Seepunt

Seepunt is een van Kaapstad se oudste voorstede en ook een van die digs bevolkte. Die voorstad lê tussen die Atlantiese Oseaan en Vlaeberg en word begrens deur Groenpunt in die noorde en Fresnaye in die suide.

Seepunt

Sea Point
Voorstad
Uitsig oor Seepunt.
Uitsig oor Seepunt.
Seepunt is in Cape Town
Seepunt
Seepunt
Koördinate: 33°54′55″S 18°23′33″O / 33.91528°S 18.39250°O / -33.91528; 18.39250Koördinate: 33°54′55″S 18°23′33″O / 33.91528°S 18.39250°O / -33.91528; 18.39250
LandVlag van Suid-Afrika Suid-Afrika
ProvinsieWes-Kaap
Metropolitaanse MunisipaliteitKaapstad
Oppervlak
 • Totaal1,58 km2 (0,61 vk. myl)
Bevolking
 • Totaal13 332[1]
 • Digtheid8 400/km2 (22 000/vk. myl)
TydsoneUTC+2 (SAST)
Poskode
8005
Skakelkodes021

Seepunt is 'n kusvoorstad waar veelverdieping-woonstelblokke ontstaan het, en het tot 'n gewilde woonbuurt vir bewoners en beleggers ontwikkel. Voor die onlangse styging in eiendomspryse is Seepunt as 'n gevaarlike voorstad beskou, omdat enkele woonstelblokke deur hul eienaars verwaarloos is. Beleggers beskou egter Seepunt as 'n voorbeeld van stedelike herlewing en herstel. Baie woonstelle is deur buitelanders, soos Britse, Duitse en Nederlandse beleggers gekoop.

Geskiedeniswysig

'n Vroeë kaart van Seepunt en sy infrastruktuur, omstreeks 1906
'n Lugaansig van Seepunt
Die Adelphi-winkelsentrum in Hoofweg was eens die tuiste van Seepunt se Adelphi-bioskoop.

Toe die Seepunt-tremlyn in 1862 geopen is, het die gebied tot Kaapstad se eerste "slaapstad" vir pendelaars ontwikkel, alhoewel die lyn aanvanklik na Kampsbaai geloop het. Teen die vorige eeuwisseling is die tremlyn deur die Metropolitaanse en Voorstedelike Spoorwegmaatskappy uitgebrei tot die middestad.

Die 19de eeuse ontwikkeling van Seepunt is veral deur die invloed van sy bekendste inwoner, Saul Solomon, die liberale afgevaardigde vir Kaapstad, aangespoor. Solomon, wat bekendheid as die stigter van die Engelsmedium-dagblad Cape Argus en die land se invloedrykste liberale politikus verwerf het, was 'n uitgesproke teenstander van rasse-ongelykheid aan die Kaap.

Sy rondekerk, St John's, wat in 1878 ingewy is, het sy sinkretistiese benadering tot godsdiens weerspieël. Gemeentes van vier verskillende godsdienste is in die gebou gehuisves, wat in die volksmond as "Solomon se tempel" bekend gestaan het. Die kerk is volgens 'n besluit van die stadsraad in die 1930's afgebreek.

Skepe wat Tafelbaai vanuit die ooskus van Afrika binnegevaar het, moet langs die kus by Seepunt maneuvreer. Baie skepe het op die plaaslike rotsriwwe gestrand. In Mei 1954 het die Basuto Coast, 'n skip van 246 ton, net enkele meter voor die betonmuur van Seepunt se promenade op rotse geloop.

In Julie 1966 het 'n groot vragskip, die S.A. Seafarer, enkele honderd meter voor Drieankerbaai se strand op rotse geloop. Die skip se gevaarlike vrag van vate met tetrametiel-lood en tetraetiel-lood, vlugtige en uiters giftige verbindings wat destyds as anti-klopmiddel by petrol gemeng is, het 'n groot bedreiging vir die plaaslike ekosisteem ingehou. Die skip is gaandeweg deur sterk Atlantiese branders vernietig.

Vanaf die middel- tot die laat-1990's was misdaad in Seepunt aan die toeneem nadat dwelmhandelaars en prostitute hulle hier gevestig het. Die bestryding van misdaad is deur die stadsraadslid vir veiligheid, Jean-Pierre Smith, suksesvol georganiseer.

Wapenwysig

Seepunt en Groenpunt het van 1839 tot 1913 hulle eie munisipaliteit gehad. Dir raad het in 1901 'n wapen in gebruik geneem. Die skild is gedeel en toon (1) die seinmaste op Seinheuwel (wat Groenpunt verteenwoordig) (2) 'n halwe goue leeu uitkomend uit die deellyn (wat Seepunt verteenwoordig). In die middel is 'n klein blou skildjie met drie ankers daarop (vir Drieankerbaai). Die wapenskild is met 'n koninklike kroon oortop.[2][3]

Demografiewysig

Volgens die Groepsgebiedewet is Seepunt vroeër as blanke woonbuurt geklassifiseer. Ná die aftakeling van rasseskeiding het die demografiese samestelling verander, en vandag huisves die voorstad bewoners vanuit 'n verskeidenheid van kulturele agtergronde.

Sien ookwysig

Verwysingswysig

  1. Subplek Seepunt 2011-sensus
  2. Wes-Kaapse Argief : Groen- en Seepunt Munisipale Notules (10 Julie 1901).
  3. Die wapen maak deel van die Metropolitan Golf Club se embleem.
🔥 Top keywords: Spesiaal:SoekTuisbladKategorie:Artikels met LCCN-identifiseerdersKategorie:Artikels met BNC-identifiseerdersKategorie:Artikels met MusicBrainz area-identifiseerdersKategorie:Artikels met CINII-identifiseerdersKategorie:Artikels met NKC-identifiseerdersKategorie:Artikels met Trove-identifiseerdersKategorie:Artikels met GND-identifiseerdersSpesiaal:Onlangse wysigingsKategorie:Artikels met BNE-identifiseerdersPaasfeesPornhubCarles PuigdemontAngkor WatRob HersovAfrikaansGrieksArmeniëJapanWestdenedam-rampDuitslandModule:ArgumentsRuslandGoogle MapsGoeie VrydagBaike: GebruikersportaalSeksposisieBaike: GeselshoekieSwangerskapSkildklierNieu-SeelandVerenigde KoninkrykSuid-AfrikaSeksAgorafobieGordelroosWiki BaikeT20I-wêreldbeker 2014Alfabetiese lys van Suid-Afrikaanse bomeBaike: OmtrentFIFA Sokker-Wêreldbekertoernooi in 2022Baike: Nuus vir gebruikersCiceroKanadaBaike: HulpJaarKantons van SwitserlandVergelykings (taalkunde)NierversakingMesopotamiëHidroponikaBosluisbytkoorsLys van Suid-Afrikaanse musikanteKolorektale kankerBloeddrukWit-DonderdagGalblaasGianna MichaelsOnderhandelinge om apartheid te beëindigBreinvliesontstekingMenstruasieBulgaryeMadison IvyGebruikerbespreking:RooiratelTrappe van vergelykingOekraïneSeksuele penetrasieAnrich HerbstPlae van EgipteCleopatra VIIMaagsweerJavaScriptBaike: Welkom nuwelingeHartversakingBernice WestHuisgenoot: Ware LewensdramasLys van Suid-Afrikaanse voëls (alfabeties)LewerCarike KeuzenkampAngina pectorisLêer:Flag of India.svgBorskankerGoogle TranslateIslamVolksrepubliek ChinaDuitse nasionale rugbyspanIndonesiëWarmlugballonPlanete in astrologieDikdermMenslike seksuele gedragFIFA Sokker-Wêreldbekertoernooi in 1982Lys van openbare vakansiedae in Suid-AfrikaHemelvaartsdagHartKolitisPtolemeusMaroela Media