Sydney-opera

Die Sydney-opera (Engels: Sydney Opera House) is 'n sentrum vir die uitvoerende kunste te Bennelong-punt in Sydney, Nieu-Suid-Wallis, Australië. Die gebou is ontwerp deur die Deense argitek Jørn Utzon wat in 2003 die Pritzker-prys vir argitektuur ontvang het.[1]

Sydney-opera*
Unesco-wêrelderfenisterrein

Die wêreldbekende Sydney-operahuis.
Ligging van Sydney-opera op 'n kaart (Australië)
Sydney-opera
Sydney-opera
Ligging van die Sydney-operahuis in Australië
Koördinate: 33°51′31″S 151°12′50″O / 33.85861°S 151.21389°O / -33.85861; 151.21389Koördinate: 33°51′31″S 151°12′50″O / 33.85861°S 151.21389°O / -33.85861; 151.21389
LandeVlag van Australië Australië
TipeKultureel
Kriteriai
Verwysings166
StreekOseanië
Inskripsiegeskiedenis
Inskripsie2007  (31ste Sessie)
* Naam soos dit in die Wêrelderfenislys verskyn.
Streek soos deur Unesco geklassifiseer.
Die operahuis in die aand.
Die operahuis in aanbou in 1968.

Die Operahuis is op 28 Junie 2007 tot 'n Wêrelderfenisgebied verklaar.[2] Dit is een van die wêreld se mees kenmerkende geboue en een van die bekendste sentrums vir die uitvoerende kunste ter wêreld.

Die Sydney Operahuis is op Bennelong-punt geleë in Sydney-hawe, naby aan die Sydneyhawebrug. Dit is aan die noordoostelike punt van Sydney se middestad geleë en word aan drie kante omring deur die hawe en word ook begrens deur die Koninklike Botaniese Tuine.

Die gebou huisves verskeie aparte sale. Die twee hoofsale is die Operateater en die Konsertsaal. Die Sydney Operahuis is 'n belangrike optreeplek vir verskeie ballet-, opera- en teatergroepe asook verskeie reisende groepe uit 'n verskeidenheid genres en is 'n groot trekpleister vir toerisme. Dit word bestuur deur die Sydney Opera House Trust, wat val onder die ministerie vir kuns van Nieu-Suid-Wallis.

Beskrywingwysig

Die Sydney Operahuis is 'n ekspressionistiese moderne ontwerp met 'n reeks groot voorafgegote betondopstrukture,[3] wat elkeen ontwikkel is uit 'n hemisfeer met dieselfde radius wat die dak van die gebou vorm bo-op 'n podium. Die gebou beslaan sowat 1,8 hektaar en is 183 meter lank en 120 meter breed op sy breedste punt. Dit word ondersteun op 588 betonpilare wat 25 meter onder seevlak begrawe is. Die kragverbruik van die gebou is gelykstaande aan 'n dorp met 25 000 mense met 645 kilometer se elektriese kabel daarin.

Die dopstrukture van die Operahuis is bedek met 'n subtiele chevron-patroon wat uitgelê is met 1 056 006 glanswit en mat roomkleurige Sweedsvervaardigde teëls,[4] alhoewel die dakstrukture op 'n afstand helderwit voorkom.

Die konsertsaal is binne die westerse groep doppe geleë en die opera teater binne die oosterse groep doppe. Die skaal van die doppe is gekies om die vereiste hoogtes aan die binnekant te weerspieël en styg vanaf die lae ingangsportale oor die sitplekke en tot op die hoë verhoogareas aan die westekant. Die kleiner sale is onder die konsertsaal geleë as deel van die westelike groep strukture. 'n Baie kleiner groep dopstrukture naby die trappe huisves die Bennelong Restourant. Die dopstrukture van die Operahuis is vervaardig uit voorafgegote betonpanele wat ondersteun word deur voorafgegote betonribbe.[5]

Sale en fasiliteitewysig

Die Operahuis bevat die volgende sale:

  • Die Konsertsaal met 2 678 sitplekke is die tuiste van die Sydney Simfonie-orkes en word gebruik deur 'n groot aantal aanbieders van ander konserte. Dit bevat ook die groot orrel van die operahuis, die grootste van sy soort in die wêreld met meer as 10 000 orrelpype.
  • Die Operateater met 1 507 sitplekke is die tuiste van Opera Australië en die amptelike balletgroep van Australië.
  • Die Dramateater met 544 sitplekke wat gebruik word deur die Sydney Teatergeselskap en ander dans- en verhooggroepe.
  • Die Playhouse met 398 sitplekke.
  • Die Studio met veranderlike sitplekke en 'n maksimum kapasiteit van 400 plekke afhangende van die uitleg.
  • Die Utzon kamer, 'n klein veeldoelige saal met sitplekke vir tot 210 mense. Dit is die enigste binneruimte wat deur Utzon self ontwerp is.

Die gebou huisves ook

  • 'n ateljee vir klankopnames,
  • vyf restourante,
  • vier aandenkingswinkels en
  • 'n kantoor vir 'n begeleide toeragentskap.
Die binnekant van die konsertsaal

Verwysingswysig

  1. Sydney Morning Herald – berig oor die argitek se afsterwe
  2. Braithwaite, David (28 Junie 2007). "Opera House wins top status" (in Engels). The Sydney Morning Herald. Geargiveer vanaf die oorspronklike op 9 April 2017. Besoek op 28 Junie 2007.
  3. "Artikel deur die Royal Society of New South Wales". Geargiveer vanaf die oorspronklike op 27 September 2011. Besoek op 25 Augustus 2009.
  4. Utzon, J (2002). Sydney Opera House Utzon design principles (PDF). Sydney: Sydney Opera House Trust. p. 20. Geargiveer vanaf die oorspronklike (PDF) op 26 Februarie 2009. Besoek op 25 Augustus 2009.
  5. "Sydney Opera House". Tom Fletcher (in Engels). Geargiveer vanaf die oorspronklike op 4 Mei 2020. Besoek op 10 Februarie 2008.
🔥 Top keywords: Spesiaal:SoekTuisbladKategorie:Artikels met LCCN-identifiseerdersKategorie:Artikels met BNC-identifiseerdersKategorie:Artikels met MusicBrainz area-identifiseerdersKategorie:Artikels met CINII-identifiseerdersKategorie:Artikels met NKC-identifiseerdersKategorie:Artikels met Trove-identifiseerdersKategorie:Artikels met GND-identifiseerdersSpesiaal:Onlangse wysigingsKategorie:Artikels met BNE-identifiseerdersPaasfeesPornhubCarles PuigdemontAngkor WatRob HersovAfrikaansGrieksArmeniëJapanWestdenedam-rampDuitslandModule:ArgumentsRuslandGoogle MapsGoeie VrydagBaike: GebruikersportaalSeksposisieBaike: GeselshoekieSwangerskapSkildklierNieu-SeelandVerenigde KoninkrykSuid-AfrikaSeksAgorafobieGordelroosWiki BaikeT20I-wêreldbeker 2014Alfabetiese lys van Suid-Afrikaanse bomeBaike: OmtrentFIFA Sokker-Wêreldbekertoernooi in 2022Baike: Nuus vir gebruikersCiceroKanadaBaike: HulpJaarKantons van SwitserlandVergelykings (taalkunde)NierversakingMesopotamiëHidroponikaBosluisbytkoorsLys van Suid-Afrikaanse musikanteKolorektale kankerBloeddrukWit-DonderdagGalblaasGianna MichaelsOnderhandelinge om apartheid te beëindigBreinvliesontstekingMenstruasieBulgaryeMadison IvyGebruikerbespreking:RooiratelTrappe van vergelykingOekraïneSeksuele penetrasieAnrich HerbstPlae van EgipteCleopatra VIIMaagsweerJavaScriptBaike: Welkom nuwelingeHartversakingBernice WestHuisgenoot: Ware LewensdramasLys van Suid-Afrikaanse voëls (alfabeties)LewerCarike KeuzenkampAngina pectorisLêer:Flag of India.svgBorskankerGoogle TranslateIslamVolksrepubliek ChinaDuitse nasionale rugbyspanIndonesiëWarmlugballonPlanete in astrologieDikdermMenslike seksuele gedragFIFA Sokker-Wêreldbekertoernooi in 1982Lys van openbare vakansiedae in Suid-AfrikaHemelvaartsdagHartKolitisPtolemeusMaroela Media