Kuwah pliek u atawa di Pasè geukheun Kuwah pliëk nakeuh saboh peunajôh meukuwah santan nyang geutaguën nibak meupadum macam gulèe rampoë, kayém lam kuwah nyan geutamah udeuëng atawa geutamah cuë (bak reusam ureuëng Acèh Rayek). Geupeunan kuwah pliëk saweuëb dabeuëh utama kuwah nyan nakeuh pliëk (seupah u brôk nyang ka geucok minyeuk jih).

Kuwah U Pliek khas Aceh

Gulèe rampoë nyang jeuët keu asoë kuwah pliëk nakeuh : ôn muliëng, boh muliëng putik, boh reuteuëk, ôn peuték, ôn ubi, reubông kala, boh peuték putik ngon boh panah putik. Di Pasè kayém that geutamah udeuëng, teuma di Acèh Rayek geutamah cuë (saboh jeunèh sipôt itam nyang udép lam kruëng). Dabeuëh jih nyang laén nakeuh asam sunti, aweuëh, kunyèt, rheuë, ôn kruët ngon bawang.

Pliëk u

Saboh macam teuk kuwah pliëk nyan nakeuh geutaguën ngön eungkôt paya atawa eungkôt paya udép nyang ka geupeuthô ngon asap.

Ngieng cit peusaneut