Роштува — инь оцю Кристозшинь ила, кона ётафневи 7-це январьста Иисус Кристозть шачеманц лемс. Мокшень эрямас сувась кристозыяфтомада меле, ётафнезь сотомок кристозшида инголень илатнень мархта. Роштува пингста од аватне тиендсть медень пуре (тя пингть афолезь нолда сире алятнень). Иланди печкомс аноклальхть тува, тиемок лама айнемань тев: тувоть кафта-колма тарга лац андолезь; колма шит нолдалезь куду, коса сон эрясь пянакудала; кргазонза сотнельхть нардама, коза тонгольхть мзярога лопафтф тяльме тараткат и тяда меле симделезь ведьта шкай ужеть инголе, коса ульсть лопафтфт тяльмотне. Тувоть печколезь апак валхтт кргастонза нардамать и тараткятнень. Веронц нолдалезь Карда сярхка кевть алу и тязк крхталезь келувонь шявняса, конатнень крьвястелезь илань штатолть эзда. Куд пирьфса тиендсть озондома, кона ульсь эняльтьф куд ваныхненди-лездыхненди – Юрхтавати, тердемок синь илати, эняльдемок ванфтомс кудть аф цебярь вийда, кяжи ломаньда, азольхть сюкпря теест цебярь тевонь тиеманкса.

Роштува

Роштувать карша якасть калядама. Стирнятне якасть лопафтф келувонь тяльме мархта, конань лангс сотнельхть руцят и нардамат; цёранятне – байдек мархта, пайгоняса, пянакуд седяфксса, конань калтыелезь калядамань морамста. Оттне тиендсть роштувань колендемат сявф роштувань кудса. Роштува пингста тиендсть шужярьста идняка, конань сяльде пълхталезь. Кой-коста стирьхне и цёратне фкя-фкянь вачкиесть крьвястьф шужярьса.

Оцю мяль Роштуваста шарфтольхть наряжамати. Алятне, цёратне щальхть меколанкт шарфтф учань орхт, тиендсть офтонь шамафкст, шамаснон вадендезь содса и якасть кудга, эвфнемок ломаттнень. Тиендсть алашань понда, коза тяльголь сисем цёрат (мокшетне тиендсть алашать эзда культ, мезсь кемамаса ульсь сире койкс; тя ванфтовсь и рьвяяма-максома илатнень эса).

Роштува пингста содасть эрямати (кда пачалкась, конань путолезь венц лангс вальмя пряти, араль пялентьфокс, кинь лемс ульсь тя пачалкась, кулоль кизоть молемс), венцямати (кда кядти, конань тонголезь баня вяльдярьмава, кундаль мезевок понав – стирть козя мирдец ули), сай кизоти (шачи, аф шачи). Шачи кизоти содасть и тяфта: венц лангс ульцяв путнесть розь, тозер пулфт, конатнень щафтолезь пяль лангс. Шобдава ванолезь лангстост лешафть и азолезь кодама ули кизось. Якальхть и кулхцондома шабрань вальмалу. Корхтамать коряс синь содасть (цебяренди – аф цебяренди), ванолезь мезе ули сай эрямаса (пара – аф пара).

Тага ватт

петнемс

Кяльвалсь

петнемс
  • Сафонова Н.А. Празднично-обрядовые традиции мордвы в контексте региональной культуры Южного Урала // Культура и цивилизация. 2019. Том 9. № 5А. С. 133-142. (руз.)
  • УПТМН. Т. 7. пакш 3. Календарно-обрядовая поэзия и заговоры. Саранош, 1981;
  • Имайкина В.Л. Обрядовый календарь зимнего сезона мордвы // Мордовиянь университть тонафнема сёрматне . Кяльсь эди кяльвалсь. Нолдафкс 64, Саранош, 1968.
🔥 Top keywords: Пря лопаЭсти мастор1905НорвэгияЯпононь кяльПакистанПолень масторЛямбеширень СуданВикипедиесь:Пуромксонь вальмаОчижиАрмянонь кяльЛибанГреконь кяльДанмасторНикосияАнглань кяльАцамковАзербайджанТуркияИне СандорЛибияДанонь кяльЭуропонь сотксТокиаАфганистанУкраинаГаянаШаблон:Эряма вастаНедерландонь кяльЦилеШисьРоссия масторКорхнема:Пря лопаДжубаГрузияАндораРимБашка:ВешендемаЩечинКовМэксика1992КивиШаблон:Туркиянь ошнеАнимациесьЕреванАлжир (ош)ВикипедиесьТаллиннАла Саксонь кяльБудапештВикипедиесь:Community PortalЛоманень ронгаСловенияПортугалияРумынияБакуШаблон:Полень мастор ошнеБетлеемЁмла пря корошкеВаршава1961Афитт19851934ЧяйВарсиЭсватиниАшгабадСэнт ЛюсияИспанияЛи Сын МанШаблон:Шведмасторонь ошнеНедерланттДойчень кяльКристозшиУзбеконь кяльЛаосЯку ПинясовАрменияВедень прама вастаМарю ГулегинаИрландмасторАвстралиясьКизаМарс (шары тяште)ГуазапаМэри БлэрВикипедие:Кучф ломань вастт/Ru425Порто-НоваКофуШаблон:ПозКартаМальтаМака БочоришвилиКипраМода (шары тяште)Эстэли1996