Abraham Coetsee

Ds. Abraham Jacobus (Awie) Coetsee (Bethulie, Oranje-Vrystaat, 12 April 192926 Julie 2015) was predikant in drie gemeentes van die Gereformeerde Kerk: Koedoesrand 1957–1961, Colesberg 1961–1968 en Meyerton 1968–1994.

Ds. Abraham Jacobus Coetsee
Ds. Abraham Jacobus Coetsee
Ds. Abraham Jacobus Coetsee

NaamAbraham Jacobus Coetsee
Geboorte12 April 1929
Bethulie, Oranje-Vrystaat,
Sterfte26 Julie 2015 (op 86)
KerkverbandGereformeerd
Gemeente(s)Koedoesrand 1957–1961
Colesberg 1961–1968
Meyerton 1968–1994
Jare aktief1862–1869 (in Suid-Afrika)
KweekskoolTeologiese Skool Potchefstroom

Herkomswysig

Professore en studente aan die Teologiese Skool Potchefstroom, 1955. Agter: P.B. de Klerk, G.H. Buys, onbekend, A.Z. Pelser, G. du Plessis, P.J. Steyn, onbekend, onbekend, onbekend, A. Van der Walt, onbekend, Gert Bester, drie onebekend, H.A. Van Dalsen, onbekend. Middel: Onbekend, Abraham Coetsee, J.T.C. Snyman, J.H. Coetzee, J.A.H. van der Vinne, F.J. Labuschagne, J.J. Venter, J. van V. du Plessis, A.J. du Plessis, onbekend, Koos van Rooy, onbekend, A.J.R. Vermeulen, vier onbekend, L.H. Stavast. Voor: W.J.J. du Plessis, Willie Maritz, P.J. Pelser, J. Visser, P.C. Snyman, L.S. van der Vyver, proff. Sarel van der Walt, Willem Snyman, Stephanus du Toit, S.J. du Plessis, P.J.S. de Klerk, J.L.J. Snyman, F.N. Lion-Cachet, F.R.P. de Bruyn, A.S.L. Minnaar, T. Steyn.

Abraham Coetsee is gebore in die Suidwes-Vrystaat as die jongste seun van Hendrik Johannes Coetsee en Hester Aletta (geb. Coetsee). As plaasseun in sy kinderjare begin hy sy skoolopleiding in 'n plaasskooltjie op die plaas Groenpoortjie in die distrik Venterstad, 22 km van die dorp af. Dit sou egter net 'n kort tydjie wees, want vanaf sub. B (gr. 2) tot st. 2 het hy skoolgegaan op Venterstad en bly in die koshuis. Hierna het sy ouers na Bethulie verhuis, alwaar hy sy skoolopleiding verder ontvang en in die jaar 1947 gematrikuleer het.

Opleidingwysig

Die vierdejaarstudente aan die Teologiese Skool Potchefstroom, 1956. Voor (van links): A.J. Coetsee, W.J.J. du Plessis, L.H. Stavast, J.A.H. van der Vinne en J.A. van Rooy. Agter (van links): A.J.R. Vermeulen, J.H. van der Walt, A.A. van Dalsen, P.B. de Klerk.

In 1948 het hy hom ingeskryf aan die PUK vir CHO as B.A.-student. Vanaf sy kinderjare wou hy vir predikant studeer, en met dié doel voor oë het hy dan ook sy universiteitsloopbaan begin. Einde 1948 het sy ouers na Bloemfontein verhuis, met die gevolg dat hy die volgende jaar aan die UOVS ingeskryf het om sy studie voort te sit. In sy graadjaar het hy ook die pos van advertensievertaler vir Die Landbouweekblad by die Nasionale Pers Bpk. in Bloemfontein aanvaar. Hierna het hy sy studie voortgesit deur middel van aandklasse aan Kovsies.

Toe Die Landbouweekblad in hierdie jaar verskuif na Kaapstad, kon hy nie meegaan nie as gevolg van sy studie. Gevolglik het hy klerk by die Nasionale Boekhandel Bpk. in Bloemfontein geword en skryf aan die einde van die jaar die graad B.A. met Afrikaans-Nederlands en sosiologie as hoofvakke en staatsleer as byvak. Intussen het 'n stryd in sy binneste ontstaan en om tot helderheid en lig te kom, het hy 'n onderwyspos aan 'n plaasskool in die distrik Boshof aanvaar. Nadat hy reeds die vorms ingevul het om hom aan die fakulteit van opvoedkunde van die UOVS te bekwaam, het hy geweet watter rigting hy moes inslaan. Die volgende jaar het hy ingeskryf aan die UOVS vir die vakke Hebreeus en Latyn en 'n pos by die Nasionale Beenmeelfabriek Bpk. in die Rosestad aanvaar. Deur middel van aandklasse het hy aan die einde van die jaar in dié twee vakke geslaag. In 1953 het hy teruggekeer na Potchefstroom waar hy sy studie voortgesit het, toe as student in die teologie. Kort voor die eindeksamen sou begin, het hy ’n noodoperasie ondergaan weens sy blindederm sodat hy eers twee weke ná die ander studente beroepbaar gestel kon word.

Huwelik en loopbaanwysig

Ds. en mev. Coetsee en hul eersteling, Hennie.

Op 1 Januarie 1957 het ds. Coetsee in die huwelik getree met mej. Hester Lusya Coetsee, dogter van mnr. en (ten tyde van die huwelik wyle) mev. C. J. Coetsee van die distrik Bloemfontein, en onderwyseres aan die Dr. Viljoenskool in Bloemfontein. Hul eersteling was ’n seun, Hendrik Johannes. Sy eerste beroep het hy ontvang na die kombinasie Koedoesrand-Magol, waar hy in Februarie 1957 bevestig is. In 1961 het die gesin na Colesberg gegaan en in 1968 na Meyerton, waar ds. Coetsee in die bediening gestaan het tot hy sy emeritaat in 1994 aanvaar het.

Bronwysig

  • (af) Venter, H.J. 1959. Eeufeesgedenkalbum van die Gereformeerde kerke in die Klassis Waterberg 1859–1959. Potgietersrus: Deputaatskap vir die Gedenkalbum.
  • (af) Vogel, ds. Willem (red.). 2015. Die Almanak van die Gereformeerde Kerke in Suid-Afrika vir die jaar 2016. Potchefstroom: Administratiewe Buro.
🔥 Top keywords: Spesiaal:SoekTuisbladKategorie:Artikels met LCCN-identifiseerdersKategorie:Artikels met BNC-identifiseerdersKategorie:Artikels met MusicBrainz area-identifiseerdersKategorie:Artikels met CINII-identifiseerdersKategorie:Artikels met NKC-identifiseerdersKategorie:Artikels met Trove-identifiseerdersKategorie:Artikels met GND-identifiseerdersSpesiaal:Onlangse wysigingsKategorie:Artikels met BNE-identifiseerdersPaasfeesPornhubCarles PuigdemontAngkor WatRob HersovAfrikaansGrieksArmeniëJapanWestdenedam-rampDuitslandModule:ArgumentsRuslandGoogle MapsGoeie VrydagBaike: GebruikersportaalSeksposisieBaike: GeselshoekieSwangerskapSkildklierNieu-SeelandVerenigde KoninkrykSuid-AfrikaSeksAgorafobieGordelroosWiki BaikeT20I-wêreldbeker 2014Alfabetiese lys van Suid-Afrikaanse bomeBaike: OmtrentFIFA Sokker-Wêreldbekertoernooi in 2022Baike: Nuus vir gebruikersCiceroKanadaBaike: HulpJaarKantons van SwitserlandVergelykings (taalkunde)NierversakingMesopotamiëHidroponikaBosluisbytkoorsLys van Suid-Afrikaanse musikanteKolorektale kankerBloeddrukWit-DonderdagGalblaasGianna MichaelsOnderhandelinge om apartheid te beëindigBreinvliesontstekingMenstruasieBulgaryeMadison IvyGebruikerbespreking:RooiratelTrappe van vergelykingOekraïneSeksuele penetrasieAnrich HerbstPlae van EgipteCleopatra VIIMaagsweerJavaScriptBaike: Welkom nuwelingeHartversakingBernice WestHuisgenoot: Ware LewensdramasLys van Suid-Afrikaanse voëls (alfabeties)LewerCarike KeuzenkampAngina pectorisLêer:Flag of India.svgBorskankerGoogle TranslateIslamVolksrepubliek ChinaDuitse nasionale rugbyspanIndonesiëWarmlugballonPlanete in astrologieDikdermMenslike seksuele gedragFIFA Sokker-Wêreldbekertoernooi in 1982Lys van openbare vakansiedae in Suid-AfrikaHemelvaartsdagHartKolitisPtolemeusMaroela Media