António Guterres

Dr António Manuel de Oliveira Guterres [ɐ̃ˈtɔnju ɡuˈtɛʁɨʃ]/? (* 30. April 1949 z Santos-o-Velho, Lissabon) isch e portugiesische Bolitiker un syt em 1. Jänner 2017 dr nyynt Generalsekretär vu dr Verainte Natione. Vu 1992 bis 2002 isch er Generalsekretär vu dr Partido Socialista (PS), vu 1995 bis 2002 Premierminischter vu Portugal un vu 1999 bis 2005 Bresidänt vu dr Sozialistische Internationale. Derno isch dr Guterres vu 2005 bis 2015 Hoche Flichtlingskommissar vu dr Verainte Natione gsii.

dr António Guterres, 2013

Lääbeändere

Uusbildigändere

Dr Guterres het anne Tächnisch Universitet Lissabon mit eme Diplom 1971 in Elektrischer Energytächnik absolviert.

Bolitischi Karriereändere

Ab 1976 isch dr Guterres Abgordnete im portugiesische Barlemänt gsii. Zytwys isch er Vorsitzer vum barlemäntarische Uusschuss fir Wirtschaft, Finanzen un Blanig un speter vum Uusschuss fir territoriali Verwaltig, Gmaine un Umwält gsii.[1] Vu 1981 bis 1983 isch er derzue au Mitglid vu dr Barlemäntarische Versammlig vum Europarot gsii un dert zum Vorsitzer vum Uusschuss fir Demografy, Migration un Flichtling gwehlt wore. 1992 isch er zum Generalsekretär vu dr portugiesische Partido Socialista (PS) gwehlt wore, des isch er bis anne 2002 gsii.

Vu 1995 bis 2002 isch er Premierminischter vu Portugal gsii.

Derzue isch dr Guterres vu Novämber 1999 bis Juni 2005 Bresidänt vu dr Sozialistische Internationale gsii.

UN-Flichtlingskommissarändere

Vu Juni 2005 bis 2015 isch dr Guterres UNO-Flichtlingskommissar gsii. In syre Amtszyt isch er fir e diefi Strukturreform ´vum UNHCR yydrätten un fir d Sänkig vum Personal am Hauptsitz z Gämf um iber 20 Brozänt. S Volume vu dr Arbet vum UNHCR het si in syre Amtszyt verdreifacht, wel d Zahl vu dr Mänsche, wu vor Konflikt un Verfolgig gflichtet sin, wältwyt vu 38 Millionen anne 2005 uf iber 60 Millionen anne 2015 gstiigen isch. Sy Amtszyt isch bregt gsii e baar vu dr greschte Flichtlingskrise, vor allem dur d Konflik z Syrien un im Irak, aber au in dr Zäntralafrikanische Republik oder im Jemen un d Krisen im Sidsudan.[1] 2015 isch er fir sy Engaschmänt mit em Dytsche Noohaltigkaitsbryys uuszaichnet wore.[2]. Sy Noofolger isch dr Filippo Grandi wore.

UN-Generalsekretärändere

Dr António Guterres het fir d Noofolg vum UNO-Generalsekretär Ban Ki-moon kandidiert.[3][4] Am 5. Oktober 2016 het dr der UN-Sicherhaitsrot dr Guterres aistimmig fir d Wahl zum Generalsekretär nominiert.[5] D Generalversammlig vu dr Verainte Natione het en am 13. Oktober 2016 per Akklamation in des Amt gwehlt.[6] Dr Amtsaid het dr Guterres am 12. Dezämber 2016 abglait, am 1. Jänner 2017 het er offiziäll d Noofolg vum Ban Ki-moon aadrätte.[7]

Persenligsändere

Dr Guterres isch Mitglid vum Club de Madrid, ere Allianz vu demokratische Ex-Bresidänte un Premierminis´chter us dr ganze Wält. Är schwätzt näb syre Muetersproch au no guet Änglisch, Franzesisch un Spanisch.

Dr Kadolik António Guterres isch syt April 2001 in zwooter Eh ghyrote mit dr Jurischtin un ehmolige Kulturbeufdraite vu dr Stadtverwaltig vu Lissabon, dr Catarina Marques de Almeida Vaz Pinto (* 1960).[8] Är het zwai Chinder, dr Pedro Guimarães e Melo de Oliveira Guterres (* 1977) un d Mariana Guimarães e Melo Guterres (* 1985), us erschter Eh mit dr Chinderpsychiateri Luísa Amelia Guimarães e Melo (* 1946; † 1998 z London[9]).[10]

Weblinkändere

 Commons: António Guterres – Sammlig vo Multimediadateie

Fueßnoteändere

  1. 1,0 1,1 Biografy António Guterres Archivlink (Memento vom 7. Oktober 2016 im Internet Archive). antonioguterres.gov.pt.
  2. Deutscher Nachhaltigkeitspreis Archivlink (Memento vom 20. Oktober 2016 im Internet Archive)
  3. Nachfolge von Ban Ki Moon: Diese Politiker wollen an die Uno-Spitze. In: Spiegel Online. 10. April 2016, abgruefen am 13. Oktober 2016.
  4. António Guterres - Candidate for the position of Secretary-General of the United Nations Archivlink (Memento vom 6. Jänner 2017 im Internet Archive). antonioguterres.gov.pt.
  5. António Guterres soll neuer UN-Generalsekretär werden. In: Süddeutsche Zeitung (online). 5. Oktober 2016, abgruefen am 5. Oktober 2016.
  6. António Guterres appointed next UN Secretary-General by acclamation. In: United Nations News Centre. 13. Oktober 2016, abgruefen am 13. Oktober 2016 (änglisch).
  7. Guterres als UNO-Chef vereidigt. Tages-Anzeiger, 12. Dezember 2016, abgruefen am 1. Januar 2017.
  8. Catarina Vaz Pinto (Lisbon Municipality). lisbonconsortium.com.
  9. Luisa Amélia Melo. geni.com.
  10. CATARINA VAZ PINTO E ANTÓNIO GUTERRES. caras.sapo.pt.


Dä Artikel basiert uff ere fräie Übersetzig vu dere Version vum Artikel „António_Guterres“ vu de dütsche Wikipedia. E Liste vu de Autore un Versione isch do z finde.
🔥 Top keywords: Baike: HouptsyteWort:HouptsyteBaike: ImpressumAngkor WatCarles PuigdemontBaike: Gemeinschafts-PortalJesidenKleopatra VII.Benutzer Diskussion:SEMHorst KöhlerBaike: KontaktPornhubBaike: HilfeBaike: Iber WikipediaModul:ArgumentsBaike: Aktuelle MeldungenText:HouptsyteSpezial:Letschti ÄnderigeBaike: StammtischSpezial:SuechBuech:HouptsyteTwitterBenutzer Diskussion:B.A.EnzSchweizerdeutschHilfe:LogbücherBenutzer Diskussion:BussakendleIndonesienÄgyptenWort:Schweizer VokabelnNils FeigenwinterWiki BaikeHilfe:KategorienAlemannischSpruch:HouptsyteSenegalBaike: BlettliBaike: WillkommenKategorie:!HauptkategorieBaike: Erste SchritteWiki Baike Diskussion:Gemeinschafts-PortalText:BadnerliedBaike: Umstellig uf alemannischi StichwerterNevi’imCunnilingusNordamerikaFroschlurcheBaike: Houptsyte (Schwyzerdütsch)Wikimedia FoundationVelarer NasalBaike: ArtikelverzeichnisFußball-Weltmeisterschaft 1982Kurt ScheidSexualpraktikSexGeschlechtsverkehrFaschismusOberwallisMasturbationNochricht:Dialäkt-Neuigkeite/ListeBenutzer Diskussion:Friedrich K.Hilfe:SucheCookieBaike: TutorialSpezial:Myyni DiskussionssyteBenutzer Diskussion:LeyoBaike: Houptsyte (Schwäbisch)PornografieMediaWikiMesopotamienBirchermüesliHouptsyteJapanische SpracheText:Z'Basel an mym RhySewastopolHans BickelWort:Schwäbische VokabelnReitstellungBaike: PresseSchweizEjakulationHilfe:VersionenTschechienDeutsche SpracheAdolf HitlerDeutschlandOsternRobin WilliamsDatei:2013 FITA Archery World Cup - Men's individual compound - Final - 04.jpgParc Léo-LagrangeMalawiSumerAndreas BurriBuntspechtA tergoEduard SchwyzerElsässischBerndeutsche VornamenRepublikKernkraftwerk Fukushima I