Karel II van Engeland

(Aangestuur vanaf Charles II van Engeland)

Karel II (Engels: Charles II; 29 Mei 1630 – 6 Februarie 1685) was die koning van Engeland, Ierland en Skotland.

Karel II
Koning van Engeland, Ierland en Skotland

HuisStuart
Regeer29 Mei 16606 Februarie 1685
VoorgangerKarel I
Richard Cromwell (Lord-Protektor)
OpvolgerJakobus II & VII
EggenoteCatherine van Braganza
KindersO.a. James Scott, 1ste Hertog van Monmouth, Charles FitzCharles, 1ste Graaf van Plymouth, Charles FitzRoy, 2de Hertog van Cleveland, Henry FitzRoy, 1ste Hertog van Grafton, George FitzRoy, 1ste Hertog van Northumberland, Charles Beauclerk, 1ste Hertog van St. Albans, Charles Lennox, 1ste Hertog van Richmond
Gebore29 Mei 1630; Sint James-paleis, Londen
Oorlede6 Februarie 1685; Whitehall-paleis, Londen
VaderKarel I
MoederHenrietta Maria van Frankryk

Vroeë lewewysig

Karel Stuart, die oudste oorlewende seun van Karel I van Engeland en Henrietta Maria van Frankryk, is op 29 Mei 1630 in Sint James-paleis in Londen gebore. Sy pa is op 30 Januarie 1649 in die Whitehall-paleis tereggestel tydens die Engelse Burgeroorlog. Engeland het ’n periode in die geskiedenis betree bekend as die Engelse Interregnum of die Gemenebes van Engeland. Die land was ’n de facto-republiek onder Oliver Cromwell.

Skotland was toe ’n aparte koninkryk en die parlement het Karel II op 5 Februarie 1649 in Edinburg aangewys as koning van die Skotte. Hy is op 1 Januarie 1651 gekroon. Nadat hy op 3 September 1651 in die Slag van Worcester deur Cromwell verslaan is, het hy na die Europese vasteland gevlug. Hy het die volgende nege jaar in bannelingskap in Frankryk, die Republiek van die Sewe Verenigde Nederlande en die Spaanse Nederlande gewoon.

Ondanks familiebande met Frankryk en Nederland deur Henrietta Maria en die Prinses van Oranje, het dié twee lande hulle by Cromwell geskaar. Karel was verplig om hom tot Spanje te wend vir hulp. Hy het ’n leër op die been probeer bring, maar het misluk weens ’n gebrek aan geld.[1]

Die troon herstelwysig

’n Politieke krisis het ontstaan ná die dood van Cromwell in 1658. Hy is as Lord-Protektor opgevolg deur sy seun, Richard, maar dié het geen magsbasis in die parlement of die leër gehad nie. In 1659 is hy gedwing om te abdikeer en die Protektoraat is afgeskaf. Karel is genooi om terug te keer en die troon te bestyg. Hy het op 27 Mei 1660 in Engeland aangekom en op sy 30ste verjaardag, 29 Mei 1660, in Londen. Ná 1660 is alle wetsdokumente gedateer asof Karel sy pa in 1649 opgevolg het. Hy is op 23 April 1661 in die Westminster-abdy gekroon as koning van Engeland en Ierland. Karel was die laaste monarg wat die dag voor die kroning aan die tradisionele optog van die Londense Tower na die abdy deelgeneem het.[2]

In 1670 het hy die geheime Verdrag van Dover aangegaan met sy neef, koning Lodewyk XIV van Frankryk. Hiervolgens het Lodewyk onderneem om Karel in die Derde Anglo-Nederlandse Oorlog te help en hom ’n pensioen te betaal as Karel belowe om hom op ’n ongespesifiseerde datum in die toekoms tot die Katolieke geloof te bekeer. Karel het in 1672 probeer om godsdiensvryheid ingestel te kry vir alle Katolieke en Protestante, maar die parlement het hom gekeer.

Dood en nalatenskapwysig

Karel het op 2 Februarie 1685 ’n beroerte gekry en is vier dae later in Whitehall-paleis op die ouderdom van 54 dood.[3] Hy het hom op sy sterfbed tot die Katolieke geloof bekeer.

Hy het geen kinders by sy vrou, Catherine van Braganza, gehad nie, maar het minstens 12 buite-egtelike kinders by sewe verskillende minnaresse as syne erken.[4] Baie van die kinders het die titel hertog of graaf gekry en die hertogdom van Cleveland is spesiaal geskep vir sy een minnares, Barbara Palmer, die Gravin van Castlemaine. Die huidige hertoë van Buccleuch, Richmond, Grafton en St. Albans is almal afstammelinge van Karel.[5]

Die belastingbetalers was uiters ongelukkig oor die geld wat op Karel se minnaresse en buite-egtelike kinders uitgegee is.[6] John Wilmot het van Karel geskryf:

Restless he rolls from whore to whore
A merry monarch, scandalous and poor.[7]

Diana, die Prinses van Wallis was ’n afstammeling van twee van Karel se buite-egtelike seuns, Henry FitzRoy, 1ste Hertog van Grafton, en Charles Lennox, 1ste Hertog van Richmond (wat ook ’n voorvader is van Camilla, koningin-gemalin van die Verenigde Koninkryk, die tweede vrou van Charles III). Diana se seun, William, Prins van Wallis, die eerste aanspraakmaker op die Britse troon, sal dus waarskynlik die eerste monarg wees wat van Karel II afstam.

Sohoplein in Londen is in die laat 1670's gebou en is oorspronklik "King Square" genoem ter ere van Karel. ’n Standbeeld van hom wat in 1681 opgerig is, staan steeds op die plein.[8]

Verwysingswysig

  1. Hutton, pp.74–112
  2. Keay, A. (2002). The Crown Jewels. The Historic Royal Palaces. ISBN 1 873993 20 X.
  3. Fraser, p.450; Hutton, p.443
  4. Fraser, p.411
  5. Fraser, p.413
  6. Hutton, p.338
  7. Miller, Charles II p.95
  8. "Soho Square Area: Portland Estate: Soho Square Garden" in Survey of London vol. 33 and 34 (1966) St Anne Soho, pp. 51-53. Datum besoek: 12 Januarie 2008.

Bronnewysig

Verdere leesstofwysig

  • Abbott, Jacob (1849). History of King Charles the Second of England. Beskikbaar by Project Gutenberg, Geargiveer 18 Februarie 2004 op Wayback Machine URL besoek op 2007-05-18
  • Hamilton, Anthony, Memoirs of the court of Charles II, P.F. Collier & Son, 1910. Memoires van Philibert, comte de Gramont
  • Harris, Tim (2005). Restoration: Charles II and his kingdoms, 1660–1685. Londen: Allen Lane. ISBN 0-7139-9191-7.
  • Jones, J. R. (1987). Charles II: Royal Politician. Londen.{{cite book}}: AS1-onderhoud: plek sonder uitgewer (link)
  • Keay, Anna (2008). The Magnificent Monarch: Charles II and the Ceremonies of Power. Londen: Hambledon Continuum. ISBN 978-1-84725-225-8.
  • Kenyon, J. P. (1957), "Review Article: The Reign of Charles II", Cambridge Historical Journal XIII: 82–86 
  • Miller, John (1985). Restoration England: the reign of Charles II. Londen: Longman. ISBN 0-582-35396-3.

Skakelswysig

🔥 Top keywords: Spesiaal:SoekTuisbladKategorie:Artikels met LCCN-identifiseerdersKategorie:Artikels met BNC-identifiseerdersKategorie:Artikels met MusicBrainz area-identifiseerdersKategorie:Artikels met CINII-identifiseerdersKategorie:Artikels met NKC-identifiseerdersKategorie:Artikels met Trove-identifiseerdersKategorie:Artikels met GND-identifiseerdersSpesiaal:Onlangse wysigingsKategorie:Artikels met BNE-identifiseerdersPaasfeesPornhubCarles PuigdemontAngkor WatRob HersovAfrikaansGrieksArmeniëJapanWestdenedam-rampDuitslandModule:ArgumentsRuslandGoogle MapsGoeie VrydagBaike: GebruikersportaalSeksposisieBaike: GeselshoekieSwangerskapSkildklierNieu-SeelandVerenigde KoninkrykSuid-AfrikaSeksAgorafobieGordelroosWiki BaikeT20I-wêreldbeker 2014Alfabetiese lys van Suid-Afrikaanse bomeBaike: OmtrentFIFA Sokker-Wêreldbekertoernooi in 2022Baike: Nuus vir gebruikersCiceroKanadaBaike: HulpJaarKantons van SwitserlandVergelykings (taalkunde)NierversakingMesopotamiëHidroponikaBosluisbytkoorsLys van Suid-Afrikaanse musikanteKolorektale kankerBloeddrukWit-DonderdagGalblaasGianna MichaelsOnderhandelinge om apartheid te beëindigBreinvliesontstekingMenstruasieBulgaryeMadison IvyGebruikerbespreking:RooiratelTrappe van vergelykingOekraïneSeksuele penetrasieAnrich HerbstPlae van EgipteCleopatra VIIMaagsweerJavaScriptBaike: Welkom nuwelingeHartversakingBernice WestHuisgenoot: Ware LewensdramasLys van Suid-Afrikaanse voëls (alfabeties)LewerCarike KeuzenkampAngina pectorisLêer:Flag of India.svgBorskankerGoogle TranslateIslamVolksrepubliek ChinaDuitse nasionale rugbyspanIndonesiëWarmlugballonPlanete in astrologieDikdermMenslike seksuele gedragFIFA Sokker-Wêreldbekertoernooi in 1982Lys van openbare vakansiedae in Suid-AfrikaHemelvaartsdagHartKolitisPtolemeusMaroela Media