Nikolaus Pevsner

Sir Nikolaus Bernhard Leon Pevsner CBE FBA (* 30 Januarie 1902 in Leipzig, Duitsland; † 18 Augustus 1983 in Londen) was 'n Duitse kunshistorikus wat hom in 1933 weens sy Joodse afkoms as politieke vlugteling in die Verenigde Koninkryk gevestig het. Hier het Pevsner, wat hom oorspronklik veral met barok-skilderkuns besig gehou het, begin om op kontemporêre boukuns te fokus.

Nikolaus Pevsner
Gebore
Nikolaus Bernhard Leon Pevsner

(1902-01-30)30 Januarie 1902
Sterf18 Augustus 1983 (op 81)
NasionaliteitVlag van Verenigde Koninkryk Verenigde Koninkryk
BeroepKuns- en argitektuurhistorikus
Bekend virThe Buildings of England
TitelPhD (1924)
EggenootLola Kurlbaum (vanaf 1923)
KindersUta Pevsner, Tom Pevsner, Dieter Pevsner
Ouer(s)Hugo en Anna Pevsner
WebwerfPevsner Architectural Guides

As 'n redakteur van die tydskrif Architectural Review en as akademikus is Pevsner veral verbind met sy rustelose pogings om die Britse publiek van die noodsaaklikheid van 'n besonder streng toepassing van modernistiese argitektuur te oortuig. Nogtans was hy een van die stigterslede van die Victorian Society, 'n vereniging wat in 1957 in die lewe geroep is om sommige van Londen se ikoniese Victoriaanse geboue van sloping te red.

Pevsner se belangrikste nalatenskap is egter sy omvattende reeks werke oor die boukuns van Engeland, The Buildings of England - 'n projek waarby hy vanaf die begin in 1945 tot met sy afsterwe in 1983 betrokke was en waarvan hy 32 boekdele alleen en 'n verdere tien in samewerking met ander outeurs geskryf het.[1]

Die boukuns van Londen is aanvanklik in twee boekdele behandel. Die eerste hiervan, getitel London, is in 1952 gepubliseer en was aan argitektuur buite die City of London en die City of Westminster gewy. Pevsner se omvattende navorsing oor en gedetailleerde beskrywings van geboue in die Britse hoofstad het van die boek 'n standaardwerk oor Londense argitektuur gemaak. Net so baanbrekend was die werk se handige sakformaat.

Voortgesette hersiening van die materiaal en die Britse hoofstad se onstuimige groei het die aantal boekdele oor Londen intussen tot ses laat groei. Ondanks Pevsner se reputasie as nugtere akademikus is sy werke vol van lewendige beskrywings soos the South Bank is brutalism at its most brutal.[2] Hierdie besondere skryfstyl het die pad gebaan vir een van sy mees uitgesproke medeskrywers, Ian Nairn, wie se gids oor Londen (Nairn's London, 1968) intussen kultstatus geniet.

Verwysingswysig

  1. Deyan Sudjic: Design Museum - London in Fifty Design Icons. London: Conran Octopus 2015, bl. 36
  2. Sudjic (2015), bl. 36
🔥 Top keywords: Spesiaal:SoekTuisbladKategorie:Artikels met LCCN-identifiseerdersKategorie:Artikels met BNC-identifiseerdersKategorie:Artikels met MusicBrainz area-identifiseerdersKategorie:Artikels met CINII-identifiseerdersKategorie:Artikels met NKC-identifiseerdersKategorie:Artikels met Trove-identifiseerdersKategorie:Artikels met GND-identifiseerdersSpesiaal:Onlangse wysigingsKategorie:Artikels met BNE-identifiseerdersPaasfeesPornhubCarles PuigdemontAngkor WatRob HersovAfrikaansGrieksArmeniëJapanWestdenedam-rampDuitslandModule:ArgumentsRuslandGoogle MapsGoeie VrydagBaike: GebruikersportaalSeksposisieBaike: GeselshoekieSwangerskapSkildklierNieu-SeelandVerenigde KoninkrykSuid-AfrikaSeksAgorafobieGordelroosWiki BaikeT20I-wêreldbeker 2014Alfabetiese lys van Suid-Afrikaanse bomeBaike: OmtrentFIFA Sokker-Wêreldbekertoernooi in 2022Baike: Nuus vir gebruikersCiceroKanadaBaike: HulpJaarKantons van SwitserlandVergelykings (taalkunde)NierversakingMesopotamiëHidroponikaBosluisbytkoorsLys van Suid-Afrikaanse musikanteKolorektale kankerBloeddrukWit-DonderdagGalblaasGianna MichaelsOnderhandelinge om apartheid te beëindigBreinvliesontstekingMenstruasieBulgaryeMadison IvyGebruikerbespreking:RooiratelTrappe van vergelykingOekraïneSeksuele penetrasieAnrich HerbstPlae van EgipteCleopatra VIIMaagsweerJavaScriptBaike: Welkom nuwelingeHartversakingBernice WestHuisgenoot: Ware LewensdramasLys van Suid-Afrikaanse voëls (alfabeties)LewerCarike KeuzenkampAngina pectorisLêer:Flag of India.svgBorskankerGoogle TranslateIslamVolksrepubliek ChinaDuitse nasionale rugbyspanIndonesiëWarmlugballonPlanete in astrologieDikdermMenslike seksuele gedragFIFA Sokker-Wêreldbekertoernooi in 1982Lys van openbare vakansiedae in Suid-AfrikaHemelvaartsdagHartKolitisPtolemeusMaroela Media