David McAllister

Ditsche Bolitiker

Dr David James McAllister (anglisch Üssproch: ˈdeɪvɪd dʒeɪmz məˈkæləstə, * 12. Jänner 1971 z Weschtberlin) isch e dytsche Bolitiker (CDU) un vu Juli 2010 bis Februar 2013 Minischterbresidänt vum Land Nidersachse gsii. Dodervor isch er syt 2003 Vorsitzende vu dr CDU-Landdagsfraktion gsii. Vu 2008 bis 2016 isch er au Vorsitzende vu dr Landes-CDU gsii. Sy Vorgänger in däne drei Ämter isch dr Christian Wulff gsii, wu anne 2010 Bundesbresidänt woren isch.

dr David McAllister (2009)

Dr McAllister isch dr erscht dytsch Minischterbresidänt mit ere dopplete Staatsburgerschaft.

Läbeändere

Uusbildig un Beruefändere

Dr David James McAllister isch as Suhn vun ere Dytsche un eme Brit uf d Wält chuu. Syy Vater, dr James Buchanan McAllister, stammt vu Glasgow (Schottland - dr Nàmme tüüscht nit!) un isch syter anne 1955 as Zivilbeamte vum Royal Corps of Signals z Berlin stationiert gsii. Är het dodervor im Zweete Wältchrieg bi dr britische 51st Highland Infantry Division dient, u. a. au z Dytschland.[1][2] Syy Mueter Mechthild isch Dytsch- un Gsanglehreri gsii. Dr David isch zämme mit syne bode eltere Schweschtere in dr britische Sidlig vu Berlin ufgwachse. Är isch zwoosprochig uf Dytsch un Änglisch erzoge wore un isch zerscht uf e britische Grundschuel gange.[3]

Wu syni Eltere 1982 vu Berlin uf Bad Bederkesa im Landkrais Cuxhaven umzoge sin, isch er dert uf s Nidersächsisch Internatsgymnasium gange un het dert anne 1989 s Abitur gmacht. Vu 1989 bis 1991 isch er as Zytsoldat (letschte Dienschtgrad Obergfreite[4]) bi dr Bundeswehr im Panzerbataillon 74 z Cuxhaven gsii. Vu 1991 bis 1996 het er mit eme Stipändium vu dr Konrad-Adenauer-Stiftig Rächtswisseschafte an dr Universitet Hannover studiert. Anne 1996 het er s erscht juristisch Staatsexamen absolviert un no dr Referendarzyt s zwait Staatsexamen anne 1998. Derno isch er Rächtsaawalt wore.

Barteilaufbahnändere

Vu 1991 bis 1994 isch dr McAllister Kraisvorsitzende vu dr Jungen Union im Kraisverband Cuxhaven gsii. Vum Augschte 2002 bis zum Augschte 2003 isch er Generalsekretär vu dr CDU Nidersachse gsii. Dr McAllister het au allme versuecht, sich uf em bundesbolitische Parkett z profiliere. Är isch fir zwai Johr stellverdrättende Vorsitzende vu dr Fraktionsvorsitzendekumferänz vu CDU un CSU wore un het am Grundsatzprogramm vu syre Bartei mitgschafft. Anne 2005 het en d Angela Merkel zum Generalsekretär vu dr Bundes-CDU welle mache, des het er aber abglähnt.[5]

Uf em Landesbarteidag vu dr CDU z Nidersachsen am 14. Juni 2008 z Celle isch dr McAllister mit 98,9 Brozänt vu dr Stimme zum neie Landesvorsitzende as Noofolger vum Christian Wulff gwehlt wore.[6] In däm Amt isch er am 27. Augschte 2010 bim Landesbarteidag z Lingen mit 97,0 Brozänt bstetigt wore. Bim Landesbardeitag am 26. Novämber 2016 isch dr Bernd Althusmann zu sym Noofolger gwehlt wore.[7]

Abgordneteändere

Vu 1996 bis 2010 isch dr McAllister Abgordnete im Cuxhavener Kraisdag gsii. Syt 1998 isch er Mitgliid vum Nidersächsische Landdag, wun er vum 4. Februar 2003 bis zue synere Wahl zum Minischterbresidänt am 1. Juli 2010 s Amt vum CDU-Fraktionsvorsitzende ghaa het.

Fir d Landdagswahl am 27. Jänner 2008 het en d CDU uf Blatz 2 vu dr Landeslischt blaziert. In sym Wahlkrais 57 (Hadeln-Wesermünde) het er, wie scho 2003, s Diräktmandat (52,64 Brozänt vu dr Erschtstimme) mit großem Vorsprung vor dr Dirätkandidate vu dr anderen Barteie gwunne.

Effetligi Ämterändere

Vu 2001 bis 2002 isch er Burgermaischter vu Bad Bederkesa gsii.

Är isch am 1. Juli 2010 zum Nidersächsische Minischterbresidänt gwehlt wore un het dodermit d Noofolg vum Christian Wulff aadrätte, wu ai Dag dervor vu dr Bundesversammlig zum Bundesbresidänt gwehlt woren isch.[8] In dr Landdagswahl vum 20. Jänner 2013 isch s Regierigslager knapp dr Opposition vu SPD un Bindnis 90/Grieni unterläge.

Privatsändere

Dr David McAllister isch syt em Augschte 2003 mit dr Rächtsaawälti Dunja McAllister, geb. Kolleck, ghyrote. S Baar het zwoo Dechter un wohnt z Bad Bederkesa.[2]

Uuszaichnigeändere

  • 2010: Niederrhein-Eule für politische Klugheit und Weisheit[9]
  • 2012: Ehredoktor vu dr Universitet Edinburgh

Literaturändere

  • Munzinger Internationales Biographisches Archiv 40/2007

Fueßnoteändere

  1. Hannoversche Allgemeine 25. Juni 2010: David McAllister. Der Brite, der in Hannover regieren soll
  2. 2,0 2,1 Mail-Online 6. Februar 2009: Could Germany be ruled by man named McAllister who got married in a kilt, supports Rangers... and drinks Irn-Bru?
  3. McAllister: CDU und FDP können auch gegen drei linke Gegner bestehen Interview im Deutschlandfunk vum 31. Jänner 2008.
  4. [McAllister will Zivis durch Rentner ersetzen]. Welt Online (12. Novämber 2010). Abgruefen am 27. Februar 2012.
  5. Martina Fietz: David McAllister: Wulffs Terrier greift an. In: Focus Online. 4. Juni 2010, abgruefen am 3. Juli 2010.
  6. Vgl. CDU-Parteitag: Wulff übergibt Vorsitz an McAllister Archivlink (Memento vom 30. Augschte 2010 im Internet Archive) bei ndr.de, 13. Juni 2008 (ufgruefen am 14. Juni 2008).
  7. Vgl. McAllister als CDU-Landeschef wiedergewählt bi spiegel.de, 27. Augschte 2010 (ufgruefen am 12. Februar 2012).
  8. McAllister zum Ministerpräsident gewählt – NDR Archivlink (Memento vom 4. Juli 2010 im Internet Archive)
  9. Niederrhein-Eule geht an David McAllister (Memento vom 10. April 2014 im Internet Archive), in: Hamburger Abendblatt vom 1. Oktober 2010, abgerufen am 8. November 2010

Weblinkändere

 Commons: David McAllister – Sammlig vo Multimediadateie
Dä Artikel basiert uff ere fräie Übersetzig vu dere Version vum Artikel „David_McAllister“ vu de dütsche Wikipedia. E Liste vu de Autore un Versione isch do z finde.
🔥 Top keywords: Baike: HouptsyteWort:HouptsyteBaike: ImpressumAngkor WatCarles PuigdemontBaike: Gemeinschafts-PortalJesidenKleopatra VII.Benutzer Diskussion:SEMHorst KöhlerBaike: KontaktPornhubBaike: HilfeBaike: Iber WikipediaModul:ArgumentsBaike: Aktuelle MeldungenText:HouptsyteSpezial:Letschti ÄnderigeBaike: StammtischSpezial:SuechBuech:HouptsyteTwitterBenutzer Diskussion:B.A.EnzSchweizerdeutschHilfe:LogbücherBenutzer Diskussion:BussakendleIndonesienÄgyptenWort:Schweizer VokabelnNils FeigenwinterWiki BaikeHilfe:KategorienAlemannischSpruch:HouptsyteSenegalBaike: BlettliBaike: WillkommenKategorie:!HauptkategorieBaike: Erste SchritteWiki Baike Diskussion:Gemeinschafts-PortalText:BadnerliedBaike: Umstellig uf alemannischi StichwerterNevi’imCunnilingusNordamerikaFroschlurcheBaike: Houptsyte (Schwyzerdütsch)Wikimedia FoundationVelarer NasalBaike: ArtikelverzeichnisFußball-Weltmeisterschaft 1982Kurt ScheidSexualpraktikSexGeschlechtsverkehrFaschismusOberwallisMasturbationNochricht:Dialäkt-Neuigkeite/ListeBenutzer Diskussion:Friedrich K.Hilfe:SucheCookieBaike: TutorialSpezial:Myyni DiskussionssyteBenutzer Diskussion:LeyoBaike: Houptsyte (Schwäbisch)PornografieMediaWikiMesopotamienBirchermüesliHouptsyteJapanische SpracheText:Z'Basel an mym RhySewastopolHans BickelWort:Schwäbische VokabelnReitstellungBaike: PresseSchweizEjakulationHilfe:VersionenTschechienDeutsche SpracheAdolf HitlerDeutschlandOsternRobin WilliamsDatei:2013 FITA Archery World Cup - Men's individual compound - Final - 04.jpgParc Léo-LagrangeMalawiSumerAndreas BurriBuntspechtA tergoEduard SchwyzerElsässischBerndeutsche VornamenRepublikKernkraftwerk Fukushima I