Ponchielli
    • La Gioconda (Gioconda)
  • Camille Saint-Saëns
    • Henri VIII (Caterina d’Aragona)
  • Modest Mussorgsky
    • Boris Godunow (Marina)
  • Pyotr Tchaikovsky
    • Eugen Onegin (Tatjana)
  • Antonín Dvořák
    • Armida (Armida)
  • Arrigo Boito
    • Mefistofele (Margherita, Elena)
  • Jules Massenet
    • Manon (Manon)
    • Cleopatre (Cleopatra)
  • Alfredo Catalani
    • La Wally (Wally)
  • Ruggero Leoncavallo
    • Pagliacci (Nedda)
  • Giacomo Puccini
    • La Bohème (Mimì)
    • Tosca (Tosca)
    • Turandot (Liù, Turandot)
    • Madama Butterfly (Cio-Cio-San)
    • Manon Lescaut (Manon Lescaut)
  • Pietro Mascagni
    • Cavalleria rusticana (Santuzza)
  • Richard Strauss
    • Der Rosenkavalier (Die Marschallin)
    • Salome (Salome)
    • Ariadne auf Naxos (Ariadne)
    • Arabella (Arabella)
  • Francesco Cilea
    • Adriana Lecouvreur (Adriana)
  • Umberto Giordano
    • Andrea Chénier (Maddalena)
  • Ottorino Respighi
    • La fiamma (Silvana)
  • Leonardo Balada
    • Cristóbal Colon (Isabella)

Heerbyschpeländere

Weblinkändere

 Commons: Montserrat Caballé – Sammlig vo Multimediadateie

Fueßnoteändere

  1. Die Schmerzen fühlen Artikel uf faz.net vom 6. Oktober 2018
Dä Artikel basiert uff ere fräie Übersetzig vu dere Version vum Artikel „Montserrat_Caballé“ vu de dütsche Wikipedia. E Liste vu de Autore un Versione isch do z finde.
🔥 Top keywords: Baike: HouptsyteWort:HouptsyteBaike: ImpressumAngkor WatCarles PuigdemontBaike: Gemeinschafts-PortalJesidenKleopatra VII.Benutzer Diskussion:SEMHorst KöhlerBaike: KontaktPornhubBaike: HilfeBaike: Iber WikipediaModul:ArgumentsBaike: Aktuelle MeldungenText:HouptsyteSpezial:Letschti ÄnderigeBaike: StammtischSpezial:SuechBuech:HouptsyteTwitterBenutzer Diskussion:B.A.EnzSchweizerdeutschHilfe:LogbücherBenutzer Diskussion:BussakendleIndonesienÄgyptenWort:Schweizer VokabelnNils FeigenwinterWiki BaikeHilfe:KategorienAlemannischSpruch:HouptsyteSenegalBaike: BlettliBaike: WillkommenKategorie:!HauptkategorieBaike: Erste SchritteWiki Baike Diskussion:Gemeinschafts-PortalText:BadnerliedBaike: Umstellig uf alemannischi StichwerterNevi’imCunnilingusNordamerikaFroschlurcheBaike: Houptsyte (Schwyzerdütsch)Wikimedia FoundationVelarer NasalBaike: ArtikelverzeichnisFußball-Weltmeisterschaft 1982Kurt ScheidSexualpraktikSexGeschlechtsverkehrFaschismusOberwallisMasturbationNochricht:Dialäkt-Neuigkeite/ListeBenutzer Diskussion:Friedrich K.Hilfe:SucheCookieBaike: TutorialSpezial:Myyni DiskussionssyteBenutzer Diskussion:LeyoBaike: Houptsyte (Schwäbisch)PornografieMediaWikiMesopotamienBirchermüesliHouptsyteJapanische SpracheText:Z'Basel an mym RhySewastopolHans BickelWort:Schwäbische VokabelnReitstellungBaike: PresseSchweizEjakulationHilfe:VersionenTschechienDeutsche SpracheAdolf HitlerDeutschlandOsternRobin WilliamsDatei:2013 FITA Archery World Cup - Men's individual compound - Final - 04.jpgParc Léo-LagrangeMalawiSumerAndreas BurriBuntspechtA tergoEduard SchwyzerElsässischBerndeutsche VornamenRepublikKernkraftwerk Fukushima I