Djedefre

Egiptiese farao

Djedefre (ook Djedefra en Radjedef) was ’n Egiptiese farao van die 4de Dinastie tydens ’n tydperk bekend as die Ou Ryk. Hy is ook bekend onder sy Hellenistiese naam Ratoises (deur Manetho). Djedefre was die seun en opvolger van Choefoe, die bouer van die Groot Piramide van Giza; dit is nie seker wie sy ma was nie. Hy het die koninklike titel Sa-Rê (“Seun van Ra”) ingevoer en was die eerste farao wat sy cartouchenaam verbind het met dié songod.

Djedefre
Djedefra, Radjedef, Ratoises,[1]
Rooigraniet-kopbeeld van Djedefre van Aboe Rawash (Louvre).
Rooigraniet-kopbeeld van Djedefre van Aboe Rawash (Louvre).
Farao van die 4de Dinastie
Periode 10 tot 14 jaar, omstreeks 2575 v.C.
Voorganger Choefoe
Opvolger Chafra
Vader Choefoe
Monumente Piramide van Djedefre
Djedefre in Egiptiese hiërogliewe
Serech of Horusnaam
G5
xpr
Nebty-naam
G16
xprm
Goue Horus-naam
G8
G5 G5 G5
nbw
Nomen of geboortenaam
G39N5
 
raDdf
Portaal  Portaalicoon  Antieke Egipte

Familiewysig

Djedefre is met sy halfsuster Hetepheres II getroud. Hy het ook ’n ander vrou, Chentetka, gehad by wie hy minstens drie seuns, Setka, Baka en Hernet, en ’n dogter, Neferhetepes, gehad het. Dié kinders word genoem op standbeeldfragmente wat in die geruïneerde tempel naby sy piramide by Aboe Rawasj gevind is. Verskeie standbeeldfragmente van Chentetka is ook in die tempel gevind.[2] Ná onlangse uitgrawings deur ’n Franse span onder Michel Valloggia is die name van nog ’n moontlike seun en dogter, Nikaoedjedefre en Hetepheres, by dié van die ander kinders gevoeg.

Aboe Rawasj is hoër geleë as die res van Giza en die Piramide van Djedefre lyk dus hoër as die ander, maar is nie. Sommige historici glo die piramide is eintlike nie eens ’n piramide nie, maar ’n "sontempel". Die argeoloog Vassil Dobrev het selfs beweer dit is nie eens Djedefre s’n nie.

’n Standbeeld van Setka met inskripsies van sy naam en titels (Louvre).

Djedefre was met sy broer Kawab se weduwee, Hetepheres II, getroud. Sy was hul albei se suster en het ná Djedefre se dood moontlik met ’n derde broer, Chafra, getrou. Bekende kinders van Djedefre is:

  • Hornit, bekend uit ’n standbeeld van hom en sy vrou.[3]
  • Baka, bekend uit ’n standbeeld in Djedefre se tempel saam met sy vrou, Hetepheres.[4]
  • Setka, bekend uit ’n standbeeld in sy pa se piramidekompleks.[5]
  • Neferhetepes, bekend uit ’n standbeeldfragment van Aboe Rawasj.[5]

Die Franse span onder Vallogia het die name van nog twee moontlike kinders in die kompleks gevind:

  • Nikaoedjedefre is begrawe in die grafkelder F15 in Aboe Rawasj.[5]
  • Hetepheres word genoem in ’n standbeeldfragment.[3]

Bewindwysig

Die cartouchenaam van Djedefre in die Abydos-lys.

Volgens die Turynse Koningslys het Djedefre agt jaar lank regeer, maar daar word op inskripsies in sy piramide na Djedefre se elfde bewindsjaar verwys.[6] Die rede vir dié jaartal word betwis en sommige Egiptoloë vermoed dit verwys na Choenoe.

Piramidekomplekswysig

Die verwoeste Piramide van Djedefre by Aboe Rawasj.

Djedefre het die noordwaartse uitbreiding van die piramides voortgesit deur sy nou verwoeste piramide by Aboe Rawasj, sowat 8 km noord van Giza, te bou. Dit is in die heel noordelike deel van die dodeakker by Memphis.

Sommige geleerdes glo die sfinks van sy vrou Hetepheres II is die eerste een wat gebou is. Dit het deel gevorm van Djedefre se piramidekompleks. In 2004 het die Franse Egiptoloog Vassil Dobrev gesê hy het getuienis gevind wat daarop dui dat Djedefre verantwoordelik was vir die bou van die Groot Sfinks van Giza, wat soos sy pa lyk.[7]

Hoewel Egiptoloë aanvanklik gedink het sy piramide was nog nie voltooi toe hy dood is nie, het meer onlangse uitgrawings daarop gedui dat dit wel voltooi was.[8] Dit lyk of die kompleks in later eeue erg geplunder is, terwyl die farao se standbeelde so laat as die 2de eeu n.C. verwoes kon gewees het.[8]

Verwysingswysig

  1. Kim Ryholt: The political Situation in Egypt during the second intermediate Period: c. 1800 – 1550 B.C., Museum Tusculanum Press, Copenhagen 1997, ISBN 87-7289-421-0; William Gillian Waddell: Manetho (The Loeb classical Library)
  2. Aidan Dodson & Dyan Hilton, The Complete Royal Families of Ancient Egypt, Thames & Hudson (2004), p.59
  3. 3,0 3,1 Dodson & Hilton, p.58
  4. Dodson & Hilton, pp.56, 58
  5. 5,0 5,1 5,2 Dodson & Hilton, p.61
  6. Miroslav Verner, Archaeological Remarks on the 4th and 5th Dynasty Chronology, Archiv Orientální, Volume 69: 2001, p.375
  7. Riddle of the Sphinx
  8. 8,0 8,1 Clayton, pp.50-51

Eksterne skakelswysig

🔥 Top keywords: Spesiaal:SoekTuisbladKategorie:Artikels met LCCN-identifiseerdersKategorie:Artikels met BNC-identifiseerdersKategorie:Artikels met MusicBrainz area-identifiseerdersKategorie:Artikels met CINII-identifiseerdersKategorie:Artikels met NKC-identifiseerdersKategorie:Artikels met Trove-identifiseerdersKategorie:Artikels met GND-identifiseerdersSpesiaal:Onlangse wysigingsKategorie:Artikels met BNE-identifiseerdersPaasfeesPornhubCarles PuigdemontAngkor WatRob HersovAfrikaansGrieksArmeniëJapanWestdenedam-rampDuitslandModule:ArgumentsRuslandGoogle MapsGoeie VrydagBaike: GebruikersportaalSeksposisieBaike: GeselshoekieSwangerskapSkildklierNieu-SeelandVerenigde KoninkrykSuid-AfrikaSeksAgorafobieGordelroosWiki BaikeT20I-wêreldbeker 2014Alfabetiese lys van Suid-Afrikaanse bomeBaike: OmtrentFIFA Sokker-Wêreldbekertoernooi in 2022Baike: Nuus vir gebruikersCiceroKanadaBaike: HulpJaarKantons van SwitserlandVergelykings (taalkunde)NierversakingMesopotamiëHidroponikaBosluisbytkoorsLys van Suid-Afrikaanse musikanteKolorektale kankerBloeddrukWit-DonderdagGalblaasGianna MichaelsOnderhandelinge om apartheid te beëindigBreinvliesontstekingMenstruasieBulgaryeMadison IvyGebruikerbespreking:RooiratelTrappe van vergelykingOekraïneSeksuele penetrasieAnrich HerbstPlae van EgipteCleopatra VIIMaagsweerJavaScriptBaike: Welkom nuwelingeHartversakingBernice WestHuisgenoot: Ware LewensdramasLys van Suid-Afrikaanse voëls (alfabeties)LewerCarike KeuzenkampAngina pectorisLêer:Flag of India.svgBorskankerGoogle TranslateIslamVolksrepubliek ChinaDuitse nasionale rugbyspanIndonesiëWarmlugballonPlanete in astrologieDikdermMenslike seksuele gedragFIFA Sokker-Wêreldbekertoernooi in 1982Lys van openbare vakansiedae in Suid-AfrikaHemelvaartsdagHartKolitisPtolemeusMaroela Media