Abraham Faure Louw

Ds. Abraham Faure Louw (Fauresmith, 28 Desember 1866 - Somerset-Wes, 16 Augustus 1960) was 'n predikant in die Nederduitse Gereformeerde Kerk en 'n kenner op die gebied van die Sending.

Ds. A.F. Louw.
Ds. Affie Louw se ouers met hul kinders. Agter: Hy, Andrew en George, later parlementslid vir die kiesafdeling Hanover. Middel: Jannie, ds. A.A. Louw, sy vrou, Jemima (gebore Murray), en Willie. Derde: Miemie, Mymie en Charlie. Voor: Jimmy.

Hy was een van ds. A.A. Louw, 'n skoonseun van ds. Andrew Murray van Graaff-Reinet en die eerste leraar van die NG gemeente Fauresmith, se drie seuns wat 'n evangeliedienaar geword het. Die ander twee as di. A.A. Louw en James Murray Louw. Hy ontvang sy opleiding op Murraysburg en in die Paarl, waarna hy verder studeer aan die Victoria-kollege en die Kweekskool op Stellenbosch. In 1894 word hy georden as leraar in die NG Kerk en dien agtereenvolgens die NG gemeente Graaff-Reinet (tot in 1900 en weer vanaf 1906), waar sy oupa aan moederskant, ds. Andrew Murray van 1822 tot 1866 leraar was, NG gemeente Aberdeen (1917-'20), NG gemeente Bloemfontein-Noord (1920-'28) en daarna 18 jaar op Stellenbosch.

Tydens die Anglo-Boereoorlog het hy as kapelaan onder sowat 5 000 krygsgevangenes op St. Helena gewerk en daarna van 1903 tot 1906 aan die hoof gestaan van die Boeren Zending School of Drostdy op Worcester waar 175 veral voormalige krygsgevangenes vir sendingwerk opgelei is. Hy verlaat Graaff-Reinet in 1912 en werk tot 1917 as die eerste organiserende sendingsekretaris van die Kaapse Kerk. Hy het die bynaam "oom Affie" gekry en was bekend om sy veelsydige en hoogs merkwaardige persoonlikheid. Hy was van nature vroom, evangelies geesdriftig en nederig, maar het ook 'n fyn humorsin gehad, treffende voorkoms, buitengewone geheue, skerp sêgoed en uitstaande preek- en skryfstyl. Hy het vele artikels en traktaatjies geskryf asook die outobiografie My eerste neëntig jaar (1958).

Sy seun ds. Abraham Faure Louw jr. het sy hele bediening van 1938 tot 1978 in die destydse NG Sinode van Midde-Afrika deurgebring en was ook in 'n stadium moderator van daardie Sinode.

Bronnewysig

🔥 Top keywords: Spesiaal:SoekTuisbladKategorie:Artikels met LCCN-identifiseerdersKategorie:Artikels met BNC-identifiseerdersKategorie:Artikels met MusicBrainz area-identifiseerdersKategorie:Artikels met CINII-identifiseerdersKategorie:Artikels met NKC-identifiseerdersKategorie:Artikels met Trove-identifiseerdersKategorie:Artikels met GND-identifiseerdersSpesiaal:Onlangse wysigingsKategorie:Artikels met BNE-identifiseerdersPaasfeesPornhubCarles PuigdemontAngkor WatRob HersovAfrikaansGrieksArmeniëJapanWestdenedam-rampDuitslandModule:ArgumentsRuslandGoogle MapsGoeie VrydagBaike: GebruikersportaalSeksposisieBaike: GeselshoekieSwangerskapSkildklierNieu-SeelandVerenigde KoninkrykSuid-AfrikaSeksAgorafobieGordelroosWiki BaikeT20I-wêreldbeker 2014Alfabetiese lys van Suid-Afrikaanse bomeBaike: OmtrentFIFA Sokker-Wêreldbekertoernooi in 2022Baike: Nuus vir gebruikersCiceroKanadaBaike: HulpJaarKantons van SwitserlandVergelykings (taalkunde)NierversakingMesopotamiëHidroponikaBosluisbytkoorsLys van Suid-Afrikaanse musikanteKolorektale kankerBloeddrukWit-DonderdagGalblaasGianna MichaelsOnderhandelinge om apartheid te beëindigBreinvliesontstekingMenstruasieBulgaryeMadison IvyGebruikerbespreking:RooiratelTrappe van vergelykingOekraïneSeksuele penetrasieAnrich HerbstPlae van EgipteCleopatra VIIMaagsweerJavaScriptBaike: Welkom nuwelingeHartversakingBernice WestHuisgenoot: Ware LewensdramasLys van Suid-Afrikaanse voëls (alfabeties)LewerCarike KeuzenkampAngina pectorisLêer:Flag of India.svgBorskankerGoogle TranslateIslamVolksrepubliek ChinaDuitse nasionale rugbyspanIndonesiëWarmlugballonPlanete in astrologieDikdermMenslike seksuele gedragFIFA Sokker-Wêreldbekertoernooi in 1982Lys van openbare vakansiedae in Suid-AfrikaHemelvaartsdagHartKolitisPtolemeusMaroela Media