Kaapse Dokter
Suidoostewind in die Boland
Die Kaapse Dokter is 'n droë suidoostewind wat oor die Kaapse skiereiland waai vanaf lente tot laat somer (September tot Maart in die suidelike halfrond). Sonder hierdie wind sou die lugbesoedeling in Kaapstad en omgewing baie erg wees. Op warm, vogtige somerdae bring dit lafenis en veroorsaak die "tafeldoek" oor Tafelberg.
Die wind hou vir ure, maar soms vir selfs dae aan. Snags neem dit egter af. Tydens die lente en herfs kom die swart suidoos soms voor en gaan gepaard met 'n besondere swaar reënneerslag.
In die beginjare van die Kaapse nedersetting het die suidoostewind dikwels groot skade aan koringoeste berokken.[1]
Agtergrondwysig
Al waai die wind oor 'n wye area van die Wes-Kaap, is dit veral erg in en om die Kaapse Skiereiland, waar dit sterk kan wees. Mense in Kaapstad noem dit "die Suidooster".
Bibliografiewysig
- Mabbutt, J.A. (red.): The Cape peninsula. Kaapstad: Maskew Miller, 1952.
Verwysingswysig
- ↑ Was der Wind mit dem Alltag in Kapstadt macht, tagesspiegel.de