Pretoria-aalwyn
Plant spesie
Die Pretoria-aalwyn (Aloe pretoriensis) is 'n plantspesie wat tot die genus Aloe hoort. Dit kom wydverspreid maar kol-kol voor, vanaf Pretoria deur Limpopo, Mpumalanga, en in die oostelike distrikte van Zimbabwe en Eswatini.[2] Dit word nie bedreig nie, maar 'n sterk afname het in die Bankenveld-gebied van Gauteng voorgekom weens menslike ontwikkeling.[2] Dit blom in die winter en word deur insekte en voëls bestuif.
Pretoria-aalwyn | |
---|---|
Met blommende raseme aan lang bloeistele in rotsagtige grasveldhabitat, Limpopo | |
Wetenskaplike klassifikasie | |
Koninkryk: | |
Divisie: | |
Klas: | Liliopsida |
Subklas: | Liliidae |
Orde: | |
Familie: | |
Subfamilie: | Asphodeloideae |
Genus: | |
Spesie: | A. pretoriensis |
Binomiale naam | |
Aloe pretoriensis Pole-Evans, 1914[1] |
Die plant word 0,5 m tot 1,0 m hoog. In die winter (Mei tot Julie) groei daar 'n lang, vertakte bloeiwyse uit die plant wat tot 3 m hoog kan reik. Die perske-rooi blomme is in etlike slanke raseme gerangskik.[3] Die sukkulent het dun blare, wat ongewoon is vir aalwyne. Die blare word tot 500 mm lank en 150 mm breed, is gepunt en ligblouerig-groen van kleur met vertikale strepe op.[4] Daar is digte dorings op die basis van die blare en die rande van die blare is getand.
In Engels staan dit as die Pretoria aloe bekend.
Sien ookwysig
Verwysingswysig
- ↑ https://powo.science.kew.org/taxon/urn:lsid:ipni.org:names:529792-1
- ↑ 2,0 2,1 Mtshali, H. "Aloe pretoriensis Pole-Evans". Red List of South African Plants. redlist.sanbi.org. Besoek op 14 Junie 2021.
- ↑ van Wyk, Ben-Erik; Smith, Gideon; van Oudtshoorn, Frits (1996). Guide to the Aloes of South Africa (1ste uitg.). Briza Publications. pp. 62–63. ISBN 1-875093-04-4.
- ↑ 4,0 4,1 Mabuya, Ntuthuko; Makola, Thabang; Ngamlana, Sithi. "Aloe pretoriensis". PlantZAfrica.com. pza.sanbi.org. Besoek op 14 Junie 2021.
- ↑ Wentzel, Johan; Wentzel, Annette (2021). "Aloe pretoriensis". Wild Flower Nursery. wildflowernursery.co.za. Besoek op 14 Junie 2021.