Gobi

Gobi (Mongools: Говь Gof, letterlik "halfwoestyn"; Chinees: 戈壁, Gēbì) is 'n steppewoestyn in Sentraal-Asië en die sesde grootste woestyn ter wêreld.

Gobi
Ligging van die Gobiwoestyn in die Volksrepubliek China
Ligging van die Gobiwoestyn in die Volksrepubliek China
Name (taalvariante)
Vereenvoudigde Chinees  戈壁
PinyinGēbì
Nasa-Satellietbeeld van die Gobi-woestyn
Kaart van die Gobi-woestyn
Gobi-landskap in die provinsie Ömnögovi, Mongolië, met 'n Baktriese kameel (Camelus bactrianus) in die agtergrond

Liggingwysig

Dit is in die noorde en noordooste van die Volksrepubliek China asook in die suide van Mongolië geleë. Die woestynbekken van die Gobi word in die noorde begrens deur die Altai-gebergte en die grasvlaktes en steppe in Mongolië, in die suidweste deur die Hexikorridor en die Hoogland van Tibet, en in die suidooste deur die Noord-Chinese vlaktes.

Geskiedeniswysig

Die Gobiwoestyn het 'n noemenswaardige geskiedenis as deel van die uitgestrekte Mongoolse Ryk en as plek van verskeie belangrike stede aan die Syroete.

Marco Polo, die beroemde Venesiaanse reisiger, van wie se reise deur Asië in die laat 13de eeu hom ook aan die Gobi blootgestel het, het dit as volg beskryf:

"Die woestyn is so groot dat dit volgens bewering 'n jaar of meer duur om dit op sy breedste plek van oos na wes oor te steek; hier, waar die woestyn op sy smalste is, duur dit 'n maand. Die woestyn bestaan uit heuwels en valleie van sand, en daar is niks om te eet nie..."

Hoewel hierdie verslag soveel eeue gelede geskryf is, gee dit 'n mens 'n goeie beeld van die groot woestynstreek in Midde-Asië. Die leefwyse van die woestynbewoners het baie min verander sedert die dae toe Marco Polo hulle voorvaders ontmoet het.

Bevolkingwysig

Die bevolking van die woestyn is baie wyd verspreid en bestaan hoofsaaklik uit nomadiese Mongoolse herders, wat die vrugbaarder steppe noord van die eintlike woestyn bewoon. Daar is ook die bewoners van die oases in die suidweste en die handelaars wat die Gobi tussen Rusland en China deurreis.

Die handelsroetes oor die Gobi is baie oud. Kameelkaravane is die tradisionele manier om goedere oor die berge en deur die woestyne te vervoer, maar op die makliker roetes het die vragmotor in 'n sekere mate die plek van die kameel ingeneem. Daar is ook moderne paaie soos tussen Kalgan en Ulaanbaatar gebou. 'n Spoorlyn verbind China met Rusland oor die oostelike deel van die Gobi.

Klimaatwysig

Die klimaat van die Gobi is besonder straf. In die winter, wanneer die hele Noord-Asië die invloed van die antisikloniese toestande oor Siberië voel, kan die temperatuur tot -30°C of selfs -40°C daal.

In teenstelling hiermee is somertemperature van tot 40°C al aangeteken. Op die meeste plekke is die jaarlikse reënval minder as 100 mm. 'n Gedeelte hiervan val bowendien as sneeu in die winter en word weggewaai voordat dit in die lente kan ontdooi.

Die wind is 'n baie onaangename kenmerk van die streek se klimaat. In die lente en somer waai voortdurend 'n sterk oos-noordoostewind wat stofstorms veroorsaak. Die berugte Karaboeran-stofstorms maak reise deur die woestyn feitlik onmoontlik.

Die uitbreiding van die woestyn as gevolg van aardverwarming is veral vir stede soos die Chinese hoofstad Beijing 'n groot bedreiging. Die stad is tans net 70 km suidoos van die woestyn geleë.

Fauna en florawysig

Verskeie boksoorte, asook wilde-esels en wildeperde, word in die Gobi aangetref. Dan is daar natuurlik ook nog die Przewalski-perd of tarpan (Equus caballus przewalski), die enigste ware wilde perd wat in die 20ste eeu oorgebly het. Daar is ook talle klein knaagdiere, akkedisse en slange

'n Paar struike, soos die tamarisk, groei naby moerassige plekke en in holtes waar daar 'n bietjie vogtigheid is. Party spesiaal aangepaste plante, soos sekere doringboomsoorte, groei in die meeste dele van die woestyn.

Bronnelyswysig

Eksterne skakelswysig

  • Wikimedia Commons het meer media in die kategorie Gobi.
  • (en) "Gobi". Encyclopædia Britannica. Besoek op 2 Augustus 2019.
🔥 Top keywords: Spesiaal:SoekTuisbladKategorie:Artikels met LCCN-identifiseerdersKategorie:Artikels met BNC-identifiseerdersKategorie:Artikels met MusicBrainz area-identifiseerdersKategorie:Artikels met CINII-identifiseerdersKategorie:Artikels met NKC-identifiseerdersKategorie:Artikels met Trove-identifiseerdersKategorie:Artikels met GND-identifiseerdersSpesiaal:Onlangse wysigingsKategorie:Artikels met BNE-identifiseerdersPaasfeesPornhubCarles PuigdemontAngkor WatRob HersovAfrikaansGrieksArmeniëJapanWestdenedam-rampDuitslandModule:ArgumentsRuslandGoogle MapsGoeie VrydagBaike: GebruikersportaalSeksposisieBaike: GeselshoekieSwangerskapSkildklierNieu-SeelandVerenigde KoninkrykSuid-AfrikaSeksAgorafobieGordelroosWiki BaikeT20I-wêreldbeker 2014Alfabetiese lys van Suid-Afrikaanse bomeBaike: OmtrentFIFA Sokker-Wêreldbekertoernooi in 2022Baike: Nuus vir gebruikersCiceroKanadaBaike: HulpJaarKantons van SwitserlandVergelykings (taalkunde)NierversakingMesopotamiëHidroponikaBosluisbytkoorsLys van Suid-Afrikaanse musikanteKolorektale kankerBloeddrukWit-DonderdagGalblaasGianna MichaelsOnderhandelinge om apartheid te beëindigBreinvliesontstekingMenstruasieBulgaryeMadison IvyGebruikerbespreking:RooiratelTrappe van vergelykingOekraïneSeksuele penetrasieAnrich HerbstPlae van EgipteCleopatra VIIMaagsweerJavaScriptBaike: Welkom nuwelingeHartversakingBernice WestHuisgenoot: Ware LewensdramasLys van Suid-Afrikaanse voëls (alfabeties)LewerCarike KeuzenkampAngina pectorisLêer:Flag of India.svgBorskankerGoogle TranslateIslamVolksrepubliek ChinaDuitse nasionale rugbyspanIndonesiëWarmlugballonPlanete in astrologieDikdermMenslike seksuele gedragFIFA Sokker-Wêreldbekertoernooi in 1982Lys van openbare vakansiedae in Suid-AfrikaHemelvaartsdagHartKolitisPtolemeusMaroela Media