Calgary

Calgary (Skots-Gaelies: "Klaar Water") is die grootste stad in die provinsie Alberta en die derde grootste in Kanada met 1 239 220 inwoners in die stad en 1 392 609 in die metropolitaanse gebied (2016).

Calgary

KaartWapen
Vlag
 LandVlag van Kanada Kanada
 Provinsie Alberta
 Koördinate51°03′N 114°04′W / 51.050°N 114.067°W / 51.050; -114.067
 Stigting1875
 Inkorporasie1884 (Town/City)
 Oppervlakte: 
 - Totaal825,56 vk km
 Hoogte bo seevlak1 048 m
 Bevolking: 
 - Totaal (2016)1 239 220
 - Bevolkingsdigtheid1 501/vk km
 - Metropolitaanse gebied1 392 609
 TydsoneUTC-7 (MST)
 BurgemeesterNaheed Nenshi
 PoskodeT1Y tot T3R
 Skakelkode403, 587
 Amptelike webwerfCity of Calgary

Calgary lê in die suide van Alberta en aan die westelike kant van die Groot Vlaktes, sowat 80 kilometer oos van die voorgebergtes van die Kanadese Rotsgebergte en 298 kilometer suid van Edmonton. Calgary maak deel uit van die dig bevolkte "Edmonton-Calgary-korridor". Die stad staan vandag bekend as 'n sentrum vir wintersport en ekotoerisme. Sy ekonomiese basis is die olienywerheid, terwyl ook die landbou, toerisme en hoëtegnologie-produkte 'n belangrike bydrae tot die vinnige ekonomiese groei van die stad lewer.

Geskiedeniswysig

In 1875 het die Northwest Mounted Police ("Noordwestelike Berede Polisie") 'n tentkamp by die samevloeiing van die Bow- en Elbowrivier opgerig, om die weg te baan vir nuwe setlaars in die gebied en onwettige drankhandel met die Eerste Nasies te voorkom. Die kamp en latere Fort Brisebois (wat in 1876 hernoem is tot Fort Calgary, na 'n plek op die Skotse eiland Isle of Mull) word as die bakermat van Calgary beskou, en met die bou van 'n spoorwegverbinding van die Canadian Pacific Railway in 1883 het die vinnige groei van die plattelandse nedersetting begin, wat aanvanklik veral op die landbou, handel, veeteelt en slagpale gesteun het. Die besproeiingsprojek van die Western Irrigation District het die plaaslike landbou en veeteelt in 1904 'n verdere hupstoot gegee.

Die stadshorison van Calgary, met die Saddledome-stadion in die voorgrond

Die groei het in 1914 versnel met die ontdekking van die olie- en gasvelde in die Turnervallei aan die westelike kant van Calgary en later, in 1947, met die Leduc-velde naby Edmonton. Hierdie gas- en olievelde en die stad se ligging langs die Trans Canada Highway en twee belangrike transkontinentale spoorwegverbindings het verseker dat Calgary tot die grootste metropolitaanse gebied in die provinsie Alberta ontwikkel het. Danksy 'n skerp styging van die olieprys teen die einde van die sewentigerjare het Calgary se binnestad tot 'n moderne wolkekrabbermetropool verander. Tans is oliesuiwering, vleisverwerking, graanmeule, brouerye, houtverwerking, en die vervaardiging van kunsmis en boumateriale die belangrikste nywerhede. Die Universiteit van Calgary is in 1945 gestig.

Calgary was in 1988 gasheerstad van die Olimpiese Winterspele. Een van die bekendste bakens van die stad, die Saddledome-stadion met sowat 20 000 sitplekke, is vir die spele opgerig.

Calgary Stampedewysig

'n Rodeo-vertoning by die Calgary Stampede-skou

Die inwoners van Calgary herdenk nog elke jaar hul beskeie verlede as 'n plattelandse cowtown. Die Calgary Stampede, wat in Julie plaasvind, is 'n internasionaal bekende skou en word tien dae lank met rodeo's, straatoptogte en danspartye gevier. Die skou is in 1912 deur Guy Weadick, 'n vroeëre cowboy uit die Amerikaanse deelstaat Wyoming, en sy Albertynse kollegas in die lewe geroep en het sedert 1923 jaarliks plaasgevind.

Eksterne skakelswysig

  • Wikimedia Commons het meer media in die kategorie Calgary.
  • (en) Toerisme-inligting oor Calgary op Wikivoyage
  • (en) Amptelike webwerf
  • (en) "Calgary". Encyclopædia Britannica. Besoek op 26 Junie 2023.
🔥 Top keywords: Spesiaal:SoekTuisbladKategorie:Artikels met LCCN-identifiseerdersKategorie:Artikels met BNC-identifiseerdersKategorie:Artikels met MusicBrainz area-identifiseerdersKategorie:Artikels met CINII-identifiseerdersKategorie:Artikels met NKC-identifiseerdersKategorie:Artikels met Trove-identifiseerdersKategorie:Artikels met GND-identifiseerdersSpesiaal:Onlangse wysigingsKategorie:Artikels met BNE-identifiseerdersPaasfeesPornhubCarles PuigdemontAngkor WatRob HersovAfrikaansGrieksArmeniëJapanWestdenedam-rampDuitslandModule:ArgumentsRuslandGoogle MapsGoeie VrydagBaike: GebruikersportaalSeksposisieBaike: GeselshoekieSwangerskapSkildklierNieu-SeelandVerenigde KoninkrykSuid-AfrikaSeksAgorafobieGordelroosWiki BaikeT20I-wêreldbeker 2014Alfabetiese lys van Suid-Afrikaanse bomeBaike: OmtrentFIFA Sokker-Wêreldbekertoernooi in 2022Baike: Nuus vir gebruikersCiceroKanadaBaike: HulpJaarKantons van SwitserlandVergelykings (taalkunde)NierversakingMesopotamiëHidroponikaBosluisbytkoorsLys van Suid-Afrikaanse musikanteKolorektale kankerBloeddrukWit-DonderdagGalblaasGianna MichaelsOnderhandelinge om apartheid te beëindigBreinvliesontstekingMenstruasieBulgaryeMadison IvyGebruikerbespreking:RooiratelTrappe van vergelykingOekraïneSeksuele penetrasieAnrich HerbstPlae van EgipteCleopatra VIIMaagsweerJavaScriptBaike: Welkom nuwelingeHartversakingBernice WestHuisgenoot: Ware LewensdramasLys van Suid-Afrikaanse voëls (alfabeties)LewerCarike KeuzenkampAngina pectorisLêer:Flag of India.svgBorskankerGoogle TranslateIslamVolksrepubliek ChinaDuitse nasionale rugbyspanIndonesiëWarmlugballonPlanete in astrologieDikdermMenslike seksuele gedragFIFA Sokker-Wêreldbekertoernooi in 1982Lys van openbare vakansiedae in Suid-AfrikaHemelvaartsdagHartKolitisPtolemeusMaroela Media