Luciano Pavarotti

Luciano Pavarotti (* 12 Oktober 1935; † 6 September 2007 in Modena) was 'n gevierde Italiaanse tenoor wat naas die operabedryf ook 'n suksesvolle loopbaan in die populêr-klassieke musiekgenre gehad het waar hy met sy buitengewone sangvermoëns miljoene mense bekoor het. Sy konserte is op televisie uitgesaai, en as een van The Three Tenors ("Die Drie Tenore") het Luciano Pavarotti verskeie kere fondse vir vlugtelinge help sterk en ook geld vir onder meer die Rooi Kruis ingesamel.

Luciano Pavarotti
Luciano Pavarotti in 2003 in St. Petersburg
Agtergrondinligting
Gebore12 Oktober 1935
Modena, Italië
Sterf6 September 2007
Modena, Italië
GenresOpera asook
populêr-klassiek
Beroep(e)Sanger
Jare aktief1955–2006
EtiketteDecca
Pavarotti se graf in Montale (naby Modena)

Pavarotti het sy Italiaanse tenoorloopbaan in 1961 begin en later in verskeie Europese operateaters soos dié van Wene en Londen opgetree. Met sy debuut in die Verenigde State saam met die sopraan Joan Sutherland, wat hom in Miami uitgenooi het om haar op 'n konserttoer te begelei, het hy in 1965 waardevolle ervarings opgedoen en ook erkenning gekry. In die tydperk tussen 1966 en 1972 het hy sy reputasie as 'n eersterangse operasanger in die Milanese Scala-operateater en ander groot Europese konserthuise gevestig. Sy debuut op 23 November 1968 in die New Yorkse Metropolitan Operahuis as Rodolfo in La Traviata het groot byval gevind.

In die laat 1970's het Pavarotti wêreldwye bekendheid verwerf en was befaamd vir die buitengewone kwaliteit van sy helder tenoorstem met sy skitterende en natuurlike bo-tone. Hy het gevolglik die bynaam "Koning van die hoë C's" gekry. In die 1970's en 1980's het Pavarotti in die wêreld se voorste operateaters opgetree en hom as een van die grootste moderne sangkunstenaars onderskei.

Met sy uitvoering van Nessun Dorma uit die opera Turandot tydens die FIFA Sokker-Wêreldbekertoernooi in 1990 in Italië, wat onder meer deur die Britse BBC uitgesaai is, het hy internasionale sterstatus bereik. By geleentheid van die laaste wedstryd van die kampioenskap het hy saam met sy bekende operakollegas Plácido Domingo en José Carreras opgetree en treffers wat tot in daardie stadium tot die operawêreld beperk was by 'n groter gehoor gewild gemaak. Pavarotti het sy invloed op die populêre musiekmark met popkonserte en televisie-advertensies verder uitgebrei, maar hoewel hy verskeie kere saam met popsterre opgetree het, het hy nogtans nooit sy identiteit as operasanger ingeboet nie.

In sy laaste jare het sy groot liggaamsgewig sy vermoë om in operas en konserte op te tree duidelik beperk, en sy laaste opvoering het in Maart 2004 in die Metropolitan Opera-huis in New York plaasgevind. Sy laaste konsert het ter geleentheid van die openingsplegtigheid van die Olimpiese Winterspele 2006 in Turyn (Italië) plaasgevind waar hy Il principe ignoto uit Nessun Dorma gesing het, terwyl die stadiongehoor die koorrefrein bygedra het.

Op 14 Augustus 2019 was daar 'n berig op Maroela Media geplaas dat Pavarotti se lewensverhaal eersdaags op die silwerdoek verewig sal word in die vorm van 'n dokumentêre program, met die bekroonde regisseur Ron Howard wat aan die stuur van sake sal wees.[1]

Verwysingswysig

Eksterne skakelswysig

  • (it) Luciano Pavarotti se amptelike webwerf
  • (en) Luciano Pavarotti in die Internet-rolprentdatabasis
  • (en) Luciano Pavarotti by Find a Grave
  • (en) "Luciano Pavarotti". Encyclopædia Britannica. Besoek op 1 Junie 2022.
🔥 Top keywords: Spesiaal:SoekTuisbladKategorie:Artikels met LCCN-identifiseerdersKategorie:Artikels met BNC-identifiseerdersKategorie:Artikels met MusicBrainz area-identifiseerdersKategorie:Artikels met CINII-identifiseerdersKategorie:Artikels met NKC-identifiseerdersKategorie:Artikels met Trove-identifiseerdersKategorie:Artikels met GND-identifiseerdersSpesiaal:Onlangse wysigingsKategorie:Artikels met BNE-identifiseerdersPaasfeesPornhubCarles PuigdemontAngkor WatRob HersovAfrikaansGrieksArmeniëJapanWestdenedam-rampDuitslandModule:ArgumentsRuslandGoogle MapsGoeie VrydagBaike: GebruikersportaalSeksposisieBaike: GeselshoekieSwangerskapSkildklierNieu-SeelandVerenigde KoninkrykSuid-AfrikaSeksAgorafobieGordelroosWiki BaikeT20I-wêreldbeker 2014Alfabetiese lys van Suid-Afrikaanse bomeBaike: OmtrentFIFA Sokker-Wêreldbekertoernooi in 2022Baike: Nuus vir gebruikersCiceroKanadaBaike: HulpJaarKantons van SwitserlandVergelykings (taalkunde)NierversakingMesopotamiëHidroponikaBosluisbytkoorsLys van Suid-Afrikaanse musikanteKolorektale kankerBloeddrukWit-DonderdagGalblaasGianna MichaelsOnderhandelinge om apartheid te beëindigBreinvliesontstekingMenstruasieBulgaryeMadison IvyGebruikerbespreking:RooiratelTrappe van vergelykingOekraïneSeksuele penetrasieAnrich HerbstPlae van EgipteCleopatra VIIMaagsweerJavaScriptBaike: Welkom nuwelingeHartversakingBernice WestHuisgenoot: Ware LewensdramasLys van Suid-Afrikaanse voëls (alfabeties)LewerCarike KeuzenkampAngina pectorisLêer:Flag of India.svgBorskankerGoogle TranslateIslamVolksrepubliek ChinaDuitse nasionale rugbyspanIndonesiëWarmlugballonPlanete in astrologieDikdermMenslike seksuele gedragFIFA Sokker-Wêreldbekertoernooi in 1982Lys van openbare vakansiedae in Suid-AfrikaHemelvaartsdagHartKolitisPtolemeusMaroela Media