Lev búlgaro

O lev foi introducido en 1881 cunha taxa de cambio fixa respecto ao franco francés. Dende entón, a moeda sufriu tres revalidacións. A primeira foi en 1952 por mor da inflación na posguerra, facéndose cunha taxa de cambio dun lev novo por 100 dos antigos. Despois, en 1962, vólvese a revalidar a moeda a razón dun lev por 10 dos devaluados. A partir de aquí o lev entrou nun período de estabilidade de preto de tres décadas. A diferenza doutras moedas dos estados comunistas, o lev non era convertible ás moedas dos estados occidentais. Con todo, a taxa de cambio oficial era de aproximadamente 90 stotinkis por dólar estadounidense, no mercado negro pagábase entre cinco e seis veces máis.

Despois da caída do comunismo, o lev volve sufrir fortes episodios de inflación. Por este motivo en 1997 estableceuse unha taxa de cambio fixa co marco alemán a razón de 1.000 lev por marco. O 5 de xullo de 1999 o lev vólvese a revalidar e estabeleceuse a paridade co marco alemán (1 BGN = 1 DEM). Por mor da substitución do marco polo euro (EUR) o 1 de xaneiro de 2002, o lev mantivo unha taxa de cambio fixa respecto da moeda única europea a razón de 1,95583 lev por euro. Prevese que o euro substitúa ao lev en 2011.

A moedas que circulan correntemente son as dos valores de:

• 1 stotinka
• 2 stotinki
• 5 stotinki
• 10 stotinki
• 20 stotinki
• 50 stotinki
• 1 lev

Os billetes búlgaros en circulación oficial son:

• 1 BGN
  • 112 x 60 mm
  • Tonalidade: vermello
  • Anverso: unha icona do Santo Iván Rilski do ano 1789
  • Reverso: o Mosteiro de Rila
• 2 BGN
  • 116 x 64 mm
  • Tonalidade: violeta
  • Anverso: o teólogo Pagisios de Chiliandar, de fondo o Mosteiro Zografou en Monte Athos
  • Reverso: escudo cun león rampante e o escudo de armas de Bulgaria
• 5 BGN
  • 121 x 67 mm
  • Tonalidade: rosa
  • Anverso: o pintor e deseñador Iván Milev, de fondo detalle da súa pintura "Arte e a Coroa de Espiñas"
  • Reverso: detalle das súas pinturas "Muller Colleitando" e "A Voda do Dragón"
• 10 BGN
  • 126 x 70 mm
  • Tonalidade: verde e rosa
  • Anverso: o lingüista Peter Beron, de fondo un globo terráqueo, un rinoceronte e unha balea
  • Reverso: un telescopio e motivos relacionados coa Astroloxía
• 20 BGN
  • 121 x 73 mm
  • Tonalidade: azul
  • Anverso: Stefan Stambolo], de fondo unha edición facsímile da súa antoloxía "Cancións e Poemas" e o selo do Comité Edinstvo
  • Reverso: o edificio da Asemblea Nacional e fragmentos das pontes da Aguia e do León en Sofía
• 50 BGN
  • 136 x 76 mm
  • Tonalidade: marrón
  • Anverso: o poeta e crítico literario Pencho Slaveykov, de fondo o Teatro Nacional e a Biblioteca Nacional en Sofía
  • Reverso: fragmento dun poema da súa antoloxía "Cancións Épicas" e motivos alegóricos ao mesmo
• 100 BGN
  • 141 x 79 mm
  • Tonalidade: verde escuro
  • Anverso: o escritor Aleko Konstantinov e un facsímile da súa primeira edición de "Un Viaxe a Chicago e Volta"
  • Reverso: o escritor rodeado de libros, flores, un reloxo e letras cirílicas

• 1 EUR = 1,9601 BGN (9 de marzo de 2014)
• 1 USD = 1,4127 BGN (9 de marzo de 2014)

Ligazóns externasEditar

• Banco Nacional de Bulgaria